ຢູ 23 ລາວ ຮ່ວມສາຍ ເຈ ຄັດບານເຕະຊາຍຊີງແຊັມອາຊີ 2020 ງານໜັກພົບ ສປ ຈີນ

ສະຫະພັນບານເຕະອາຊີ ( ເອເອັຟຊີ ) ຈັດພິທີຈັບສະຫຼາກແບ່ງສາຍການແຂ່ງຂັນບານເຕະຊາຍຊີງແຊັມອາຊີ 2020 ຮອບຄັດເລືອກ ອອກມາຢ່າງເປັນທາງການ ປະກົດວ່າທີມຊາດລາວ ຢູ່ກຸ່ມ J ຮ່ວມກັບ: ສປ ຈີນ, ມາເລເຊຍ ແລະ ຟີລິບປິນ ເຊິ່ງຮອບຄັດເລືອກກຸ່ມນີ້ແມ່ນມາເລເຊຍ ເປັນເຈົ້າພາບລະຫວ່າງວັນທີ 22 – 26 ມີນາ 2019. ຜົນການຈັບສະຫຼາກແບ່ງສາຍໃນຮອບຄັດເລືອກແບ່ງອອກເປັນພາກພື້ນຕາເວັນອອກ 6 ກຸ່ມ ດັ່ງນີ້: – ກຸ່ມ A: ກາຕາ, ໂອມານ, ເນປານ ແລະ ອັຟການິດສະຖານ. – ກຸ່ມ B: ບາເຣນ, ປາແລັສຕິນ, ບັງກລາເທດ ແລະ ສີລັງກາ. – ກຸ່ມ C: ອີຣານ, ອີຣັກ, ຕວກເມນິດສະຖານ ແລະ ເຢເມນ. – ກຸ່ມ D: ຊາອຸດິດ ອາຣັບບີ, ສະຫະລັດອາຣັບເອເມເຣັດ, ລີບັງ ແລະ ມານດິວ. – ກຸ່ມ E: ຄູເວດ, ຈໍແດນ, ຊີເລ ແລະ ຕີກິດສະຖານ. – ກຸ່ມ F: ອຸດສະເບກິດສະຖານ ( ແຊັມເກົ່າ ), ຕັດຈິກິດສະຖານ, ອິນເດຍ ແລະ ປາກິດສະຖານ. ສ່ວນສາຍໃນພາກພື້ນຕາເວັນຕົກ ແບ່ງເປັນ 5 ກຸ່ມ ດັ່ງນີ້: – ກຸ່ມ G: ມົງໂກລີ, ສປປ ເກົາຫຼີ, ຮົງກົງ ແລະ ສິງກະໂປ. – ກຸ່ມ H: ກໍາປູເຈຍ, ສ.ເກົາຫຼີ, ອົດສະ ຕຣາລີ ແລະ ໄຕ້ຫວັນ. – ກຸ່ມ I: ມຽນມາ, ຍີ່ປຸ່ນ, ຕີມໍ ເລັສເຕ ແລະ ມາເກົາ. – ກຸ່ມ J: ມາເລເຊຍ, ສປ ຈີນ, ລາວ ແລະ ຟີລິບປິນ. – ກຸ່ມ K: ຫວຽດນາມ ( ຮອງແຊັມເກົ່າ ), ໄທ, ອິນໂດເນເຊຍ ແລະ ບຣູໄນ. ສໍາລັບໃນຮອບຄັດເລືອກທີມທີ່ໄດ້ຂຶ້ນຊື່ທໍາອິດຂອງກຸ່ມຈະເປັນເຈົ້າພາບຈັດການແຂ່ງຂັນແຕ່ລະສາຍ ໂດຍລາຍການແຂ່ງຂັນຂອງ ຢູ 23 ລາວ ມີດັ່ງນີ້: ນັດທໍາອິດພົບ ສປ ຈີນ ໃນວັນທີ 22 ມີນາ 2019, ນັດທີ 2 ພົບ ມາເລເຊຍ ໃນວັນທີ 24 ມີນາ 2019 ແລະ ນັດທີ 3 ພົບ ຟີລິບປິນ ໃນວັນທີ 26 ມີນາ 2019, ສ່ວນເວລາການແຂ່ງຂັນແມ່ນຍັງບໍ່ທັນໄດ້ກໍານົດເທື່ອ. ຂະນະທີ່ຮອບສຸດທ້າຍຈະໄປແຂ່ງຂັນທີ່ປະເທດໄທ ໃນລະຫວ່າງເດືອນມັງກອນ 2020 ເພື່ອຄັດເລືອກເອົາຕົວແທນຈາກພາກພື້ນອາຊີ 3 ທີມໄປຫຼິ້ນໃນງານມະຫະກໍາກີລາ ໂອແລັມປິກ ທີ່ນະຄອນຫຼວງໂຕກຽວ ປະເທດຍີ່ປຸ່ນ ໃນປີ 2020 ຕໍ່ໄປ.

 

 

ຂໍ້ມູນມາຈາກ : ເສດຖະກິດການຄ້າ

Leave a Reply

Your email address will not be published. Required fields are marked *

Facebook