ນ້ຳເຜິ້ງ… ຄີມບຳລຸງທຳມະຊາດ

ຄີມອາບນ້ຳອ່ອນໂຍນ

ຫຼັງຈາກອາບນ້ຳຈົນໂຕສະອາດແລ້ວ ໃຫ້ເທນ້ຳເຜິ້ງ ¼ ຖ້ວຍ ລົງໄປໃນນ້ຳເພື່ອໃຫ້ມີກິ່ນຫອມແລະໃຫ້ຄວາມຊຸ່ມຊື່ນກັບຜິວ ແລ້ວອາບຜິວໂດຍບໍ່ຕ້ອງລ້າງອອກ ຊັບໃຫ້ແຫ້ງ

ຄີມບຳລຸງຜົມ

ເຮັດດ້ວຍຕົນເອງໂດຍໃຊ້ນ້ຳເຜິ້ງ 1 ບ່ວງຊາ ເທລົງໄປໃນນ້ຳອຸ່ນ 4 ຖ້ວຍ ແລະນ້ຳໝາກນາວ 1 ບ່ງຊາ ຜະສົມໃຫ້ເຂົ້າກັນ ສຸດນີ້ໃຊ້ຫຼັງຈາກສະຜົມແລ້ວ ໂດຍນຳນ້ຳເຜິ້ງຜະສົມໝາກນາວມາເທລົງບົນເສັ້ນຜົມ ນວດໃຫ້ທົ່ວໂດຍບໍ່ຕ້ອງລ້າງອອກ ປ່ອຍໃຫ້ເສັນຜົມແຫ້ງຕາມທຳມະຊາດ ທ່ານຈະຮູ້ສຶກໄດ້ເຖິງຄວາມນຸ້ມມີນ້ຳໜັກຫຼາຍຂື້ນຂອງເສັນຜົມ

ຄີມພອກໜ້າ

-ຜະສົມນ້ຳເຜິ້ງ 2 ບ່ວງແກງ ກັບນົມສົດ 2 ບ່ວງບ່ວງຊາເຂົ້າດ້ວຍກັນ ຈາກນັ້ນນຳມາທາຜິວໜ້າແລະຄໍໃຫ້ທົ່ວ ປະໄວ້ 10 ນາທີ ຈາກນັ້ນລ້າງອອກໃຫ້ສະອາດດ້ວຍນ້ຳອຸ່ນ

-ນ້ຳເຜິ້ງ 1 ບ່ວງແກງ ໝາກນາວ 1 ບ່ວງຊາ ແລະເນືອອາໂວຄາໂດສຸກ 1 ໜ່ວຍ ນຳສ່ວນຜະສົມທັງໝົດມາກວນໃຫ້ເຂົ້າກັນ ຈາກນັ້ນນຳມາພອກໃບໜ້າເວັ້ນບໍລິເວນຮອບປາກແລະດວງຕາ ປະໄວ້ປະມານ 20 ນາທີ ລ້າງອອກໃຫ້ສະອາດດ້ວຍນ້ຳອຸ່ນ

ໂລຊັ່ນບຳລຸງຜິວ

ຜະສົມນ້ຳເຜິ້ງ 1 ບ່ວງຊາ ນ້ຳມັນພືດ 1 ບ່ວງຊາ ແລະນ້ຳໝາກນາວ ¼ ບ່ວງຊາ ຈາກນັ້ນນຳມາຖູມື ຂໍ້ສອກ ສົ້ນຕີນ ຫຼືບໍລິເວນທີ່ຜິວແຫ້ງ ຈາກນັ້ນປະໄວ້ 10 ນາທີ ແລ້ວລ້າງອອກດ້ວຍນ້ຳສະອາດ ຫາກເຮັດເປັນປະຈຳອາທິດລະ 3 ຄັ້ງ ຜິວທີ່ເຄີຍແຫ້ງແຕກກໍ່ຈະສະໝານກັນນຸ້ມນຽນຂື້ນ

ຄີມຂັດຜິວໜ້າ

ຜະສົມນ້ຳເຜິ້ງ 1 ບ່ວງແກງເຂົາກັບອັນມ່ອນບົດ 2ບ່ວງແກງ ແລະນ້ຳໝາກນາວ ½ ບ່ວງຊາ ຈາກນັ້ນນຳມາຂັດຜິວໜ້າເບົາໆຢ່າງອ່ອນໂຍນ ຈາກນັ້ນລ້າງອອກດ້ວຍນ້ຳອຸ່ນ ຜິວຈະນຸ້ມລຽບນຽນຂື້ນ ແຕ່ການຂັດຜິວໜ້າບໍ່ຄວນເຮັດດຸ 1-2 ອາທິດຕໍ່ຄັ້ງກໍ່ພໍ

ຄີມພອກກະຊັບຜິວໜ້າ

ນຳນ້ຳເຜິ້ງ 1 ບ່ວງແກງ ໄຂ່ຂາວ 1 ໜ່ວຍ ກລີເຊີລີນ 1 ບ່ວງແກງແລະແປ້ງ ທັງໝົດມາປັ່ນໃຫ້ເຂົ້າກັນ ເຊິ່ງສ່ວນຜະສົມທັງໝົດຈະໄດ້ປະມານ ¼ ຖ້ວຍ ຈາກນັ້ນນຳມາທາຜິວໜ້າແລະລຳຄໍ ທີ່ສຳຄັນຢ່າລືມເວັ້ນຮອບປາກແລະດວງຕາ ປະໄວ້ 10 ນາທີ ແລ້ວລ້າງອອກດ້ວຍນ້ຳອຸ່ນ

Leave a Reply

Your email address will not be published. Required fields are marked *

Facebook