ເຊວຊີ-ອາຣເຊນໍລ ຜ່ານເຂົ້າຮອບ 32 ທິມ! ຮ່ວມກັບອີກ 5 ທິມ!! ຫລັງຈົບນັດທີ 4 ຢູໂຣປ້າລີກຄືນຜ່ານມາ

ການແຂ່ງຂັນເຕະບານ ຢູຟ້າ ຢູໂຣປ້າລີກ ລະດູການ 2018-19 ຮອບແບ່ງກຸ່ມ ນັດທີ 4 ຈົບໃນຄືນຜ່ານມາຄົບ 12 ກຸ່ມ 48 ທິມ! ປະກົດວ່າ: ມີ 7 ທິມຜ່ານເຂົ້າຮອບ 32 ທິມສຸດທ້າຍແນ່ນອນແລ້ວຄື: ເຊວຊີ ຕົວເຕັງ ວານນີ້ບຸກຊະນະ ບາເຕ້ ໂບຣີຊັອຟ ຈາກເບລາຣຸສ 1-0 ຈາກປະຕູໂທນຂອງ ໂອລີວີເຢ້ ຊີຣູ ນາທີ 53′ ຍິງປະຕູທຳອິດໃນຮອບ 18 ນັດຫລັງສຸດລວມທຸກລາຍການ ເຊວຊີຊະນະ 4 ນັດລວດໃນກຸ່ມ L.

ຂະນະທີ່ ອາຣເຊນໍລ ອີກໜິ່ງຕົວເຕັງຈາກອັງກິດກໍ່ຜ່ານໄດ້ ເຖິງວ່າຈະເປີດບ້ານສະເໝີກັບ ສະປ໋ອດຕິ້ງ ລິສບ໋ອນ ຈາກປອກຕຸຍການ (ໂປຕູເກດ) 0-0 ແຕ່ພຽງພໍຕໍ່ການເຂົ້າຮອບ ມີ 10 ຄະແນນຈາກ 4 ນັດ. ອີກ 5 ທິມທີ່ຢືນຢັນຜ່ານເຂົ້າຮອບ 32 ທິມແນ່ນອນແລ້ວປະກອບມີ: ໄບເອີ ເລເວີຄູເຊັນ (ເຢຍລະມັນ), ຊູຣິກ (ສະວິດ), ດີນາໂມຊາເກັບ (ໂຄຣເອເຊຍ), ລາຊີໂອ (ອີຕາລີ) ແລະ ໄອແທັກແຟັງເຟີດ (ເຢຍລະມັນ).

ສ່ວນທີ່ເຫລືອຕ້ອງລຸ້ນອີກ 2 ນັດສຸດທ້າຍ ໂດຍຮອບແບ່ງກຸ່ມນັດທີ 5 ຈະກັບມາແຂ່ງຂັນໃນວັນທີ 29 ພະຈິກ 2018. ສຳລັບດາວຍິງສູງສຸດຜ່ານໄປ 4 ນັດ ມົວເນັສ ດາບູຣ (Moanes Dabour) ຈາກຊາວບວກ ຍິງ 5 ປະຕູ, 3 ປະຕູມີ 5 ຄົນ ເປັນຕົ້ນ: ຣູເບັນ ລັອຟຕັສຊິກ ຈາກເຊວຊີ, ແພັດທຣິກ ຊູໂຕເນ້ ຈາກເອຊີມິລານ ແລະ ຄາຍ ຮາວເວີດ ຈາກເລເວີຄູເຊັນ.

 

 

ຂໍ້ມູນມາຈາກ : ສະປອດອັບເດດ

 

Leave a Reply

Your email address will not be published. Required fields are marked *

Facebook