ໃນອະນາຄົດ ມືຖືທີ່ໜ້າຈໍພັບໄດ້ ແລະ ຮອງຮັບ 5G ຈະກາຍເປັນອຸປະກອນທີ່ຂາຍດີ

ລາຍ​ງານ​ຫຼ້າ​ສຸດ​ຈາກ​ Gartner ບໍລິສັດ​ວິ​ເຄາະ​ຂໍ້​ມູນ​ດ້ານເຕັກໂນໂລຊີຂໍ້ມູນຂ່າວສານ​ຊື່​ດັງ​ ໄດ້ລະ​ບຸ​ວ່າ​ ສະມາດ​ໂຟນ​ໜ້າຈໍ​ພັບ​ໄດ້​ ແລະ​ ສະມາດໂຟນທີ່​ຮອງ​ຮັບ​ 5G ຈະ​ເປັນ​ອຸປະກອນ​ທີ່​ໄດ້ຮັບ​ຄວາມ​ນິຍົມ​ສູງ​ສຸດ​ຕໍ່ໄປ​

ໃນຍຸກ​ປະຈຸບັນ​ນີ້​ ຕ​ະຫຼາດ​ສະມາດໂຟນເລີ່ມ​ຂະຫຍາຍຕົວຊ້າ​ລົງ​ ເຊິງ​ສ່ວນໜຶ່ງ​ມາ​ຈາກ​ການ​ທີ່​ອຸປະກອນ​ດັ່ງ​ກ່າວ​ໄດ້ຮັບ​ການ​ພັດທະນາ​ຈົນ​ ເຖິງ​ຈຸດ​ອິ່ມ​ຕົວ​ ແລະ ​ບໍ່​ມີ​ຟີ​ເຈີ​ໃໝ່ປາກົດ​ໃຫ້​ເຫັນ​ເດັ່ນ​ແຈ້ງ​ ໂດຍ​ເມື່ອ​ຊ້ວງ​ໄຕມາດ​ທີ​ 3 ຂອງ​ປີ​ 2018 ມີຍ​ອດ​ຈຳ​ໜ່າຍ​ສະມາດໂຟນ 389 ລ້ານ​ເຄື່ອງ​ ​ເພີ່ມ​ຂຶ້ນ​ພຽງ​ 1.4% ຈາກ​ໄຕມາດ​ທີ່​ 3 ຂອງ​ປີ​ 2017 ເທົ່າ​ນັ້ນ​

ທາງ​ Gartner ອ້າງ​ວ່າ​ ຜູ້ບ​ໍລິໂພກ​ຈະ​ເປີດ​ຮັບ​ໄອ​ເດຍ​ການ​ອັບ​ເກຣດ​ອຸປະກອນ​ຕ່າງ​ໆ​ຫຼາຍ​ຂຶ້ນ​ ຊຶ່ງ​ຈະ​ສົ່ງ​ຜົນ​ເຮັດໃຫ້​ເຄືອ​ຂ່າຍ​ 5G ແລະ​ ສະມາດໂຟນ ໜ້າຈໍພັບ​ໄດ້​ ຊຶ່ງ​ໄດ້ຮັບ​ການ​ພັດທະນາ​ຢ່າງ​ຕໍ່​ເນື່ອງ​ ແລະ​ກຳ​ລັງ​ຈະ​ເປີດ​ຕົວ​ໃນ​ໄວ​ໆ​ນີ້​ ໄດ້ຮັບ​ຄວາມ​ນິຍົມ​ສູງ​ສຸດ​ຢ່າງ​ວ່ອງໄວ​.

ຄາດ​ຄະເນ​ວ່າ​ພາຍ​ໃນ​ປີ​ 2020 ສະມາດໂຟນ 5G ຈະຈຳ​ໜ່າຍ​ໄດ້​ເຖິງ​ 65 ລ້ານ​ເຄື່ອງ.​ ສ່ວນ​ອຸປະກອນ​ໜ້າຈໍ​ພັບ​ໄດ້​ອາດ​ຕ້ອງ​ໃຊ້​ເວລາ​ດົນ​ກວ່າ​ນັ້ນ​ ແຕ່​ກໍ່​ຈະ​ກາຍ​ເປັນ​ຜະລິດຕະພັນ​ຫຼັກ​ທີ່​ໄດ້ຮັບ​ຄວາມ​ສົນ​ໃຈ​ຈາກ​ຜູ້ບ​ໍລິ​ ໂພກ​ໃນ​ທີ່ສຸດ​.

 

 

Leave a Reply

Your email address will not be published. Required fields are marked *

Facebook