ຮ່ວມລົງນາມພັດທະນາໂຄງການທົດລອງ ເຂື່ອນໄຟຟ້າແບບດິຈິຕອລ ໃນລາວ

ໃນວັນທີ 8 ພະຈິກ 2018 ບໍລິສັດ GE ຈາກສະຫະລັດອາເມຣິກາ ໄດ້ລົງນາມເຊັນບົດບັນທຶກຄວາມເຂົ້າໃຈກັບ ບໍລິສັດ ຜະລິດ – ໄຟຟ້າລາວ ມະຫາຊົນ ( EDL-Gen ) ໃນການຈະເປັນເຈົ້າພາບຈັດກອງປະຊຸມອຸດສາຫະກໍາດິຈິຕອລໃຫ້ບັນດາເຈົ້າໜ້າທີ່ພະລັງງານ ແລະ ເສີມຂະຫຍາຍພັດທະນາໂຄງລ່າງພື້ນຖານດ້ານພະລັງງານໃນ ສປປ ລາວ, ເປັນກຽດເຂົ້າຮ່ວມເປັນສັກຂີພິຍານໃນພິທີເຊັນສັນຍາ ໂດຍ ທ່ານ ນາງ ຣີນາ ບິດເຕີ ເອກອັກຄະລັດຖະທູດຈາກສະຫະລັດອາເມຣິກາ ປະຈຳລາວ, ທ່ານ ດຣ. ດາວວົງ ພອນແກ້ວ ຫົວໜ້າຫ້ອງການກະຊວງພະລັງງານ ແລະ ບໍ່ແຮ່ ແລະ ທ່ານ Wouter Van Wersch ປະທານ ແລະ ຜູ້ອຳນວຍການໃຫຍ່ຂອງ GE Asia Pacific.

ພາຍໃຕ້ບົດບັນທຶກຄວາມເຂົ້າໃຈ ຫຼື MOU ບໍລິສັດ GE ຈະໄດ້ເປັນເຈົ້າພາບຈັດກອງປະຊຸມ ອຸດສາຫະກໍາດິຈິຕອລຮ່ວມກັບພະນັກ ງານຂອງ EDL-Gen ກ່ອນທີ່ຈະດໍາເນີນການປະເມີນທາງດ້ານເຕັກນິກຂອງໂຄງການພັດທະນາໄຟຟ້ານໍ້າຕົກ     EDL-Gen ເພື່ອເປັນການວາງໂຄງລ່າງພື້ນຖານສໍາລັບໂຄງການທົດລອງ Asset Performance Management ( APM ) ເຊິ່ງເປົ້າໝາຍໂຄງ ການທົດລອງ APM ແມ່ນການວິເຄາະ ແລະ ຄາດເດົາດ້ານປະສິດທິພາບຂອງອຸປະກອນຜະລິດພະລັງງານໄຟຟ້າ ແລະ ການບຳລຸງ ຮັກສາ ຖ້າຫາກປະສົບຜົນສຳເລັດ ໂຄງການທົດລອງຈະໄດ້ຮັບການຂະຫຍາຍອອກໄປ 9 ເຂື່ອນໄຟຟ້າເພີ່ມຕື່ມໃນ ສປປ ລາວ.

ທ່ານ ຣີນາ ບິດເຕີ ເອກອັກຄະລັດຖະທູດອາເມຣິກາ ປະຈຳລາວ ກ່າວໃນພິທີວ່າ: ບໍລິສັດຈາກສະຫະລັດອາເມຣິກາ ເຊັ່ນ GE ເຊິ່ງເປັນຜູ້ນໍາດ້ານພະລັງງານໂລກໃນການພັດທະນາແຫຼ່ງພະລັງງານແບບຍືນຍົງ ແລະ ສປປ ລາວ ສາມາດໄດ້ຮັບຜົນປະໂຫຍດ ຈາກການຮ່ວມມືກັບບັນດາບໍລິສັດແຖວໜ້າຈາກສະຫະລັດເພື່ອສືບຕໍໍ່ບັນລຸເປົ້າໝາຍການພັດທະນາໃນໄລຍະຍາວຂອງປະເທດ. ບໍລິສັດ GE ຍັງໄດ້ໃຫ້ການຮ່ວມມືກັບປະຊາຊົນເປັນຢ່າງດີໃນການປະກອບສ່ວນລົງທຶນໃຫ້ກັບຊຸມຊົນ ລວມທັງການພັດທະນາບຸກ ຄະລາກອນ.

ທ່ານ Wouter Van Wersch ປະທານ ແລະ ຜູ້ອຳນວຍການໃຫຍ່ຂອງ GE Asia Pacific ກ່າວໃນພິທີ MOU ວ່າ: ນີ້ແມ່ນການຮ່ວມ ມືທີ່ໜ້າສົນໃຈຮ່ວມກັບ EDL-Gen ຍ້ອນພວກເຮົາສັງເກດເຫັນວ່າຕະຫຼາດອື່ນໆທີ່ໄດ້ຮັບການປັບປຸງ ແລະ ຍົກລະດັບໂຄງສ້າງ ການຜະລິດພະລັງງານ ກໍ່ໄດ້ສົ່ງຜົນກະທົບອັນດີໃຫ້ແກ່ບັນດາພາກສ່ວນທີ່ກ່ຽວຂ້ອງ.

ພະລັງງານໄຟຟ້າ ກວມເອົາຫຼາຍ ກວ່າເຄິ່ງໜຶ່ງຂອງການຜະລິດພະລັງງານຂອງ ສປປ ລາວ. GE ກໍາລັງປະຕິບັດໜ້າທີ່ເພື່ອສະ ໜັບສະໜູນຄວາມພະຍາຍາມຂອງ ສປປ ລາວ ໃຫ້ບັນລຸເປົ້າໝາຍດ້ານພະລັງງານທີ່ທັນສະໄໝ ແລະ ຄົ້ນຄວ້າຊອກຫາໂອກາດ ຕ່າງໆໃນຂະແໜງພະລັງງານແສງຕາເວັນ ແລະ ພະລັງງານລົມ, ພະລັງງານທົດແທນຂອງ GE ໄດ້ສົ່ງເສີມການພັດທະນາ ແລະ ການຍົກລະດັບຂອງເຄືອຂ່າຍພະລັງງານໃນທົ່ວໂລກ ໂດຍການສ້າງລະບົບເຊື່ອມຕໍ່ລະບົບເຕັກໂນໂລຊີດິຈິຕອລ ແລະ ລະບົບຕ່ອງ ໂສ້ທີ່ສາມາດສ້າງມູນຄ່າພະລັງງານທັງໝົດຈາກການຜະລິດ ແລະ ການແຜ່ກະຈາຍເຖິງຈຸດສູງສຸດຂອງການໃຊ້ໄຟຟ້າ.

 

 

Leave a Reply

Your email address will not be published. Required fields are marked *

Facebook