ມອບເຄື່ອງໃຫ້ກອງພັນໃຫຍ່ 302

ເນື່ອງໃນໂອກາດຫ້າງຫາກະກຽມສະເຫຼີມສະຫຼອງ ວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ 20 ມັງກອນ 1949-20 ມັງກອນ 2019 ຕອນເຊົ້າວັນທີ 27 ທັນວາ 2018 ຜ່ານມານີ້ ຢູ່ທີ່ຫ້ອງປະຊຸມກອງພັນໃຫຍ່ 302, ອົງການໄອຍະການປະຊາຊົນແຂວງບໍ່ແກ້ວ ໄດ້ນຳເອົາວັດຖຸປັດໄຈມາອຸປະຖຳ ໃຫ້ແກ່ ກອງພັນໃຫຍ່ 302 ເຂົ້າຮ່ວມມີທ່ານ ພັທ ສາຍທອງ ປີຊາຈັນ ເລຂາຄະນະພັກ ຫົວໜ້າການເມືອງກອງພັນໃຫຍ່ 302, ມີ ທ່ານ ຄໍານວນ ກ້ອນ ຫົວໜ້າອົງການໄອຍະການປາຊາຊົນ ແຂວງບໍ່ແກ້ວ ເຂົ້າຮ່ວມມີຄະນະພັກຄະນະບັນຊາກອງພັນໃຫຍ່ທະຫານຮາບ ຕະຫຼອດຮອດຫົວໜ້າພະແນກ, ກົມ ພາຍໃນກົມກອງເຂົ້າຮ່ວມ.

ໂອກາດມາເຖິງທ່ານ ຄໍານວນ ກ້ອນ ຫົວໜ້າອົງການໄອຍະການປາຊາຊົນແຂວງບໍ່ແກ້ວ ພ້ອມດ້ວຍຄະນະ ກໍ່ໄດ້ຮັບການຕ້ອນຮັບຈາກ ທ່ານ ພັທ ສາຍທອງ ປີຊາຈັນ ຫົວໜ້າການເມືອງກອງພັນໃຫຍ່ 302 ແລະ ພ້ອມດ່ຽວກັນນີ້ສະຫາຍ ພັທ ສາຍທອງ ປີຊາຈັນຫົວໜ້າການເມືອງກອງພັນໃຫຍ່ 302 ພ້ອມດ້ວຍຄະນະກໍໄດ້ສະແດງຄວາມຂອບອົກຂອບໃຈຕໍ່ຄະນະທິມງານຂອງ ອົງການໄອຍະການປະຊາຊົນແຂວງບໍ່ແກ້ວ ທີ່ໄດ້ມາຊ່ວຍເຫຼືອ ແລະ ອຸປະຖຳສະໜັບສະໜູນເປັນວັດຖຸປັດໃຈ ກໍ່ຄືວັງນໍ້າໃຈອັນມີຄ່າມາມອບໃຫ້ໃນຄັ້ງນີ້ ເຊິ່ງວັດຖຸປັດໄຈທີ່ທາງອົງການໄອຍະການປະຊາຊົນແຂວງບໍ່ແກ້ວ ນຳມາມອບໃນຄັ້ງນີ້ປະກອບມີກະຕ່າຂອງຂວັນ ແລະ ຊຸດກິລາ ຈຳນວນ 20 ຊຸດ ລວມມູນຄ່າທັງໝົດ 1.350.000 ກີບ ກ່າວມອບໂດຍ ທ່ານ ຄໍານວນ ກ້ອນ ຫົວໜ້າອົງການໄອຍະການປາຊາຊົນແຂວງບໍ່ແກ້ວ ກ່າວຮັບໂດຍທ່ານ ພັທ ສາຍທອງ ປີຊາຈັນຫົວໜ້າການເມືອງກອງພັນໃຫຍ່ 302 ພ້ອມດ້ວຍຄະນະ.

ທ້າຍພິທີ ທ່ານ ພັທ ສາຍທອງ ປີຊາຈັນ ຫົວໜ້າການເມືອງກອງພັນໃຫຍ່ 302 ໄດ້ມີຄຳເຫັນຕໍພິທີ ເຊິ່ງອື່ນທ່ານໄດ້ສະແດງຄວາມຂອບໃຈ ມາຍັ້ງອົງການໄອຍະການປະຊາຊົນແຂວງບໍ່ແກ້ວ ແລະ ຈະນໍາເອົາອຸປະກອນເຄື່ອງໃຊ້ທີ່ນຳມາມອບໃນຄັ້ງນີ້ນຳໃຊ້ເຂົ້າໃນການສ້າງຂະບວນການ ດ້ານຕ່າງໆຢູ່ພາຍໃນກົມກອງ ແລະ ທຸກວຽກງານຕົວຈິງພາຍໃນກອງພັນໃຫຍ່ 302 ໃຫ້ໄດ້ຮັບຜົນສູງ, ມີເນື້ອໃນ ເປັນກ້າວໆ.

 

ຂໍ້ມູນ: ໄນຖາ ມະດາທອງ

 

 

Leave a Reply

Your email address will not be published. Required fields are marked *

Facebook