ຕ້ານບໍ່ໄຫວ! ທິມຊາດລາວປະລາໄຊໃຫ້ທິມຊາດຫວຽດນາມ ນັດທຳອິດ AFF Suzuki Cup 2018

ສິ້ນສຸດລົງຫວ່າງກີ້ນີ້ ການແຂ່ງຂັນເຕະບານຊາຍຊິງແຊ້ມອາຊຽນ ຫລື AFF Suzuki Cup 2018 ຮອບແບ່ງກຸ່ມ ນັດທີ 1 ຂອງກຸ່ມ A ທິມຊາດລາວ ເປີດສະໜາມກີລາແຫ່ງຊາດ ຫລັກ 16 ຕ້ອນຮັບຕົວເຕັງແຊ້ມ ທິມຊາດຫວຽດນາມ ແຊ້ມ 1 ສະໄຫມ ປີ 2008.

ປະກົດວ່າເກມຈົບລົງຕາມຄາດໝາຍ ທິມຊາດລາວເສຍໃຫ້ທິມຊາດຫວຽດນາມ 0-3 ຈາກ 3 ນັກເຕະຊື່ດັງຂອງຫວຽດນາມ ຫງຽວນ ກົງເຟືອງ ນາທີ 11′ ຫວງຽນ ແອັງດຶກ ນາທີ 45+2′ ແລະ ຫວງຽນ ກວາງ ຮ໊າຍ ນາທີ 68′.

ທິມຊາດລາວປະລາໄຊໃຫ້ທິມຊາດຫວຽດນາມ ເປັນນັດທີ 10 ຕິດຕໍ່ກັນ! ໂດຍສະເພາະ 7 ນັດຫລັງສຸດບໍ່ສາມາດຍິງປະຕູທິມຊາດຫວຽດນາມບໍ່ໄດ້ເລີຍ ເສຍເຖິງ 37 ປະຕູ. ຜົນອີກໜຶ່ງຄູ່ໃນກຸ່ມດຽວກັນ ທິມຊາດກຳປູເຈຍ ເປີດບ້ານເສຍໃຫ້ທິມຊາດມາເຊຍ 0-1 ຈາກ ນໍຊາຣຸນ ນາທີ 30′.

ນັດທີ 2 ທິມຊາດລາວຈະໄປຢາມທິມຊາດມາເລເຊຍ ຢູ່ນະຄອນຫລວງກົວລາລຳເປີ ໃນວັນທີ 12 ພະຈິກນີ້ ຂະນະທີ່ທິມຊາດຫວຽດນາມ ຈະເປີດບ້ານຕ້ອນຮັບ ມາເລເຊຍ ໃນວັນທີ 16 ພະຈິກ 2018.

 

 

ຂໍ້ມູນມາຈາກ : ສະປອດອັບເດດ

 

Leave a Reply

Your email address will not be published. Required fields are marked *

Facebook