ຝຣັ່ງ ລົ້ມແຜນຂື້ນພາສີນໍ້າມັນ ຫຼັງປະຊາຊົນນຊຸມນຸມປະທ້ວງຕ້ານ

ສຳນັກຂ່າວຕ່າງປະເທດລາຍງານຈາກນະຄອນຫລວງປາຣີສ ປະເທດຝລັ່ງ ໃນວັນທີ 5 ທັນວາ 2018 ວ່າ ນາຍົກລົດຖະມົນຕີ ເອດູອາຣດ ຟິລິປ ແຫ່ງຝຣັ່ງ ປະກາດວ່າລັດຖະບານຈະລົ້ມເລີກແຜນຂື້ນພາສີນໍ້າມັນ ຕາມແຜນເດີມເຊິ່ງຈະເລີ່ມຂື້ນພາສີໃນ ວັນທີ່ 1 ມັງກອນ 2019 ເພື່ອຢຸດຕິການປະທ້ວງຂອງປະຊາຊົນທີ່ພ້ອມໃຈກັນໃສ່ເສື້ອກັ໊ກສີເຫຼືອງອອກມາຊຸມນຸມທົ່ວປະເທດ ເພື່ອຕໍ່ຕ້ານນະໂຍບາຍເພີ່ມພະລັງງານຂອງປະທານາທິບໍດີ ເອັມມານູເອລ ມາຄຣົງ ເຊິ່ງເກັບພາສີນໍ້າມັນເປັນສ່ວນໜຶ່ງຂອງ ຄວາມພະຍາຍາມຕໍ່ສູ້ບັນຫາມົນລະພິດ

ນອກຈາກນີ້ລັດຖະບານຝຣັ່ງຈະມີມາດຕາການອື່ນໆ ໃຊ້ຄວບຄູ່ກັບແຜນລົ້ມເລີກການຂື້ນພາສີນໍ້າມັນອີກດ້ວຍ ຫຼັງປະຊາຊົນ ເລີ່ມການປະທ້ວງຕັ້ງແຕ່ວັນເສົາທີ່ 17 ພະຈິກ ແລະ ມີເຫດຮຸນແຮງໃນໃຈກາງນະຄອນປາຣີສ ໃນການປະທ້ວງຄັ້ງລ່າສຸດເມື່ອວັນ ເສົາທີ່ຜ່ານມາຂະນະທີ່ ທ່ານໂຣລອງ ເອີກີ ປະທານສະມາພັນທ່ອງທ່ຽວຝຣັ່ງ ເປີດເຜີຍວ່າ ເຫດຈະລາຈົນໄດ້ສົ່ງຜົນກະທົບຕໍ່ພາບ ລັກຂອງນະຄອນປາຣີສ ແລະ ຝຣັ່ງ ທັງຍັງອາດສົ່ງຜົນກະທົບຕໍ່ການທ່ອງທ່ຽວຊ່ວງເທດສະການຄຣິສມາສອີກດ້ວຍ ພ້ອມລະບຸວ່າພາບລວມຂອງການທ່ອງທ່ຽວຝຣັ່ງໃນປີນີ້ກໍາລັງຢູ່ໃນເສັ້ນທາງດີ ແລະ ກໍາລັງຟື້ນຕົວຈາກພາວະຊົບເຊົາ ຫຼັງເຫດການກໍ່ການຮ້າຍໃນປີ 2015 ໂດຍຍອດຈອງໂຮງແຮມຊ່ວງເຄິ່ງທໍາອິດຂອງປີແຕະສະຖິຕິສູງສຸດທີ່ 17,1 ລ້ານຄັ້ງ

ດ້ານ ທ່ານບຣູໂນ ເລີ ແມຣ ລັດຖະມົນຕີການເງິນຝຣັ່ງ ລະບຸວ່າ ນັບຕັ້ງແຕ່ມີການປະທ້ວງຄັ້ງທໍາອິດ ຍອດຈອງໂຮງແຮມໃນນະ ຄອນປາຣີສຫຼຸດລົງ 15-20%.

 

Leave a Reply

Your email address will not be published. Required fields are marked *

Facebook