“ຫຸ່ນຍົນບາຣິດຕ້າ” ທາງເລືອກໃຫມ່ສໍາຫລັບນັກດື່ມກາເຟ

ຫຸ່ນຍົນໂຕນີ້ເຮັດວຽກທີ່ Café X ມີສະໂລແກນວ່າ “Come for the Robot, Stay for the Coffee” (ມາເບິ່ງຫຸ່ນຍົນ ມານັ່ງດື່ມກາເຟ) ຫຸ່ນຍົນໂລບິນເຮັດວຽກໂດຍບໍ່ຮູ້ຈັກເມື່ອຍ ເຮັດວຽກໂດຍບໍ່ຕ້ອງຢຸດພັກ ແລະ ສາມາດເຮັດກາເຟອະເມລິກາໂນ່ໄດ້ລົດຊາດຄືເກົ່າທຸກຄັ້ງ

Cynthia Yeung ຫົວຫນ້າເຈົ້າຫນ້າທີ່ຝ່າຍປະຕິບັດການທີ່ Café X ກ່າວວ່າໃນການຊົງກາເຟຫຸ່ນຍົນຈະໃຊ້ເມັດກາເຟທີ່ມີຄຸນະພາບດຽວກັນ ໃສ່ນົມຫລືນໍ້າໃນປະລິມານເທົ່າກັນ ແລະ ໃຊ້ອຸນຫະພູມແບບເກົ່າ

ຫຸ່ນຍົນບາລິດຕ້ານີ້ບໍ່ໄດ້ເປັນພຽງຕູ້ຫຍອດຫຼຽນຊື້ກາເຟເທົ່ານັ້ນ ເພາະເປັນຫຸ່ນຍົນທີ່ມີທັງຮາດແວ ແລະ ຊອບແວ ສາມາດຊົງກາເຟໄດ້ຫລາຍແກ້ວ ໃນເວລາດຽວກັນອີກ ທັງຍັງມີອຸປະກອນສົ່ງສັນຍານບອກໃນເວລາທີ່ແກ້ວກາເຟຫລືຂອງໃຊ້ອື່ນໆໃກ້ຈະຫມົດອີກດ້ວຍ

ຢ່າງໄຮກໍ່ຕາມເຖິງວ່າຈະໃຊ້ຫຸ່ນຍົນຊົງກາເຟແຕ່ພະນັກງານຂອງທາງຮ້ານກໍ່ຈະວົນວຽນຢູ່ໃກ້ໆ ເພື່ອຄອຍເບິ່ງຫາກເກີດບັນຫາກ່ຽວກັບຫຸ່ນຍົນ ແລະ ເພື່ອເວົ້າລົມກັບລູກຄ້າກ່ຽວກັບຕົ້ນກໍາເນີດຂອງເມັດກາເຟ

Cynthia Yeung ກ່າວອີກວ່ານີ້ຄືການເຮັດວຽກຮ່ວມກັນຂອງມະນຸດກັບຫຸ່ນຍົນເພື່ອເພີ່ມປະສິດທິພາບການເຮັດວຽກຂອງບາລິດຕາທີ່ມີຢູ່ແລ້ວ

ນອກຈາກນີ້ຫຸ່ນຍົນຍັງໄດ້ຮັບການຕັ້ງໂປລແກລມໃຫ້ມີບຸກຄະລິກກະພາບນ້ອຍໆເຊັ່ນ ການທີ່ຫຸ່ນຍົນໂບກມືທັກທາຍລູກຄ້າ ເຊິ່ງໄດ້ຮັບຄວາມນິຍົມ ຢ່າງຫລາຍມີການຍື່ນກາເຟໃຫ້ລູກຄ້າ ແລະ ຫຸ່ນຍົນ V2 ຈະເຕັ້ນເພື່ອດຶງດູດຜູ້ຄົນທີ່ສັນຈອນໄປມາດ້ວຍ ທ່ານ Kirk Schuler ລູກຄ້າຮ້ານ Caf X ກ່າວວ່າລາວຮູ້ສຶກພຶງພໍໃຈກັບການເຮັດວຽກຂອງຫຸ່ນຍົນບາລິດຕ້າໂຕນີ້ ສ່ວນທ່ານ Sean Bondar ລູກຄ້າອີກຄົນບອກວ່າມີວຽກທີ່ຕ້ອງເຮັດຊໍ້າໄປຊໍ້າມາ ຫລາຍຢ່າງທີ່ມະນຸດບໍ່ຢາກເຮັດແຕ່ຫຸ່ນຍົນເຮັດໄດ້ແຕ່ໃນຂະນະດຽວກັນຫຸ່ນຍົນກໍ່ຈໍາເປັນຕ້ອງມີປະຕິສໍາພັນກັບມະນຸດຫລາຍມາຍນອກເຫນືອໄປຈາກຄວາມສາມາດໃນການສົງກາເຟ.

 

Leave a Reply

Your email address will not be published. Required fields are marked *

Facebook