ໂຄງການກໍ່ສ້າງທາງລົດໄຟ ລາວ-ຈີນ ມີຫຼາຍໜ້າວຽກປະຕິບັດສໍາເລັດ

ກອງ​ປະ­ຊຸມ​ຄົບ​ຄະ­ນະ ຄັ້ງ​ທີ 5 ຂອງ​ຄະ­ນະ​ຊີ້​ນຳ​ໂຄງ­ການ​ກໍ່­ສ້າງ​ທາງ​ລົດ­ໄຟ ລາວ-ຈີນ ຈັດ​ຂຶ້ນ​ວັນ​ທີ 13 ພະ­ຈິກ 2018 ຢູ່​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ (ຍທຂ) ໂດຍ​ເປັນ​ປະ­ທານ​ຂອງ​ທ່ານ ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ ຍທຂ ມີ​ຮອງ​ລັດ­ຖະ­ມົນ­ຕີ ພ້ອມ​ດ້ວຍ​ບັນ­ດາ​ຄະ­ນະ​ຊີ້​ນຳ​ໂຄງ­ການ​ກໍ່­ສ້າງ​ທາງ​ລົດ­ໄຟ ລາວ-ຈີນ ຂັ້ນ​ສູນ​ກາງ ແລະ ທ້ອງ­ຖິ່ນ​ເຂົ້າ​ຮ່ວມ.

ທ່ານ ບຸນ​ຈັນ ສິນ​ທະ​ວົງ ກ່າວ​ວ່າ: ການ​ສະ­ເໜີ​ຂໍ​ງົບ­ປະ­ມານ​ບໍ­ລິ­ຫານ​ໂຄງ­ການ​ສຳ­ລັບ​ປີ 2018 ໄດ້​ຈັດ​ຕັ້ງ​ປະ­ຕິ­ບັດ​ສຳ­ເລັດ ງົບ­ປະ­ມານ​ບໍ­ລິ­ຫານ​ໂຄງ­ການ​ສຳ­ລັບ​ປີ 2018 ຈຳ­ນວນ 38 ຕື້​ກວ່າ​ກີບ ສະ­ພາ​ໄດ້​ຮັບ­ຮອງ​ເອົາ​ວັນ​ທີ 14 ສິງ­ຫາ 2018 ການ​ຮ່ວມ​ມື​ແນະ­ນຳ​ການ​ເບີກ​ຈ່າຍ​ຄ່າ​ຊົດ​ເຊີຍ ໄດ້​ຈັດ​ຕັ້ງ​ປະ­ຕິ­ບັດ​ສຳ­ເລັດ ຫົວ­ໜ້າ​ຄະ­ນະ​ຊີ້​ນຳ​ໂຄງ­ການ​ໄດ້​ອອກ​ຂໍ້​ຕົກ­ລົງ​ກ່ຽວ​ກັບ​ປຶ້ມ​ຄູ່​ມື ແນະ­ນຳ​ການ​ເບີກ​ຈ່າຍ​ຊົດ​ເຊີຍ​ສິ່ງ​ກີດ­ຂວາງ ໂຄງ­ການ​ກໍ່­ສ້າງ​ທາງ​ລົດ­ໄຟ ລາວ-ຈີນ ໄດ້​ພິມ​ຄູ່​ມື​ແນະ­ນຳ​ເບີກ​ຈ່າຍ​ຄ່າ​ຊົດ​ເຊີຍ​ສຳ­ເລັດ 800 ຫົວ ແລະ ແຈກ​ຢາຍ​ໃຫ້​ຄະ­ນະ​ໄກ່​ເກ່ຍ​ແຂວງ ນະ­ຄອນ­ຫຼວງ ແລະ ພາກ­ສ່ວນ​ກ່ຽວ­ຂ້ອງ ງົບ­ປະ­ມານ​ຄ່າ​ຊົດ​ເຊີຍ​ສິ່ງ​ກີດ­ຂວາງ​ທີ່​ຍັງ​ບໍ່​ທັນ​ພຽງ­ພໍ​ຈາກ​ງົບ­ປະ­ມານ ທີ່​ມີ​ໃນ​ໂຄງ­ການ​ໃນ​ເມື່ອ​ກ່ອນ ຄາດ​ວ່າ​ປະ­ມານ 1.800 ຕື້​ກີບ ແຕ່​ຜ່ານ​ການ​ກວດ­ກາ​ຄືນ​ຂອງ​ບັນ­ດາ​ແຂວງ​ແມ່ນ 2.106 ຕື້​ກີບ ຄະ­ນະ​ຄຸ້ມ​ຄອງ​ໂຄງ­ການ​ໄດ້​ປະ­ສານ​ກັບ​ກະ­ຊວງ​ການ​ເງິນ ແລະ ຄະ­ນະ​ກຳ­ມະ­ການ​ຮ່ວມ​ມື ລາວ-ຈີນ ຮ່າງ​ໜັງ­ສື​ລາຍ​ງານ​ທ່ານ​ນາ­ຍົກ​ສຳ­ເລັດ ການ​ສະ­ເໜີ​ແຕ່ງ­ຕັ້ງ​ຄະ­ນະ​ຊີ້​ນຳ​ໂຄງ­ການ​ກໍ່­ສ້າງ​ທາງ​ລົດ­ໄຟ ລາວ-ຈີນ ເພີ່ມ ໂດຍ​ໃຫ້​ມີ​ຕາງ­ໜ້າ​ຈາກ​ກະ­ຊວງ​ພະ­ລັງ­ງານ ແລະ ບໍ່​ແຮ່ ກະ­ຊວງ​ກະ­ສິ­ກຳ ແລະ ປ່າ­ໄມ້ ການ​ກໍ່­ສ້າງ​ແຄ້ມ​ຂອງ​ກຳ­ລັງ ປກສ ຄະ­ນະ​ຄຸ້ມ​ຄອງ​ໂຄງ­ການ​ຮ່ວມ​ມື​ກັບ​ບໍ­ລິ­ສັດ ຮ່ວມ​ທຶນ​ທາງ​ລົດ­ໄຟ ລາວ-ຈີນ ໃຫ້​ໄດ້​ຈັດ​ຕັ້ງ​ປະ­ຕິ­ບັດ​ສຳ­ເລັດ ສ່ວນ ປກຊ ບໍ່​ໄດ້​ຮັບ​ງົບ­ປະ­ມານ​ປີ 2018 ໄດ້​ໂອນ​ເງິນ​ເຂົ້າ​ບັນ­ຊີ​ຂອງ​ກະ­ຊວງ​ປ້ອງ​ກັນ​ປະ­ເທດ 9,31 ຕື້​ກີບ ແລະ ກະ­ຊວງ​ປ້ອງ​ກັນ​ຄວາມ​ສະ­ຫງົບ 14,19 ຕື້​ກີບ ກະ­ຊວງ​ແຜນ­ການ ແລະ ການ​ລົງ­ທຶນ ໄດ້​ລົງ​ໄປ​ແກ້​ໄຂ​ຕາມ​ແຈ້ງ​ການ​ຂອງ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ແລະ ມີ​ບົດ​ບັນ­ທຶກ​ຮ່ວມ​ກັນ​ລະ­ອຽດ​ແລ້ວ​ກ່ຽວ​ກັບ​ຂັ້ນ​ຕອນ ແລະ ວິ­ທີ​ແກ້​ໄຂ​ລະ­ຫວ່າງ​ບໍ­ລິ­ສັດ​ທາງ​ລົດ­ໄຟ ລາວ-ຈີນ ແລະ ເຂດ​ເສດ­ຖະ­ກິດ​ສະ­ເພາະ​ບໍ່​ເຕັນ​ແດນ​ງາມ ການ­ຈັດ­ຕັ້ງ​ປະ­ຕິ­ບັດ​ບົດ​ບັນ­ທຶກ​ດັ່ງ­ກ່າວ ໄດ້​ດຳ­ເນີນ​ໄປ​ໂດຍ​ດີ ປັດ­ຈຸ­ບັນ ວຽກ​ທີ່​ຍັງ​ຄ້າງ​ແຕ່​ການ​ກໍ່­ສ້າງ​ຕ້ານ​ເຈື່ອນ​ປາກ​ທາງ​ເຂົ້າ​ອຸ​ໂມງ.

 

Leave a Reply

Your email address will not be published. Required fields are marked *

Facebook