ເຊວຊີ ທຸ້ມ 58 ລ້ານປອນ ຕັດໜ້າ ຫົງແດງ ແລະ ປືນໃຫຍ່! ຄວ້າ ປູລີຊິກ ປີກອານາຄົດໄກຈາກ ດ໋ອດມຸນ!!

ສິງຟ້າເຊວຊີ ທິມເສດຖີໃນເວທີພຣີເມ໋ຍລີກອັງກິດ ປະກາດຜ່ານເວັບໄຊ້ທາງການຂອງສະໂມສອນ ຄວ້າຄຣິສຕຽນ ປູລີຊິກ (Christian Pulisic) ກອງກາງອານາຄົດໄກທິມຊາດສະຫະລັດອາເມຣິກາ ໄວ 20 ປີ ຈາກ ໂບຣຸສເຊຍ ດ໋ອດມຸນ ຄ່າໂຕ 58 ລ້ານປອນ ຫລື ປະມານ 64 ລ້ານເອີໂຣ! ຕັດໜ້າຫົງແດງລີເວີພູລ ແລະ ປືນໃຫຍ່ອາຣເຊນໍລ ເພື່ອນຮ່ວມລີກທີ່ຕ້ອງການເຊັ່ນກັນ!! ແຕ່ ເຊວຊີ ປ່ອຍໃຫ້ ດ໋ອດມຸນ ຍືມຕົວຈົນຈົບລະດູການນີ້.

ປູລີຊິກ ກາຍເປັນນັກເຕະຊາວອາເມຣິກາທີ່ມີຄ່າຕົວແພງສຸດ ທຳລາຍສະຖິຕິຂອງ ຈອນ ບຣຸກສ໌ (John Anthony Brooks, Jr.) ກອງຫລັງ ທີ່ຍ້າຍຈາກ ແຮທ້າ ເບີຣິນ ມາຢູ່ກັບ ໂວຟບວກ ໃນປີ 2017 ໃນມູນຄ່າ 20 ລ້ານເອີໂຣ ແລະ ເປັນນັກເຕະທີ່ມີຄ່າຕົວແພງອັນດັບ 2 ໃນລີກເຢຍລະມັນ ຮອງຈາກ ອຸສມານ ເດັມເບເລ້ ປີກທິມຊາດຝຣັ່ງທີ່ຍ້າຍຈາກ ດ໋ອດມຸນ ໄປຢູ່ກັບ ບາຣເຊໂລນ້າ ໃນລະດູການຜ່ານມາ ມູນຄ່າ 135 ລ້ານປອນ.

ລະດູການນີ້ ລົງສະໜາມຊ່ວຍ ດ໋ອດມຸນ 18 ນັດ ຍິງ 3 ປະຕູ ນຳດ໋ອດມຸນເປັນທິມນຳໃນລີກສູງສຸດ ບຸນເດັສລີກ້າ ເຢຍລະມັນ ແລະ ນຳທິມເຂົ້າຮອບ 16 ທິມສຸດທ້າຍ ຢູຟ້າ ແຊ້ມປ້ຽນລີກ ພົບກັບ ສະເປີ.

 

 

ຂໍ້ມູນມາຈາກ : ສະປອດອັບເດດ

 

Leave a Reply

Your email address will not be published. Required fields are marked *

Facebook