ບໍລິສັດ ຊັນເປເປີໂຮນດິ້ງລາວ ຈຳກັດ ຮ່ວມກັບກຸ່ມບໍລິສັດດາວສະຫວັນລົງທຶນມອບລົດໃຫ້ໂຮງໝໍເມືອງພີນ ແລະໂຮງໝໍເມືອງເຊໂປນ

ໃນວັນທີ 4 ທັນວາ 2018 ຢູ່ທີ່ຫ້ອງວ່າການປົກຄອງແຂວງສະຫວັນນະເຂດໄດ້ມີພິທີມອບ-ຮັບລົດໂຮງໝໍ (Ambulance) ໃຫ້ກັບໂຮງໝໍເມືອງພີນ ແລະໂຮງໝໍເມືອງ ເຊໂປນ ເຊິ່ງ ທ່ານ ລຽງ ຫົງ ຈິງ ຮອງຜູ້ອຳນວຍການ ບໍລິສັດຊັນ ເປເປີໂຮນດິ້ງລາວຈຳກັດ ແລະ ກຸ່ມບໍລິສັດດາວສະຫວັນ ລົງທຶນໄດ້ນຳເອົາລົດໂຮງໝໍ (Ambulance)ຈຳນວນ ສອງຄັນ, ມູນຄ່າ 60.800 ໂດລາສະຫະລັດ ມອບໃຫ້ໂຮງໝໍດັ່ງກ່າວ ເຊິ່ງມີທ່ານ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມດ້ວຍການນຳຂັ້ນແຂວງເປັນກຽດຮັບ ແລະ ມອບຕໍ່ໃຫກັບ ໂຮງໝໍເມືອງທັງສອງແຫ່ງ

ຈາກນັ້ນ, ທ່ານ ສັນຕິພາບ ພົມວິຫານ ກໍ່ໄດ້ສະແດງຄວາມຂອບໃຈຕໍ່ບໍລິສັດຊັນເປເປີ ໂຮນດິ້ງລາວ ຈຳກັດ ແລະ ກຸ່ມບໍລິສັດດາວສະຫວັນລົງທຶນ ທີ່ມີນໍ້າໃຈເປັນສ່ວນຮ່ວມໃຫ້ກັບສັງຄົມກໍ່ຄືວຽກງານສາທາລະນະສຸກ, ເພື່ອອຳນວຍຄວາມສະດວກໃນການລຳລຽງຄົນເຈັບຍາມສຸກເສີນໄດ້ທ່ວງທັນເວລາ.

 

 

Leave a Reply

Your email address will not be published. Required fields are marked *

Facebook