ກະຊວງສຶກສາ ຈັດກອງປະຊຸມລະດັບຜູ້ບໍລິຫານ ຂອງໜ່ວຍງານວິຊາການ ຂະແໜງການສຶກສາ

ກະຊວງສຶກສາທິການ ແລະ ກິລາ ໄດ້ຈັດກອງປະຊຸມຜູ້ບໍລິຫານລະດັບສູງ ຂອງໜ່ວຍງານວິຊາການ ຂະແໜງການສຶກສາ ໃນວັນທີ 14 ພະຈິກ 2018, ເພື່ອປຶກສາຫາລື, ແລກປ່ຽນຄຳຄິດຄຳເຫັນ ແລະ ຮັບຮອງເອົາບົດການປະເມີນເຄິ່ງສະໄໝ ຂອງການຈັດຕັ້ງປະຕິບັດ ແຜນພັດທະນາການສຶກສາ ແລະ ກິລາ ສົກປີ 2016-2020, ພ້ອມທົບທວນບັນດາ ຜົນສຳເລັດທີ່ພົ້ນເດັ່ນ, ບັນຫາ ແລະ ສິ່ງທ້າທາຍ ທັງໃຫ້ຂໍ້ແນະນຳ ສືບຕໍ່ຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ໄລຍະສອງປີເຄິ່ງ ແຕ່ນີ້ຮອດປີ 2020, ໂດຍສະເພາະ ແມ່ນສຸມໃສ່ຈັດຕັ້ງປະຕິບັດ 5 ນະໂຍບາຍ ແລະ 11 ຜົນໄດ້ຮັບລະດັບສູງ ໃຫ້ສຳເລັດຕາມຄາດໝາຍທີ່ວາງໄວ້, ໂດຍມີ ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

​ໂອກາດ​ດັ່ງ​ກ່າວ, ທ່ານ ນາງ ແສງເດືອນ ຫລ້າຈັນທະບູນ ​ໄດ້​ຍົກ​ໃຫ້​ເຫັນ​ຄວາມ​ສຳຄັນ ​ຂອງ​ການ​ປະ​ເມີນ​ກາງ​ສະ​ໄໝ, ​ໂດຍ​ເຫັນ​ໄດ້​ເຖິງຜົນ​ສຳ​ເລັດ ​ແລະ ສິ່ງ​ທ້າ​ທາຍ ​ໃນ​ການຈັດ​ຕັ້ງ​ປະຕິບັດ​ບັນ ດາ​ນະ​ໂຍບາຍ, ຍຸດ​ທະ​ສາດ ​ແລະ ​ແຜນ​ທີ່​ເປັນ​ບຸລິ​ມະ​ສິດ ຂອງ​ແຜນ​ພັດທະນາ​ການ​ສຶກສາ ​ຂອງ​ແຕ່​ລະ​ຂະ​ແໜງ​ ການ​ຍ່ອຍ​ໃນ​ໄລຍະ​ຜ່ານມາ ເຊິ່ງໃນບົດລາຍງານ ຂອງການປະເມີນ ກາງສະໄໝ ໄດ້ສະ ແດງໃຫ້ເຫັນເຖິງຜົນສຳເລັດທີ່ພົ້ນເດັ່ນ ຂອງບັນດາເປົ້າໝາຍຕ່າງໆ, ບົດປະເມີນກາງສະໄໝ ຍັງໄດ້ໃຫ້ຮູ້ເຖິງຄວາມສຳຄັນ ຂອງລະບົບການຈັດການ ຂໍ້ມູນຂ່າວສານ, ເຊິ່ງຈະຊ່ວຍພັດທະນາ ລະບົບຖານຂໍ້ມູນທີ່ຈຳເປັນ ທີ່ໄດ້ຮັບຈາກການສຳຫລວດຕົວຊີ້ວັດທາງສັງຄົມ ແລະ ອື່ນໆ.

ໂອກາດ​ດຽວ​ກັນນີ້, ທ່ານ ຈ່ອງ ​ເບີ​ນາລ ຄາຣາສ​ໂກ ​ເອກ​ອັກຄະ​ລັ​ດ​ຖະທູດ​ ອົດ​ສະຕຣາລີ ປະ ຈຳ ສປປ ລາວ ກ່າວ​ວ່າ: ການຈັ​ດຕັ້ງ​​ແຜນ​ພັດທະນາ​ຂະ​ແໜງ​ການ​ສຶກສາ ​ແລະ ກິ​ລາ ​ໃນ​ໄລຍະ​ຜ່ານ​ມາ ມີ​ຄວາມ​ຄືບ​ໜ້າ​ຢ່າງ​ໃຫຍ່​ຫລວງ, ​ແຕ່​​ເຖິງ​ຢ່າງ​ໃດກໍ່ຕາມ ຄວາມ​ແຕກ​ໂຕນ, ຜົນ​ການ​ຮຽນ, ການ​ບັນຈຸ ​ແລະ ສັບ​ຊ້ອນ​ຄູ ຍັງ​ເປັນ​ບັນຫາ ​ແລະ ສິ່ງ​ທ້າ​ທາ​ຍ ທີ່​ສະຫລັບ​ສັບ​ຊ້ອນ. ​ເພື່ອ​ແກ້​ໄຂ​ບັນ ຫາ​ດັ່ງກ່າວນັ້ນ, ຮຽກຮ້ອງ​ໃຫ້ມີ​ພັນ​ທະ​ຈາກ ​ຫລາ​ຍພາກ​ສ່ວນ ບໍ່​ພຽງ​ແຕ່​ຈາກ​ກະຊວງ​ສຶກສາ​ທິການ ແລະ ກິລາ ​ເທົ່າ​ນັ້ນ, ​ແຕ່​ລວມທັງ​ລັດຖະບານ ​ແລະ ບັນ​ດາ​ຄູ່​ຮ່ວມ​ພັດທະນາ​ຕ່າງໆ​ ຕື່ມ​ອີກ.

 

ແຫຼ່ງຂ່າວ: ຂ່າວສານປະເທດລາວ

 

Leave a Reply

Your email address will not be published. Required fields are marked *

Facebook