ຊາວໜຸ່ມໂຮງຮຽນອ້ອມຂ້າງ ກະຊວງ ສສກ ສະຫລຸບ ໄຕມາດ 4 ປະຈໍາ ປີ 2018

ຄະນະ​ບໍລິຫານ​ງານ ​ຊາວ​ໜຸ່ມ​ໂຮງຮຽນ​ອ້ອມ​ຂ້າງ ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມ​ສະຫລຸບ ​ລາຍ​ງານ​ໄຕ​ມາດ4ປະ​ຈໍາ ປີ 2018​ແລະ ວາງ​ແຜນ​ຈັດ​ຕັ້ງ​ປະ ຕິບັດ​ໄຕ​ມາດ 1ປະ​ຈໍາ ປີ 2019​​ໃນ​ວັນທີ 21ທັນວາ 2018 ທີ່ຫ້ອງ​ປະຊຸມ​ ວິທະຍາ​ໄລ​ຄູ​ດົງ​ຄໍາ​ຊ້າງ ນະຄອນຫລວງ​ວຽງ​ຈັນ, ​ໃຫ້ກຽດເປັນ​ປະທານ​ຂອງ​ ສະຫາຍ ສໍາລານ ພັນ​ຄະ​ວົງ ຄະນະ​ເລຂາ ທິການ​ສູນ​ກາງ​ຊາວ​ໜຸ່ມ, ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ ປະຊາຊົນ​ປະຕິວັດ​ລາວ​ ກະຊວງ​ສຶກສາ​ທິການ ​ແລະ ກິລາ, ສະຫາຍ ​ໄພ​ວັນ ບັນດາສັກ ຮອງ​ເລຂາ​ຊາວ​ໜຸ່ມ​ກະຊວງ ສສກ, ​ເລຂາ​ຄະນະ​ບໍລິຫານ​ງານ ຊາວ​ໜຸ່ມ​ໂຮງຮຽນ​ອ້ອມ​ຂ້າງ ກະຊວງ​ສຶກສາ​ທິການ ​ແລະ ກິລາ, ພ້ອມດ້ວຍພາກສ່ວນທີ່ກ່ຽວຂ້ອງ ​ເຂົ້າ​ຮ່ວມ.

​​
ໃນ​ກອງ​ປະຊຸມ, ສະຫາຍ ​ໄພ​ວັນ ບັນດາສັກ ​ໄດ້​ລາຍ​ງານໃຫເຮູ້ວ່າ: ໄດ້​ສຶກສາ​ອົບຮົມ​ການ​ເມືອງ​ແນວ​ຄິດ​ ໃຫ້​ສະມາຊິກ​ຊາວ​ໜຸ່ມ-​ໄວ​ໜຸ່ມ, ມີ​ການ​ຮ່ວມ​ຊີວິດ​ການ​ເມືອງ​ໃນ​ໝູ່​ຄະນະ, ​​ປະຕິບັດ​ມະຕິ​ຄໍາ​ສັ່ງ, ໜັງສື​ແຈ້ງ​ການ, ຂໍ້​ຕົກລົງ ​ແລະ ອື່ນໆ​ ຂອງ​ຄະນະ​ບໍລິຫານ​ງານ ​ຊາວ​ໜຸ່ມ​ກະຊວງ​ສຶກສາ​ທິການ ​ແລະ ກິລາ​ວາງ​ອອກ​ຢ່າງ​ເຂັ້ມ​ງວດ. ​ສໍາລັບ​ແຜນການ​ປະ​ຈໍາ​ໄຕ​ມາດ 1ປະ​ຈໍາ ​ປີ 2019​ແມ່ນ​​ສືບ​ຕໍ່​ສຶກສາ​ອົບຮົມ​ ທາງ​ດ້ານ​ການ​ເມືອງ​ແນວ​ຄິດ, ​ເອົາ​ໃຈ​ໃສ່​ຮ່ວມ​ຊີວິດ​ ການ​ເມືອງ​ໃຫ້​ເປັນ​ປົກກະ ຕິ, ສືບ​ຕໍ່​ວຽກ​ງານ​ ການ​ບໍລິຫານ-ຄຸ້ມ​ຄອງ, ວຽກ​ງານ​ວິຊາ​ການ-ວິຊາ​ສະ​ເພາະ, ​ຝຶກກອົບຮົມ ​ແລະ ຍົກ​ລະດັບ, ກະກຽມ​ເປີດ​ກອງ​ປະຊຸມ​ໃຫຍ່​ ຂັ້ນ​ຂອງ​ຕົນ​ໃຫ້​ສໍາ​ເລັດ 100%​ໃນ 6​ເດືອນ​ຕົ້ນ​ປີ 2019.

 

Leave a Reply

Your email address will not be published. Required fields are marked *