7 ເທັກນິກ ຊ່ວຍໃຫ້ມືຖືເກົ່າຂອງທ່ານເຮັດວຽກໄດ້ໄວຫລາຍຂຶ້ນ

ທຸກວັນນີ້ ມືຖືລຸ້ນໃຫມ່ຈຸດເດັ່ນໃນເລື່ອງຂອງປະສິດທິພາບທີ່ດີຫລາຍຂຶ້ນ ແລະ ເຮັດໃຫ້ຫລາຍຄົນຄິດວ່າ ມືຖືເຄື່ອງເກົ່າຂອງທ່ານຈະບໍ່ໄດ້ແຮງເທົ່າເຄື່ອງເກົ່າ ແຕ່ຄວາມຈິງແລ້ວທ່ານກໍ່ເຮັດມືຖືໃຫ້ທ່ານໄວຫລາຍຂຶ້ນໄດ້ວັນນີ້ ໄດ້ລວມ 7 ເທັກນິກ ທີ່ເຮັດໃຫ້ມືຖືຂອງທ່ານເຮັດວຽກໄດ້ໄວຂຶ້ນ ໂດຍເວັບໄຊ Techradar ມາເບິ່ງຈະມີວິທີຫຍັງແດ່

ອັບເດດ Firmware ໃຫ້ໃຫມ່ຫຼ້າສຸດ

ສິ່ງທໍາອິດທີ່ຫລາຍຄົນເລືອກເຮັດ ແລະ ເປັນຄໍາຕອບທີ່ດີທີ່ສຸດຄື ການອັບເດດລະບົບປະຕິບັດການໃຫ້ຂຶ້ນ ເປັນເວີຊັ່ນໃຫມ່ທີ່ສຸດ ເພາະໃນເລື່ອງຂອງລະບົບປະຕິບັດການໃຫມ່ຈະມີການປັບປຸງການເຮັດວຽກໃຫ້ສະຖຽນ ແລະ ເລື່ອງຂອງລະບົບປະຕິບັດການໃໝ່ ເລື່ອງຂອງ Patch ຄວາມປອດໄພຂອງເຄື່ອງຈະຊ່ວຍໃຫ້ປ້ອງກັນການຖືກລັກ ຂໍ້ມູນຈາກຜູ້ບໍ່ຫວັງດີກໍ່ໄດ້ເຊັ່ນດຽວກັນ

ອັບເດດ Application ຂອງເຄື່ອງ

ການອັບເດດດໂປຣແກຣມຂອງມືຖື (Application) ເປັນອີກວິທີຫນຶ່ງທີ່ເຮັດໃຫ້ເຄື່ອງຂອງທ່ານສົ່ງຜົນເຮັດວຽກ ໄດ້ໄວຂຶ້ນ ແລະ ແກ້ປັນຫາພາຍໃນໂປຣແກຣມທີ່ເກີດຂຶ້ນມາໄດ້

ແລ້ວການອັບເດດ ທັງ Android ໃຫ້ເຂົ້າໄປທີ່ Google Play Store ຈາກນັ້ນເລືອກໄປທີ່ Apps ຈາກນັ້ນກົດປຸ່ມຂຽວ ທີ່ຂຽນວ່າ Update All ແລະ iOS ໃຫ້ເລືອກໄປທີ່ Apps Store ກົດເຂົ້າໄປທີ່ Update ແລ້ວເລືອກ Update All ດ້ານຂວາມືເທິງສຸດ

ປິດລະບົບ Auto Update

ເຖິງວ່າເລື່ອງຂອງການອັບເດດ Application ຈະເປັນເລື່ອງດີກໍ່ຈິງ ແຕ່ເລື່ອງຂອງການອັບເດດແບບອັດໂນມັດ ຈະສົ່ງຜົນຕໍ່ການໃຊ້ພື້ນທີ່ຈໍານວນຫລາຍ ແລະ ລວມເຖິງພະລັງງານ ດັ່ງນັ້ນ, ການອັບເດດອັດຕະໂນມັດ ອາດຈະບໍ່ເຫມາະສົມກັບມືຖືຮຸ່ນເກົ່າສັກເທົ່າໃດ ດັ່ງນັ້ນ ຄວນປິດຕາມຄວາມເຫມາະສົມແຕ່ບາງເຄື່ອງ ຈະບໍ່ສາມາດປິດລະບົບອັບເດດອັດໂນມັດໄດ້ ກໍ່ຄວນຈັດກຽມພື້ນທີ່ໃຫ້ພ້ອມ

ລົບຄ່າ Cache ຂອງ Browser

ຫລັງຈາກໃຊ້ງານມືຖືຄົບ 1 ປີ ຫລື 2 ປີ ສິ່ງທີ່ສັງເກດໄດ້ຄື ເຄື່ອງຈະຊ້າລົງ ແລະ ພື້ນທີ່ເຄື່ອງຈະເຫລືອຫນ້ອຍລົງ ສ່ວນຫນຶ່ງເກີດຈາກການເຂົ້າເວັບໄຊຂອງເຄື່ອງຈົນເຮັດໃຫ້ເກີດ Cache Memory ແຕ່ທັງຫມົດນີ້ ສາມາດລົບຄ່າໄດ້ ໃຫ້ເຂົ້າໄປ ທີ່ Settings> Privacy> ແລະ Clear Browsing date ແລ້ວກົດລົບໄດ້ເລີຍ ວິທີດັ່ງກ່າວເປັນ Google Chrome ສ່ວນໂປລແກຣມອື່ນອາດຈະໃຊ້ວິທີດຽວກັນ

ລົບ Apps ບາງຕົວທີ່ບໍ່ໄດ້ໃຊ້ອອກ

ໂປຣແກຣມທີ່ບໍ່ໄດ້ໃຊ້ງານ ຫລື ລົງເປັນກະແສໄວ້ອາດຈະສົ່ງຜົນບໍ່ດີກັບມືຖືເພາະທັງໃຊ້ພື້ນທີ່ ແລະ ຄວາມຈໍາຂອງ ຕົວເຄື່ອງອອກໄປ ແຕ່ສຸດທ້າຍວິທີທີ່ເຮັດໃຫ້ເຄື່ອງເຮັດວຽກໄດ້ໄວຂຶ້ນ ສ່ວນຫນຶ່ງຄືການລົບໂປຣແກຣມອອກ

ວິທີການລົບໂປຣແກຣມທີ່ບໍ່ຈໍາເປັນສໍາຫລັບ Android ລຸ້ນເກົ່າຈະຕ້ອງເຂົ້າໄປທີ່ Setting (ຕັ້ງຄ່າ)> Application> ເລືອກໂປຣແກຣມທີ່ບໍ່ໄດ້ໃຊ້> Uninstall (ຖອນການຕິດຕັ້ງ) ແຕ່ຖ້າເປັນລຸ້ນໃຫມ່ເຊັ່ນເວີຊັ່ນ 8.0 ຂຶ້ນໄປ ສາມາດກົດຄ້າງ ທີ່ icon ແລ້ວເລືອກ ຖອນການຕິດຕັ້ງ ຫລື Uninstall ກໍ່ໄດ້ເຊັ່ນກັນ

ສ່ວນ iOS ສາມາດກົດຄ້າງ ທີ່ icon ຂອງ Apps ທີ່ຕ້ອງການລົບ ແລ້ວກົດຮູບ X ເພື່ອລົບອອກໄດ້ທັນທີ

ແລະມືຖືຮຸ່ນໃຫມ່ບາງລຸ້ນກໍ່ມີໂປຣແກຣມທີ່ກວດສອບໂປຣແກຣມທີ່ໃຊ້ເລື້ອຍ ຫລື ບໍ່ເຄີຍແຕະຕ້ອງກໍ່ສາມາດ ໃຫ້ເຄື່ອງລົບອອກໂດຍອັດໂນມັດກໍ່ໄດ້ເຊັ່ນດຽວກັນ

ລອງຕິດຕັ້ງ Apps ທີ່ມີຂະຫນາດເລັກຫລື Lite Version (ໃຊ້ໄດ້ກັບລະບົບປະຕິບັດການ Android)

ສະໄຫມນີ້ໂປຣແກຣມນໍ້າຫນັກເບົາ ຫລື Lite Version ເຮັດໃຫ້ເຄື່ອງເຮັດວຽກໄດ້ເຕັມປະສິດທິພາບ ແລະ ເຫມາະສົມກັບເຄື່ອງທີ່ມີສະເປັກ ຫລື ພື້ນທີ່ບໍ່ໄດ້ຫລາຍ ແຕ່ຖ້າທ່ານໃຊ້ມືຖືປົກກະຕິກໍ່ສາມາດໃຊ້ Apps ເຫລົ່ານີ້ໄດ້ຄືກັນ ຢ່າງໃດກໍ່ຕາມໂປຣແກຣມດຽວນີ້ກໍ່ມີ ໃຫ້ເລືອກຫລາຍເຊັ່ນ YouTube Go, Files Go, Facebook Lite, Messenger Lite ແລະອື່ນໆອີກຫລາຍ

ລອງລົບຄ່າເຄື່ອງທັງຫມົດຫລື Factory Reset

ສຸດທ້າຍການລົບຄ່າທັງຫມົດຂອງເຄື່ອງ ຫາກມີການໃຊ້ງານມາດົນແລ້ວການລົບຂໍ້ມູນອາດຈະເຮັດໄດ້ຊ້າ ແລະ ເສຍເວລາຫລາຍກວ່າ ດັ່ງນັ້ນ ການລົບຂໍ້ມູນອອກຈາກເຄື່ອງຖືວ່າ ເປັນອີກຮູບແບບຫນຶ່ງທີ່ຫນ້າຈະເຮັດແບບດົນໆ ທີແຕ່ທັງຫມົດຕ້ອງກັງວົນຖ້າທ່ານສໍາຮອງຂໍ້ມູນ ຫລື ໃຊ້ Cloud Storage ໃນການລົບຂໍ້ມູນອອກກໍ່ຈະຊ່ວຍ ຄວາມກັງວົນກ່ຽວກັບຂໍ້ມູນທີ່ຈະສູນຫາຍໄດ້

ເຖິງວ່າບາງວິທີ ທັງຫມົດອາດຈະບໍ່ໄດ້ກ່ຽວຂ້ອງກັບການບໍລິຫານຈັດການພື້ນທີ່ຂອງເຄື່ອງ ແຕ່ກໍ່ມີຜົນທີ່ ເຮັດໃຫ້ຕົວເຄື່ອງເຮັດວຽກໄດ້ໄວໄດ້ເຊັ່ນດຽວກັນ ດັ່ງນັ້ນ ລອງໄປປັບໃຊ້ເບິ່ງວ່າວິທີໃດເຫມາະກັບທ່ານທີ່ສຸດ.

 

 

ຂໍ້ມູນ: Techradar

 

 

Leave a Reply

Your email address will not be published. Required fields are marked *

Facebook