ກົມສ້າງຄູ ແລະ ກົມສາມັນສຶກສາ ກະຊວງສຶກສາທິການ ແລະ ກິລາ ສະໜັບສະໜູນງົບປະມານ ໃນການສ້າງຫ້ອງທົດລອງທີ່ ມສ ອຸດົມວິໄລ

ໃນຊ້ວງຕົ້ນເດືອນທັນວາ ປີ 2018, ທີ່ໂຮງຮຽນ ມສ ອຸດົມວິໄລ ນະຄອນໄກສອນ ພົມວິຫານ ໄດ້ຈັດໃຫ້ມີພິທີມອບຫ້ອງທົດ ລອງຂອງໂຮງຮຽນຂຶ້ນຢ່າງ ເປັນທາງການ ໂດຍການເຂົ້າ ຮ່ວມຂອງທ່ານ ອາໂນລາດ ພິມໂວຫານ ຫົວໜ້າຂະແໜງສາມັນສຶກສາ ພະແນກສຶກສາທິການ ແລະ ກິລາແຂວງ ແລະ ກ່າວມອບໂດຍຕົວແທນຈາກກົມສາມັນສຶກສາ ແລະ ກົມສ້າງຄູກະຊວງສຶກສາທິການ ແລະ ກິລາ ເຊິ່ງອຸປະກອນໃນຫ້ອງທົດລອງແຫ່ງນີ້ລວມມີ: ເຄື່ອງທົດລອງເຄມີ, ເຄື່ອງທົດລອງຊີວະສາດ, ເຄື່ອງທົດລອງຟີຊິກ, ນອກນັ້ນ ຍັງໄດ້ມອບເຟີນີເຈີລວມມີ: ໂຕະ, ຕັ່ງ, ເຄື່ອງ ສາຍໂປຣເຈັກເຕີ, ເຄື່ອງຕອງນ້ຳ, ຕູ້ມ້ຽນທາດເຄມີຕ່າງໆ, ລະບົບອ່າງນ້ຳ(ຖັງນ້ຳ) ສຳລັບສະໜອງໃຫ້ການທົດລອງ ອີກດ້ວຍ ລວມມູນຄ່າທັງໝົດ 1 ຕື້ 400 ລ້ານກີບ ໂດຍໄດ້ຮັບ ການສະໜັບສະໜູນດ້ານງົບປະມານຈາກລັດວິສາຫະກິດສະໜອງອຸປະກອນການສຶກສາທີ່ ນະຄອນຫຼວງວຽງຈັນ.

ຂ່າວແຈ້ງໃຫ້ຮູ້ຕື່ມວ່າ: ໃນວັນດຽວກັນ, ຢູ່ທີ່ໂຮງຮຽນ ມສ ອຸທຸມພອນ ໄດ້ຈັດໃຫ້ມີພິທີມອບຄອມພິວເຕີຈຳນວນ 35 ຊຸດ ໃຫ້ ແກ່ ໂຮງຮຽນ ມສ ອຸທຸມພອນ ໂດຍພາຍໃຕ້ການເຂົ້າຮ່ວມຂອງ ທ່ານ ອາໂນລາດ ພິມໂວຫານ ຫົວໜ້າຂະແໜງສາມັນ ສຶກສາພະແນກສຶກສາທິການ ແລະ ກິລາ, ມີຄະນະອຳນວຍ ການໂຮງຮຽນ ມສ ອຸທຸມພອນ ພ້ອມດ້ວຍຄູ-ອາຈານ ແລະ ນັກຮຽນເຂົ້າຮ່ວມ. ຄອມພິວ ເຕີຈຳນວນ 35 ຊຸດ ມີມູນຄ່າ 35 ລ້ານກວ່າກີບ, ການມອບ ຄອມພິມເຕີໃຫ້ແກ່ ມສ ອຸທຸມ ພອນໃນຄັ້ງນີ້ແມ່ນມອບໂດຍ ຕົວແທນຈາກກົມສ້າງຄູ ແລະ ກົມສາມັນສຶກສາກະຊວງສຶກສາທິການ ແລະ ກິລາ ເຊິ່ງໄດ້ຮັບ ການສະໜັບສະໜູນດ້ານງົບປະມານຈາກລັດວິສາຫະກິດສະໜອງອຸປະກອນການສຶກສາທີ່ ນະຄອນຫຼວງວຽງຈັນ.

 

 

ຂໍ້ມູນ: ສະຫວັນພັດທະນາ ຂ່າວ

 

 

Leave a Reply

Your email address will not be published. Required fields are marked *