ຈະເກີດຫຍັງຂຶ້ນເມື່ອ ບູດສ໌ລີລາວ ປະທະກັບ ພະເອກ ລາວແອັກຊັນສະຕາ

ຖືວ່າເປັນທີ່ຈັບຕາເບິ່ງສໍາລັບ ບູດສ໌ລີລາວ ຫຼື ອາຈານເຕີ ທີ່ກາຍເປັນທີ່ຮູ້ຈັກກັນຢ່າງແຜ່ຫຼາຍ ຫຼັງຍາດໄດ້ຫຼຽນຄໍາໃນລາຍການຟ້ອນມວຍ ເຊົາຫຼິນ ທີ່ ສປ ຈີນ ເມື່ອໄລຍະທີ່ຜ່ານມາ ກັບມາປະກົດຕົວ ປະເຊີນໜ້າກັບ ພິລາວັນ ຈັນທະກາລີ ພະເອກດັງຈາກ ລາວແອັກຊັນສະຕາ (Lao Action Star) ແລະ ນັກມວຍລາຍລາວທີ່ທີຊື່ສຽງ ທີ່ມັກສະແດງໃນໜັງສັ້ນການຕໍ່ສູ້ປ້ອງກັນຕົວໃຫ້ຫຼາຍໆຄົນເບິ່ງເປັນປະຈໍາລາຍລະອຽດຕິດຕາມໃນເພຈ໌ Lao Action Star.

ຫຼ້າສຸດທັງສອງຄົນ ໄດ້ອອກພົບກັນທີ່ເດີ່ນຮົມບູຢອງ ເນື່ອງໃຈໂອກາດທີ່ ທັບນັກກິລາວໍວິນາມ ຊຸດ ມ. ອາຊຽນ 2018 ຝຶກຊ້ອມໃນຕົ້ນອາທິດທີ່ຜ່ານມາ, ເຊິ່ງ ອາຈານ ພິລາວັນ ເປັນຜູ້ຊ່ວຍຄູຝຶກ ວໍວິນາມ ໄດ້ປະມືກັບ ບູດສ໌ລີລາວ ໃນໂອກາດທີ່ ບູດສ໌ລີລາວ ໄປຢາມ ກ່ອນອອກເດີນທາງໄປປະເທດມຽນມາ ເພື່ອນໍາທີມ ມຊ ລາວ ເຂົ້າຮ່ວມ ມ. ອາຊຽນ 2018.

ແນ່ນອນຫຼາຍຄົນຄາດວ່າ ຈາກພາບດັ່ງກ່າວ ອາດມີວີດີໂອສັ້ນໆຂອງ 2 ຊຸບເປີສະຕາມວຍລາຍລາວ 2 ຄົນດັ່ງກ່າວໄດ້ມີໂອກາດສະແດງນໍາກັນ, ເຊັ່ນດຽວກັບແອັດມິນນົກ ທີ່ຢາກເຫັນສຸດໆ ແລະ ລໍຖ້າເບິ່ງຢູ່ເດີ.

ສໍາລັບ ອາຈານ ພິລາວັນ ຈັນທະກາລີ ເປັນອາຈານສອນທີ່ ມະຫາວິທະຍາໄລແຫ່ງຊາດລາວ ຄະນະວິທະຍາສາດການກີລາ-ກາຍະກຳ ເຄີຍລົງແຂ່ງຂັນມວຍລາຍລາວໃນປະເພດຟ້ອນມວຍລາຍລາວ ແບບປະຍຸກບໍ່ມີອຸປະກອນ ເຊີ່ງຜ່ານການແຂ່ງຂັນໃນລະຫວ່າງວັນທີ 26-28 ຕຸລາ 2018 ສາມາດຍາດໄດ້ ອັນດັບ 3 ໃນປະເພດສະແດງດ່ຽວ ຟ້ອນມວຍລາຍລາວແບບປະຍຸກ ມີຈໍານວນນັກກິລາທີ່ເຂົ້າແຂ່ງຂັນ 111 ຄົນ ຈາກ 29 ປະເທດ ໃນງານບຸນມະໂຫລານ ທີ່ເມືອງຊູງຈູ ສາທາລະນະລັດເກົາຫລີ (ເກົາຫລີໃຕ້) .

 

 

ຂໍ້ມູນມາຈາກ : ສະປອດອັບເດດ

Leave a Reply

Your email address will not be published. Required fields are marked *

Facebook