ເມືອງຫົງສາ ກະກຽມການດຳເນີນກອງປະຊຸມໃຫຍ່ 3 ຂັ້ນ

ໃນຕອນເຊົ້າຂອງວັນທີ 4 ມັງກອນ 2019 ນີ້,  ເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມຈັດຕັ້ງຜັນຂະຫຍາຍຄຳສັ່ງ ເລກທີ  04/ຄລສພ ວ່າດ້ວຍການກະກຽມດຳເນີນ ກອງປະຊຸມໃຫຍ່ຂອງອົງຄະນະພັກແຂວງ,  ອົງຄະນະພັກເມືອງ,  ຄະນະພັກຮາກຖານ,  ຫນ່ວຍພັກສຳນັກງານ, ອົງການ, ກົມກອງ  ແລະ ຫນ່ວຍພັກຮາກຖານບ້ານໃນທົ່ວແຂວງ.  ພ້ອມນີ້ໄດ້ ເຊື່ອມຊຶມ ດໍາລັດ 348/ລບ ວ່າດ້ວຍມາດຕະຖານພົ້ນທຸກ  ແລະ ມາດຕະຖານພັດທະນາຢູ່ແຂວງໄຊຍະບູລີ  ກໍຄືການ ດຳເນີນກອງປະຊຸມໃຫຍ່ 3 ຂັ້ນຂອງພັກ  ຕິດພັນກັບການດຳເນີນກອງປະຊຸມໃຫຍ່  ໜ່ວຍພັກຮາກຖານບ້ານ ເມືອງຫານ.

ທ່ານ ຄຳເພັດ ພົມມະລາດ ເຈົ້າເມືອງຫົງສາ ກ່າວວ່າ:  ກອງປະຊຸມຄັ້ງນີ້, ແມ່ນການກະກຽມໃຫ້ແກ້ການດຳເນີນກອງປະຊຸມໃຫຍ່ ຂອງພັກແຕ່ລະຂັ້ນ ດຳເນີນໄປຖືກຕ້ອງຕາມກົດລະບຽບຂອງພັກ,  ທັງຮັບປະກັນການ ຊີ້ນຳ- ນຳພາ ຂອງຄະນະພັກຂັ້ນເທິງ  ແລະ ມີຄວາມເປັນເອກະພາບໃນທົ່ວປະເທດ, ພ້ອມທັງກວດກາ ແລະ ຕີລາຄາການຊີ້ນຳ-ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ 10 ຂອງພັກ,  ກົດລະບຽບຂອງພັກ,  ແຜນພັດທະນາເສດຖະກິດ-ສັງຄົມ 5 ປີ ແຫ່ງລັດ ຄັ້ງທີ 8  ກໍຄື: ການປະຕິບັດມະຕິ ກອງປະຊຸມໃຫຍ່,  ແຜນພັດທະນາເສດຖະກິດ-ສັງຄົມ 5 ປີ ຂອງທ້ອງຖິ່ນ ແລະ ຂະແຫນງການຢ່າງຮອບດ້ານ,  ຖືກຕ້ອງ ແລະ ພາວະວິໃສ.  ລວມທັງເປັນການກຳນົດທິດ ທາງຄາດຫມາຍ ສູ້ຊົນແຕ່ງ ລະດ້ານ ຂອງອົງຄະນະພັກ 5 ປີຕໍ່ຫນ້າ  ໃຫ້ຖືກຕ້ອງ ສອດຄອງກັບຄວາມເປັນຈິງ.

 

Leave a Reply

Your email address will not be published. Required fields are marked *

Facebook