ຮອງລັດຖະມົນຕີ ຖວທ ຕ້ອນຮັບຄະນະຜູ້ແທນຫວຽດນາມ

ໃນວັນທີ 5 ທັນ​ວາ 2018,  ທ່ານ ບົວເງິນ ຊາພູວົງ  ຮອງລັດຖະມົນຕີ ກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ​ຫວຽນ ເທ່ ຮຸ່ງ ຫົວ​ໜ້າ​ກົມ​ມໍ​ລະ​ດົກ​-ວັດ​ທະ​ນະ​ທຳ ກະ​ຊວງວັດ​ທະ​ນະ​ທຳ, ກິ​ລາ ແລະ ທ່ອງ​ທ່ຽວ ແຫ່ງ ສ​ສ.ຫວຽດ​ນາມ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ເພື່ອ​ເຂົ້າ​ຮ່​ວມກອງ​ປະ​ຊຸມ ​ປຶກ​ສາ​ຫ​າ​ລື ​ລະ​ຫວ່າງ​ ຊ່ຽວ​ຊານ ລາວ-ຫວຽດ​ນາມ ກ່ຽວ​ກັບ​ການ​ກະ​ກຽມ​ນຳ​ເອົາ​ປ່າ​ສະ​ຫງວນ​ແຫ່ງ​ຊາດ​ຫີນ​ໜາມ​ໜໍ່ ເຂົ້າ​ເປັນ​ມໍ​ລະ​ດົກ​ຮ່ວມ​ຊາຍ​ແດນ​ ກັບ​ອຸ​ທິ​ຍານ​ຟອງ​ຍາ​ແກ​ບັງ ໃນລະ ຫວ່າງ ວັນທີ ​4-5 ທັນ​ວ​າ 2018 ທີ່​ນະ​ຄອນ​ຫລວງວຽງ​ຈັນ.

ໃນ​​ໂອ​ກາດ​ດັ່ງກ່າວ, ທ່ານ ບົວເງິນ ຊາພູວົງ ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ,  ຊົມ​ເຊີຍ ແລະ ​​ຕີ​ລາຄາ​ສູງຕໍ່​ ທ່ານ ຫວຽນ ເທ່ ຮຸ່ງ ທີ່​ໄດ້ນຳພາ​ຄະນະມາມາຢ້ຽມຢາມ  ແລະ ເຮັດວຽກຢູ່ ສປປ ລາວ ຮ່ວມ​ກັບ​ກົມ​ມໍ​ລະ​ດົກ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ເຊິ່ງເປັນການປະກອບ ສ່ວນອັນສຳຄັນ ເຂົ້າໃນການເພີ່ມທະວີ ສາຍພົວພັນມິດຕະພາບທີ່ຍິ່ງໃຫຍ່,  ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ  ລາວ-ຫວຽດນາມ ໃຫ້ນັບມື້ນັບແໜ້ນແຟ້ນ  ແລະ ເກີດດອກອອກຜົນ ຍິ່ງໆຂຶ້ນ.

​ໃນ​ໂອກາດ​ດຽວກັນນີ້,​ ທ່ານ ຫວຽນ ເທ່ ຮຸ່ງ ກໍ​ໄດ້​ສະ​ແດງ​ຄວາມ​​ຂອບ​ໃຈຕໍ່​  ທ່ານ ບົວເງິນ ຊາພູວົງ ທີ່ໄດ້ສະຫລະເວລາອັນມີຄ່າ ໃນການ​ຕ້ອນຮັບ​ຢ່າງ​ອົບ​ອຸ່ນໃນຄັ້ງນີ້,  ພ້ອມ​ທັງ​​ໄດ້​​ແຈ້ງ​ຈຸ​ດປະສົ​ງ ​ໃນ​ການ​ມາຢ້ຽມຢາມຄັ້ງ​ນີ້​​ ໃຫ້ທ່ານຮອງ​ລັດ​ຖະມົນຕີ​ຮັບຊາບຕື່ມອີກ.

 

Leave a Reply

Your email address will not be published. Required fields are marked *

Facebook