ຄວາມພ້ອມເກືອບ 100 % ໃນການສະເຫຼີມສະຫຼອງງານເທສະການ ກອງເຂົ້າໃຫຍ່ໄຫວ້ພຣະທາດອີງຮັງ ແລະ ປີທ່ອງທ່ຽວລາວ

ໃນຕອນບ່າຍຂອງວັນທີ 30 ທັນວາ 2018 ນີ້, ທ່ານ ຄໍາ ພູນ ຕຸໄພທູນ ຮອງເຈົ້າແຂວງ ສະຫວັນນະເຂດ ປະທານຈັດ ງານໄດ້ໃຫ້ຮູ້ກ່ຽວກັບຄວາມ ພ້ອມໃນການສະການເຫຼີມສະຫຼອງງານເທສະການບຸນກອງເຂົ້າໃຫຍ່ໄຫວ້ພຣະທາດອີງຮັງ ແລະ ເປີດປີທ່ອງທ່ຽວລາວ 2018 ຢູ່ແຂວງສະຫວັນນະເຂດ ແມ່ນມີຄວາມພ້ອມເກືອບ 100% ຍັງເຫຼືອພຽງແຕ່ບາງວຽກເລັກໜ້ອຍເທົ່ານັ້ນ ທີ່ຍັງຈະຕ້ອງໄດ້ປັບປຸງຄືນຈຳນວນໜຶ່ງ ເພື່ອຮອງຮັບ ແລະ ອຳນວຍ ຄວາມສະດວກໃຫ້ແກ່ນັກທ່ອງທ່ຽວທີ່ເຂົ້າມາທ່ຽວໃນງານເປັນຕົ້ນແມ່ນ: ປັບປຸງບູລະນະເສັ້ນທາງເຂົ້າບ້ານທາດອີງຮັງ ໂດຍຂະຫຍາຍໜ້າທາງໃຫ້ໃຫຍ່ ແລະ ກວ້າງກວ່າເກົ່າ, ປູເບຕົງເສີມເຫຼັກທາງດ້ານນອກ, ດ້ານເໜືອ ແລະ ດ້ານຕາເວັນຕົກໃຫ້ສະດວກໃນການຈັດກິດຈະກຳຕ່າງໆ

ສຳເລັດການປັບປຸງບູລະນະເດີ່ນດ້ານໃນກົມມະລຽນພະທາດອີງຮັງ (ມູນຄ່າຕື້ກວ່າ ກີບ) ສ່ວນດ້ານກ້ອນກຳລັງທີ່ເຂົ້າຮ່ວມໃນການເປີດງານ ເປັນຕົ້ນແມ່ນກ້ອນກຳລັງ ແລະ ການສະແດງຕ່າງໆ ຈາກ 14 ຕົວເມືອງ , 1 ນະຄອນ ແລະ ກ້ອນກຳລັງສະແດງລວມຂອງແຂວງ ລວມມີ 16 ກ້ອນກຳລັງ, ນອກຈາກນີ້ ກໍ່ໄດ້ກະກຽມງານເທສະການອາຫານທີ່ເປັນເອກະລັກຂອງແຂວງ, ຂອງແຕ່ລະທ້ອງຖິ່ນ, ດ້ານຄວາມສະອາດແມ່ນໄດ້ປຸກລະດົມ ໃຫ້ທຸກພາກສ່ວນອະນາໄມ, ປູກຕົ້ນໄມ້ປະດັບປະດາໃຫ້ຈົບງາມ, ສ່ວນທາງດ້ານສິ່ງອຳນວຍຄວາມສະດວກເປັນຕົ້ນແມ່ນໂຮງແຮມ, ບ້ານພັກ, ຮ້ານອາຫານ, ຮ້ານບັນເທິງໄດ້ມີຄວາມພ້ອມ ຕ້ອນຮັບແຂກດ້ວຍໄມຕີຈິດມິດຕະພາບອັນດີງາມ.

ເຊິ່ງໃນຕະຫຼອດໄລຍະ 6 ຄືນ 7 ວັນ ຂອງການຈັດງານນັ້ນ ທາງຄະນະຮັບຜິດຊອບໄດ້ຈັດໃຫ້ມີການວາງສະແດງສິນຄ້າ ແລະ ຈຳໜ່າຍສິນຄ້າຜະລິດຕະພັນ ດ້ານອຸດສາຫະກຳ ແລະ ຫັດຖະກຳທີ່ເປັນເອກະລັກຂອງແຕ່ລະທ້ອງຖິ່ນທັງພາຍໃນແຂວງ ແລະ ຕ່າງແຂວງ. ພ້ອມນັ້ນຍັງຈັດໃຫ້ມີການແຂ່ງຂັນກິລາ ແລະ ສະແດງສິລະປະ ເພື່ອຄວາມເບີກບານມ່ວນຊື່ນໃນແຕ່ລະວັນແຕ່ລະຄືນຈົນເຖິງມື້ສຸດທ້າຍຂອງງານ ໂດຍຈະຈັດຂຶ້ນໃນລະຫວ່າງ ວັນທີ 17-22 ທັນວາ 2018 ນີ້.

 

 

Leave a Reply

Your email address will not be published. Required fields are marked *

Facebook