ສປປ ລາວ-ສ.ຕວັກກີ ຮັດແໜ້ນການພົວພັນຮ່ວມມື

ໃນວັນທີ 8 ພະຈິກ 2018,  ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ  ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບ  ທ່ານ ເມຣຸດ ຄາວູໂຊລູ  (Mevlut Cavusoglu)  ລັດຖະມົນຕີ ຕ່າງປະເທດ  ແຫ່ງ ສາທາລະນະລັດ ຕວັກກີ ພ້ອມດ້ວຍຄະນະ, ເນື່ອງໃນໂອກາດເດີນ ທາງມາຢ້ຽມຢາມ ແລະ ເຮັດວຽກທີ່ ສປປ ລາວ  ໃນລະຫວ່າງວັນທີ 7-8 ພະຈິກ 2018.

ໃນໂອກາດດັ່ງກ່າວ,ທ່ານ ທອງລຸນ ສີສຸລິດ ນາຍົກລັດຖະມົນຕີ  ກໍໄດ້ສະແດງຄວາມຍິນດີຕ້ອນຮັບ,  ຊົມເຊີຍ ແລະ ຕີລາຄາສູງ ຕໍ່ ທ່ານເມຣຸດ ຄາວູໂຊລູ  ທີ່ໄດ້ນຳພາຄະນະເດີນທາງມາຢ້ຽມຢາມ ແລະ ເຮັດວຽກໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນ ເຂົ້າໃນການຮັດແໜ້ນ ການພົວພັນຮ່ວມມື, ໂດຍສະເພາະ ວຽກງານການຄ້າ, ການລົງທຶນຂອງສອງປະເທດ ລາວ-ຕວັກກີ ໃຫ້ໄດ້ຮັບການພັດທະນາ ແຕກດອກອອກຜົນຍິ່ງໆຂຶ້ນ  ແລະ ສືບຕໍ່ໃຫ້ການສະໜັບສະໜູນຊ່ວຍເຫລືອ ເຊິ່ງກັນ ແລະ ກັນ ໃນທຸກຂົງເຂດວຽກງານ.

ໂອກາດດຽວກັນນີ້, ທ່ານເມຣຸດ ຄາວູໂຊລູ ກໍໄດ້ສະແດງຄວາມຂອບໃຈຕໍ່ ທ່ານ ທອງລຸນ ສີສຸລິດ ທີ່ໄດ້ສະຫລະເວລາອັນມີຄ່າ ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງ ຂອງການເດີນທາງມາຢ້ຽມຢາມ ສປປ ລາວ ໃນຄັ້ງນີ້ ໃຫ້ທ່ານນາຍົກ ລັດຖະມົນຕີ ຮັບຊາບຕື່ມອີກ.

 

Leave a Reply

Your email address will not be published. Required fields are marked *

Facebook