ຈນທ ຫວຽດນາມ ຈັບຄົນ ລາວ ພ້ອມຂອງກາງຢາບ້າ 5 ໝື່ນເມັດ ເຫດການຈັບໃນປ່າ

ໄປບໍ່ລອດ ເຈົ້າໜ້າທີ່ແຂວງເຫງະອານ ຫວຽດນາມ ຈຳກຸມຕົວຜູ້ຕ້ອງຫາຊາວລາວ ໃນຂະນະກຳລັງລັກລອບເອົາຢາເສບຕິດຈາກລາວ ຂ້າມໄປຫຽວດນາມ ບໍລິເວນບ້ານ Muong Phu, ເທດສະບານ Thong Thu, ເມືອງ Que Phong ແຂວງເຫງະອານ.

ໃນວັນທີ 27 ທັນວາ ເວລາປະມານ 13: 15 ໂມງ ເຈົ້າໜ້າທີ່ປາບປາມອາດຊະຍາກຳ ແລະຢາເສບຕິດ ແຂວງເຫງະອານ ໄດ້ສົມທົບກຳລັງກັນ ຈັບກຸມຕົວຜູ້ຕ້ອງຫາຊາວລາວ ອາຍຸ 36 ປີ (ບໍ່ຮູ້ຊື່) ມາຈາກກຸ່ມບ້ານວຽງພັນ, ເມືອງຊຳໃຕ້, ແຂວງຫົວພັນ ທີ່ກຳລັງລັກລອບເອົາຢາເສບຕິດມາຈາກຝັ່ງລາວ ຂ້າມໄປຫວຽດນາມ ພ້ອມຍຶດຂອງກາງ ເປັນຢາບ້າຈຳນວນ 50.000 ເມັດ, ຢາໄອຊ໌ 6 ກິໂລ ແລະໂທລະສັບມືຖືອີກ 1 ເຄື່ອງ.

ໃນເບື້ອງຕົ້ນ ຜູ້ຕ້ອງຫາໃຫ້ການຮັບສາລະພາບວ່າ ໄດ້ນຳເອົາຢາເສບຕິດທັງໝົດ ມາຈາກລາວ ຂ້າມໄປຫວຽດນາມຈິງ ແຕ່ພໍມາຮອດສະຖານທີ່ດັ່ງກ່າວ ກໍຖືກເຈົ້າໜ້າທີ່ຈັບກຸມຕົວໄດ້ກ່ອນ.

ເຈົ້າໜ້າທີ່ໄດ້ຄຸມຕົວຜູ້ຕ້ອງຫາ ພ້ອມຂອງກາງທັງໝົດໄປຂະຫຍາຍຜົນ ພ້ອມດຳເນີນຄະດີຕາມລະບຽບກົດໝາຍຕໍ່ໄປ.

 

ແຫຼ່ງຂ່າວ: ABC laos news

Leave a Reply

Your email address will not be published. Required fields are marked *

Facebook