ໄຟຟ້າ ຫົງສາ ສະໜັບສະໜູນ ເສື້ອສີພາຍ ແລະ ສົມທົບທຶນເງິນລາງວັນ ບຸນຊ່ວງເຮືອ ເມືອງເງິນ ແຂວງໄຊຍະບູລີ

ຝ່າຍສື່ສານອົງກອນ ບໍລິສັດ ໄຟຟ້າ ຫົງສາ ຈຳກັດ ໄດ້ມອບເສື້ອສີພາຍ ແລະ ສົມທົບເງິນລາງວັນ ເນື່ອງໃນໂອກາດງານປະເພນີ ບຸນຊ່ວງເຮືອ ເມືອງເງິນ ປະຈໍາປີ 2018 ທີ່ຈະຈັດຂຶ້ນໃນລະຫວ່າງວັນທີ 18-19 ພະຈິກ 2018 ໂດຍໃນການມອບເສື້ອສີພາຍ ແລະ ສົບທົບເງິນລາງວັນດັ່ງກ່າວ ບໍລິສັດ ໄຟຟ້າຫົງສາ ຈຳກັດ ເປັນຜູ້ໃຫ້ສະໜັບສະໜູນງົບປະມານ ເພື່ອມອບໃຫ້ສີພາຍຂອງແຕ່ລະບ້ານພາຍໃນເມືອງເງິນ ຈຳນວນທັງໝົດ 10 ບ້ານ ລວມເປັນມູນຄ່າທັງໝົດ 42 ລ້ານ ກີບ.

ພິທີມອບ-ຮັບ ຈັດຊຶ້ນໃນວັນທີ 8 ພະຈິກ 2018 ທີ່ ຫ້ອງການປົກຄອງເມືອງເງິນ ໃຫ້ກຽດເປັນປະທານໃນພິທີ ແລະ ກ່າວຮັບໂດຍ ທ່ານ ສອນສຸກ ພວງແກ້ວ ຮອງເຈົ້າເມືອງ ເມືອງເງິນ ແລະ ມອບໂດຍ ທ່ານ ນາງ ອໍລະໄທ ເຂມະບຸນກຸນ ຜູ້ຈັດການພະແນກອົງກອນສຳພັນຝ່າຍສື່ສານອົງກອນ ເປັນຕົວແທນຈາກ ບໍລິສັດ ໄຟຟ້າຫົງສາ ຈຳກັດ ເປັນຜູ້ມອບພາຍໃນງານມີເຈົ້າໜ້າທີ່ພາກລັດທີ່ກ່ຽວຂ້ອງ, ນາຍບ້ານຈາກ 10 ບ້ານ ພ້ອມດ້ວຍພະນັກງານ ບໍລິສັດ ໄຟຟ້າຫົງສາ ຈຳກັດ ເຂົ້າຮ່ວມ.

 

 

ຂໍ້​ມູນ: ຂປລ

Leave a Reply

Your email address will not be published. Required fields are marked *

Facebook