ປູກຈິດສຳນຶກໃຫ້ນັກຮຽນປະຖົມສົມບູນ ຮ່ອງໄກ່ແກ້ວ ໃນການຮັກສາສິ່ງແວດລ້ອມ

ກອງທຶນປົກປັກຮັກສາສິ່ງແວດລ້ອມ ຮ່ວມກັບ ໂຮງຮຽນປະຖົມສົມບູນ ຮ່ອງໄກ່ແກ້ວ ຈັດກິດຈະກຳປູກຈິດສຳນຶກ ໃນການປົກປັກຮັກສາສິ່ງແວດລ້ອມ ໃຫ້​ນັກຮຽນ​ຮູ້​ຮັກສາ ​ຄວາມ​ສະອາດ, ຮູ້​ແຍກ ​ແລະ ການ​ຄຸ້ມຄອງ​ຂີ້​ເຫຍື້ອ ດ້ວຍຕົນເອງ​. ກິດຈະກຳດັ່ງກ່າວ, ຈັດຂຶ້ນໃນວັນທີ 30 ພະຈິກ 2018 ທີ່ໂຮງຮຽນດັ່ງກ່າວ.

ທ່ານ ຄຳປະດິດ ຄຳມູນເຮືອງ ຜູ້ອຳນວຍການ ກອງທຶນປົກປັກຮັກສາສິ່ງແວດລ້ອມ ກ່າວວ່າ: ການຈັດກິດຈະກຳໃນຄັ້ງນີ້, ເປັນການສ້າງຂະບວນການ ຂ່ຳນັບຮັບຕ້ອນວັນ ສ້າງຕັ້ງກອງທັບ ຄົບຮອບ 70 ປີ, ວັນຊາດທີ 2 ທັນວາ ຄົບຮອບ 43 ປີ ແລະ ສ້າງຂະບວນການ 3 ອົງການຈັດຕັ້ງມະຫາຊົນຂອງກອງທຶນ ປົກປັກຮັກສາສິ່ງແວດລ້ອມ, ເຊິ່ງໂຄງການ​ສ້າງໂຮງຮຽນ​ ສີຂຽວ​ສະອາດສວຍ​ງາມ ​ແມ່ນ​ໂຄງ ການ​ໜຶ່ງ​ ທີ່​ປູກ​ຈິດ​ສຳນຶກ​ໃຫ້​​ນັກຮຽນ​​ຮູ້​ວິທີ ​ການ​ປົກ​ປັກ​ຮັກສາ​ປ່າ​ໄມ້ ​ແລະ ອານາ​ໄມຮັກສາ​ຄວາມ​ສະ ອາດ​ສວຍ​ງາມ, ທັງ​ເປັນ​ການ​ປົກ​ປັກ ​ສັກ​ສາ​ສິ່ງ​ແວດ​ລ້ອມ ​ເຮັດ​ໃຫ້​ເກີດ​ຄວາມ​ຍືນ​ຍົງ ​ທາງ​ດ້ານ​ສິ່ງ​ແວດ​ລ້ອມ, ຊ່ວຍ​ຫລຸດ​ພາວະ​ໂລກ​ຮ້ອນ ​ແລະ ​​ສ້າງໂຮງຮຽນ ໃຫ້ສະອາດ​ສີຂຽວ​ງາມ​ຕາ.

ບັນດານັກຮຽນທີ່ເຂົ້າຮ່ວມກິດຈະກຳ ໄດ້ຮັບຮູ້ ກ່ຽວກັບຄວາມ​ໝາຍ​, ຜົນ​ກະທົບ​, ການ​ຍ່ອຍ​ສະ ຫລາຍ​, ວິທີ​ການ​ຈັດການ​ເກັບ​, ​ເຫດຜົນ​ຂອງ​ການ​ແຍກ​ຂີ້​ເຫຍື້ອ ​ແລະ ​ໄລຍະ​ເວລາ​ຂອງ​ ການ​ຍ່ອຍ​ສະ ຫລາຍ​ຂີ້​ເຫຍື້ອ ແລະ ອື່ນໆ.

 

ແຫຼ່ງຂ່າວ: ຂ່າວສານປະເທດລາວ

 

Leave a Reply

Your email address will not be published. Required fields are marked *

Facebook