ການພົວພັນລະຫວ່າງ ສອງກອງທັບ ລາວ-ຈີນ ມີຜົນສຳເລັດຫຼາຍດ້ານ.

ນສພ ກອງທັບລາຍງານໃຫ້ຮູ້ວ່າ ພິທີພົບປະສອງຝ່າຍລະ ຫວ່າງຄະນະຜູ້ແທນກົມໃຫຍ່ເສ ນາທິການກອງທັບປະຊາຊົນລາວ ກັບຄະນະຜູ້ແທນທະຫານ ເຂດສູ້ຮົບພາກໃຕ້ແຫ່ງ ສປ ຈີນ ໄດ້ຈັດຂຶ້ນໃນວັນທີ 29 ພະຈີກ 2018 ນີ້ ທີ່ກະຊວງປ້ອງກັນ ປະເທດ ສປປ ລາວ. ຝ່າຍລາວ ນໍາໂດຍ ສະຫາຍ ພົນຕີ ຄໍາລຽງ ອຸທະໄກສອນ ຮອງຫົວໜ້າກົມ ໃຫຍ່ເສນາທິການກອງທັບປະ ຊາຊົນລາວ ພ້ອມຄະນະ ແລະ ຝ່າຍຈີນນໍາໂດຍ ສະຫາຍ ພົນໂທ ທະຫານເຮືອ ຢວນ ຢຸ້ຍປາຍ ຜູ້ ບັນຊາການທະຫານເຂດສູ້ຮົບ ພາກໃຕ້ ສປ ຈີນ ພ້ອມຄະນະ ແລະ ມີພະນັກງານວິຊາການ ຂອງທັງສອງຝ່າຍເຂົ້າຮ່ວມ. ໃນການພົບປະຄັ້ງນີ້ຄະນໍາ ທັງສອງຝ່າຍຕ່າງກໍໄດ້ທົບທວນ ຄືນຜົນຂອງການພົວພັນມິດຕະ ພາບທີ່ເປັນມູນເຊື້ອ, ການຮ່ວມ ມືຮອບດ້ານ, ການຮ່ວມມືຊ່ວຍ ເຫຼືອເຊິ່ງກັນ ແລະ ກັນລະຫວ່າງ ສອງກອງທັບລາວ-ຈີນ, ຈີນ- ລາວໃນຜ່ານມາ.

ແຕ່ຕະຫຼອດ ໄລຍະທີ່ຜ່ານມາເຫັນວ່າສາຍພົວ ພັນມິດຕະພາບ ແລະ ການຮ່ວມ ມືຮອບດ້ານລະຫວ່າງສອງພັກ ສອງລັດ ແລະ ສອງກອງທັບ ແມ່ນໄດ້ມີການສືບຕໍ່ຂະຫຍາຍ ຕົວເຂົ້າສູ່ລວງເລີກ, ບົນຈິດໃຈ ບ້ານໃກ້ເຮືອນຄຽງທີ່ດີ, ເພື່ອນ ມິດທີ່ດີ, ຄູ່ຮ່ວມມືທີ່ດີ ແລະ ສະ ຫາຍທີ່ດີຕໍ່ກັນ. ໃນນີ້ອັນພົ້ນເດັ່ນ ກໍແມ່ນສອງກອງທັບໄດ້ພ້ອມ ກັນປົກປັກຮັກສາດິນແດນ ແລະ ປ້ອງກັນຄວາມສະຫງົບ, ຄວາມ ເປັນລະບຽບຮຽບຮ້ອຍຕາມບໍລິ ເວນຊາຍແດນຂອງສອງຊາດ ໄດ້ມີຄວາມສະຫງົບ ແລະ ມີ ຄວາມເປັນລະບຽບຮຽບຮ້ອຍດີ ການຈັດຕັ້ງປະຕິບັດສັນຍາຊ່ວຍ ເຫຼືອເຊິ່ງກັນ ແລະ ກັນ ປະຈຳປີ ໃນແຕ່ລະຂົງເຂດວຽກງານກໍ ປະສົບຜົນສຳເລັດຕາມແຜນ ການທີ່ວາງໄວ້ ເປັນຕົ້ນແມ່ນ ການແລກປ່ຽນຄະນະຜູ້ແທນ ຂອງສອງຝ່າຍ, ການເຝິກອົບ ຮົມ, ການບຳລຸງ ແລະ ການກໍ່ ສ້າງບຸຄາລະກອນ, ການຊ່ວຍ ເຫຼືອການກໍ່ສ້າງພື້ນຖານໂຄງ ລ່າງ ແລະ ດ້ານອື່ນໆ. ພ້ອມນີ້ ທັງສອງຝ່າຍຍັງໄດ້ມີການປະ ສານງານພົວພັນແລກປ່ຽນສະ ພາບການ ແລະ ຮ່ວມກັນລາດ ຕະເວນຕາມຊາຍແດນໃນຂອບ ເຂດທີ່ຕົນຮັບຜິດຊອບຢ່າງເປັນ ປະຈຳ. ໃນໂອກາດທີ່ຄະນະຜູ້ແທນຜູ້ ບັນຊາການທະຫານເຂດສູ້ຮົບ ພາກໃຕ້ ສປ ຈີນ ເດີນທາງມາ ຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້.

ຄະນະຜູ້ ແທນດັ່ງກ່າວຍັງໄດ້ໄປຢ້ຽມ ຢາມກອງບັນຊາການທະຫານ ແຂວງຫຼວງພະບາງ, ກອງພັນ ໃຫຍ່ 502 ທີ່ຂຶ້ນກັບກອງພົນທີ 5, ກອງພັນໃຫຍ່ 11 ແລະ ໄດ້ ເຂົ້າຢ້ຽມຂໍ່ານັບ ສະຫາຍ ພົນໂທ ສຸວອນ ເລືອງບຸນມີ ຮອງລັດຖະ ມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການ ກອງທັບປະຊາຊົນລາວ, ໄປ ທ່ຽວຊົມສະຖານທີ່ທ່ອງທ່ຽວ ທາງດ້ານວັດທະນະທຳ ແລະ ທຳມະຊາດອີກຈຳນວນໜຶ່ງ ແລະ ໂອກາດດຽວກັນນີ້ສະຫາຍ ພົນໂທ ທະຫານເຮືອ ຢວນຢຸ້ຍ ປາຍ ກໍໄດ້ຕ່າງໜ້າໃຫ້ກອງທັບ ປົດປ່ອຍປະຊາຊົນຈີນ ໃນໂອ ກາດວັນສ້າງຕັ້ງກອງທັບປະຊາ ຊົນລາວຄົບຮອບ 70 ປີ ທີ່ຈະມາ ເຖິງໃນມໍ່ໆນີ້ອວຍພອນມາຍັງ ຄະນະນຳກະຊວງປ້ອງກັນປະ ເທດ, ນາຍ ແລະ ພົນທະຫານ ທຸກຖ້ວນໜ້າໃນກອງທັບປົດ ປ່ອຍປະຊາຊົນລາວຈົ່ງມີສຸຂະ ພາບເຂັ້ມແຂງ ພ້ອມກັນເຮັດສຳ ເລັດທຸກໜ້າທີອັນໃຫຍ່ຫຼວງ, ພ້ອມກັນສ້າງກອງທັບປະຊາ ຊົນລາວໃຫ້ກາຍເປັນກອງທັບ ທີ່ໜັກແໜ້ນ,ເຂັ້ມແຂງ ແລະ ມີ ແບບແຜນທີ່ທັນສະໄໝ. ການເດີນທາງມາຢ້ຽມຢາມ ແລະ ເຮັດວຽກຂອງຄະນະຜູ້ ແທນດັ່ງກ່າວແມ່ນໄດ້ເລີ່ມມາ ແຕ່ວັນທີ 25-30 ພະຈິກ 2018 ນີ້ ເຫັນວ່າໄດ້ຮັບຜົນສໍາເລັດຕາມ ແຜນການ.

 

Leave a Reply

Your email address will not be published. Required fields are marked *

Facebook