ກະຊວງ ອຄ ປະກາດປັບລາຄານ້ຳມັນເຊື້ອໄຟລົງ

ກະຊວງອຸດສາຫະກຳ ແລະ ການຄ້າ ( ອຄ ) ໄດ້ປັບລາຄາຂາຍຍ່ອຍນໍ້າມັນເຊື້ອໄຟ ໂດຍສະເພາະ ແອັດຊັງພິເສດ ແລະ ແອັດຊັງທຳມະດາ ລົງ 200 ກີບຕໍ່ລິດ. ສ່ວນນ້ຳມັນກາຊວນ ແມ່ນປັບລົງ 100 ກີບຕໍ່ລິດ ເລີ່ມຈັດຕັ້ງປະຕິບັດໃນມື້ ນີ້.

ອີງຕາມແຈ້ງການຂອງກະຊວງອຸດສາຫະກຳ ແລະ ການຄ້າ ສະບັບເລກທີ 1540/ອຄ.ກຄພນ, ລົງວັນທີ 8 ເມສາ 2018 ເລື່ອງ: ແຈ້ງລາຄາຂາຍຍ່ອຍນ້ຳມັນເຊື້ອໄຟໃນຂອບເຂດທົ່ວປະເທດ.

ກະຊວງອຸດສາຫະກຳ ແລະ ການຄ້າ ຂໍແຈ້ງມາຍັງສະມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນ້ຳມັນເຊື້ອໄຟ ແລະ ປ້ຳຂາຍຍ່ອຍນ້ຳມັນເຊື້ອໄຟໃຫ້ປັບລາຄາຂາຍຍ່ອຍນ້ຳມັນເຊື້ອໄຟເຂດເທສະບານແຂວງ, ນະຄອນຫຼວງ ດັ່ງນີ້:

 

 

ລາຄາໃໝ່ນີ້ໃຫ້ເລີ່ມປະຕິບັດແຕ່ວັນທີ 9 ພະຈິກ 2018 ເວລາ 6:00 ໂມງ ໃນຂອບເຂດທົ່ວປະເທດ, ການປັບລາຄານ້ຳມັນໃນຄັ້ງນີ້ແມ່ນໄດ້ປັບລາຄານ້ຳມັນແອັດຊັງພິເສດ ລົງ 200 ກີບ, ນ້ຳມັນແອັດຊັງທຳມະດາ ລົງ 200 ກີບ ແລະ ນ້ຳມັນກາຊວນ ລົງ 100 ກີບຕໍ່ລິດ, ໃຫ້ບັນດາບໍລິສັດນ້ຳມັນເຊື້ອໄຟປະຕິບັດຕາມເນື້ອໃນຂ້າງເທິງນີ້ຢ່າງເຂັ້ມງວດ ແລະ ຄຸ້ມຄອງປ້ຳຂາຍຍ່ອຍຂອງຕົນໃຫ້ບໍລິການຢ່າງເປັນປົກກະຕິ.

[ ຂ່າວ: ສົມລົດ ]

Leave a Reply

Your email address will not be published. Required fields are marked *

Facebook