ເຈນ​ນີ້ Black Pink ​ໃສ່​ຊຸດ​ 100 ກວ່າ​ລ້ານ​ກີບ​ ​​ຖ່າຍ​ທີ​ເຊີ​ເດ​ບິ​ວດ່ຽວ

ບໍ່​ຕ້ອງ​ປ່ອຍ​ໃຫ້​ນານຈົນ​ເກີນ​ໄປ ຫຼັງ​ຈາກ​ທີ່ BLACKPINK ​ເກີ​ກຣຸ​ບອັນ​ດັບ​ຕົ້ນໆ​ຂອງ K-POP ​ໃນ​ເວລາ​ນີ້​ປະກອບ​ດ້ວຍ ​ເຈນ​ນີ້, ລີ​ຊ່າ, ຈີ​ຊູ ​ແລະ ​ໂຣຊ່າ ປະສົບ​ຄວາມ​ສໍາ​ເລັດ​ໃນ​ການ​​ໂປຣ​ໂໝດ​ແບບ​ກຸ່ມ​ໄປ​ແລ້ວ​. ຫຼ້າ​ສຸດ ​ເຈນ​ນີ່ ຄິມ ໜຶ່ງ​ໃນ​ສະ​ມາ​ຊິກ​ວົງປ່ອຍ ທີ​ເຊີ ​ເດ​ບິ​ວດ່ຽວ ຄັ້ງ​ທໍາ​ອິດ, ​ເຊິ່ງຈະ​ປ່ອຍ​ຊິງ​ເກິ​ນ ​ແລະ ມິ​ວສິກ​ວີ​ດີ​ໂອ​ໂຕ​ເຕັມ​ໃຫ້​ໄດ້​ເບິ່ງ​ກັນ​ໃນ​ວັນ​ທີ 12 ພະຈິກ 2018 ນີ້.

​ຢ່າ​ງທີ່​ສາວົກ K-Pop ຮູ້​ກັນ​ດີ​ ວ່າ​ສິລະ​ປິນ​ໃຕ້​ສັງກັດ YG Entertainment ນັ້ນ ​ເລື່ອ​ງ​ແຟຊັນ​ຕ້ອງ​ບໍ່​ໃຫ້​ຍອມ​ໃຜ ​ເພາະ​ນອກ​ຈາ​ກຜົນງານ​ເພງ​ແລ້ວ ຮູບແບບການ​ແຕ່ງ​ໂຕ ​ແລະ ພາບ​ລັກ​ຂອງ​ສິລະ​ປິນຄ້າຍ​ນີ້ ຕ້ອງ​ສໍາຄັນ​ມາ​ເປັນອັນ​ດັບ 1 ​ແລະ ​ເພາະ​​ແບບ​ທີ່​ຖືກ​ຄ້າຍ​ປັ້ນ​ມາ​ເປັນ​ຢ່າ​ງດີ ​ເຮັດ​ໃຫ້​ແບຣນ​ເນມຕ່າງ​ແລ່ນ​ເຂົ້າ​ຫາ​ສິລະ​ປິນ​ເປັນ​ເລື່ອງ​ປົກກະຕິ.

ຢ່າງ​ຮູບ​ທີ​ເຊີ​ໂປຣ​ໂໝດ​ເດ​ບິ​ວດ່ຽວ ຂອງ​ສາວ​ເຈນ​ນີ່​ທີ່​ປ່ອຍ​ອອກ​ມາ ​ເມື່ອຊາວ​ເນັກດ​ແດນ​ກິມຈິ​ໄດ້​ຮູ້​ລາຄາ​ເຖິງ​ກັບ​ຕະລຶງ ​ເພາະ​ຊຸດ​ເດຣ​ສລາຍ​ດອກ ທີ່​ເຈນ​ນີ້ໃສ່​ຢູ່​ນັ້ນ ​ເປັນ​ຂອງ Off-White ​ແບຣນ​ໄຮ​ສະຕຣີດ ​ແຟຊັນ ພາຍ​ໃຕ້​ການ​ດູ​ແລ​ຂອງ​ຄຣີ​ເອທີ​ຟ​ໄດ​ເຣັກ​ເຕີ ທີ່​ຫາ​ຕົວ​ຈັບ​ຍາກ​ສຸດໆ​ໃນ​ຕອນ​ນີ້ ​ເປັນ​ຕົ້ນ​ແມ່ນ Virgil Abloh, ​ເຊິ່ງ​ໂຕ​ນີ້​ລາຄາ​ຢູ່​ທີ່ 11,595 ​ໂດ​ລາ​ສະຫະລັດ ຫຼື 100 ກວ່າລ້ານ​ກີບ (ຫຼື​ ອາດ​ຈະ​ຫຼາຍ​ກວ່າ).

ທັງ​ຍັງ​ຄອມ​ພລີດ​ລຸກ​ດ້ວຍ​ໄອ​ເທ​ມສຸດ​ອິນ​ເທຣນຢ່າ​ງ​ເກີບ​ສົ້ນ​ສູງ PVC ​ໃສ ຈາກ Yeezy ລາຄາ 713 ​ໂດ​ລາ​ສະຫະ​ລັດ ຫຼື ​6 ລ້ານ​ກວ່າ​ກີບ.

 

 

 

Leave a Reply

Your email address will not be published. Required fields are marked *

Facebook