ທະນາຄານ ແຫ່ງ ສປປ ລາວ ປະຈໍາພາກເໜືອ ຮັບຫຼຽນໄຊແຮງງານ

ພິທີມອບ – ຮັບນາມມະຍົດ ຫຼຽນໄຊ, ຫຼຽນກາແຮງງານ ແລະ ໃບຍ້ອງຍໍກົມກອງ ແລະ ບຸກຄົນດີເດັ່ນໃຫ້ ທະນາຄານ ແຫ່ງ ສປປ ລາວ ປະຈໍາພາກເໜືອ ແຂວງຫຼວງພະບາງ ແລະ ພະນັກງານ ໄດ້ຈັດຂຶ້ນໃນວັນທີ 27 ທັນວາ 2018 ທີ່ຫໍປະຊຸມຂອງ ທະນາຄານ ໂດຍມີ ທ່ານ ຄໍາວົງ ທິບພະວົງ ຮອງຫົວໜ້າ ທະນາຄານ ແຫ່ງ ສປປ ລາວ, ຫົວໜ້າ ທະນາຄານ ແຫ່ງ ສປປ ລາວ ປະຈໍາພາກເໜືອ ແຂວງຫຼວງພະບາງ, ບັນດາຕາງໜ້າທະນາຄານທຸລະກິດ, ສະຖາບັນ, ແຂກຖືກເຊີນ ພ້ອມດ້ວຍພະນັກງານພາຍໃນທະນາ ຄານເຂົ້າຮ່ວມ.

ໃນພິທີຜູ້ເຂົ້າຮ່ວມໄດ້ຮັບຟັງບົດລາຍງານການຈັດຕັ້ງປະຕິບັດວຽກງານ ຕະຫຼອດໄລຍະຜ່ານມາຂອງ ທະນາຄານ ແຫ່ງ ສປປ ລາວ ປະຈໍາພາກເໜືອ. ຈາກນັ້ນ, ຕາງໜ້າການຈັດຕັ້ງຂອງ ທະນາຄານ ແຫ່ງ ສປປ ລາວ ປະຈໍາພາກເໜືອ ໄດ້ຜ່ານຂໍ້ຕົກລົງຂອງ ປະທານປະເທດວ່າດ້ວຍການປະດັບຫຼຽນໄຊແຮງງານ ຊັ້ນ III ໃຫ້ກົມກອງລວມໝູ່ ໂດຍແມ່ນ ທະນາຄານ ແຫ່ງ ສປປ ລາວ ປະຈໍາພາກເໜືອ ແຂວງ ຫຼວງພະບາງ 1 ໃບ ແລະ ຫຼຽນກາແຮງງານ ໃຫ້ຄະນະ 3 ທ່ານ.

ຜ່ານຂໍ້ຕົກລົງຂອງລັດຖະບານວ່າດ້ວຍການມອບຫຼຽນກາແຮງງານ 5 ປີ ແລະ ໂອກາດວັນສ້າງຕັ້ງ ທະນາຄານ ແຫ່ງ ສປປ ລາວ ຄົບຮອບ 50 ປີ ໃຫ້ບຸກຄົນ ຫຼື ຫົວໜ້າໜ່ວຍງານພາຍໃນ ທະນາຄານ ແຫ່ງ ສປປ ລາວ ປະຈໍາພາກເໜືອ. ໃນນີ້,​ ມີບຸກຄົນໄດ້ຮັບຫຼຽນກາແຮງງານ 5 ທ່ານ ແລະ ໃບຍ້ອງຍໍບຸກຄົນດີເດັ່ນໃນການເຮັດວຽກງານໄລຍະຜ່ານມາ 20 ທ່ານ ແລະ ຜ່ານຂໍ້ຕົກລົງວ່າດ້ວຍການປະດັບຫຼຽນກາແຮງງານ ໃຫ້ບຸກຄົນຜູ້ທີ່ມີຜົນງານໃນການພັດທະນາວຽກງານຂອງທະນາຄານ ຕະຫຼອດໄລຍະ 50 ຜ່ານມາ. ພາຍໃນ ທະນາຄານ ແຫ່ງ ສປປ ລາວ ປະຈໍາພາກເໜືອ ແຂວງຫຼວງພະບາງ 10 ທ່ານ ແລະ ໃບຍ້ອງຍໍ 2 ທ່ານ ໂດຍແມ່ນ ທ່ານ ຄໍາວົງ ທິບພະວົງ ຮອງຫົວໜ້າ ທະນາຄານ ແຫ່ງ ສປປ ລາວ ແລະ ຫົວໜ້າ ທະນາຄານ ແຫ່ງ ສປປ ລາວ ປະຈໍາພາກເໜືອ ແຂວງຫຼວງພະບາງ ໃຫ້ກຽດປະດັບຫຼຽນ ແລະ ມອບໃບຍ້ອງຍໍຢ່າງສົມກຽດ.

 

( ຂ່າວ: ເພັດສາຄອນ ສິມມະວົງ )

Leave a Reply

Your email address will not be published. Required fields are marked *

Facebook