ມອບ-ຮັບ ຫ້ອງຮຽນຊົ່ວຄາວ ໃຫ້ບ້ານຫ້ວຍຂຸມ ທີ່ຖືກກະທົບຈາກໂຄງການທາງລົດໄຟ

ເມື່​ອບໍ່​ດົນ​ມາ​ນີ້, ​ກຸ່ມບໍລິສັດວິສາວະກຳທາງລົດໄຟແຫ່ງ  ສປ ຈີນ ໄດ້ຈັດພິທີມອບ-ຮັບຫ້ອງຮຽນຊົ່ວຄາວ  ໃຫ້ບ້ານຫ້ວຍຂຸມ ເມືອງໄຊ  ທີ່ຖືກຜົນກະທົບຈາກໂຄງການກໍ່ສ້າງທາງລົດໄຟລາວ-  ຈີນ ຊ່ວງຜ່ານແຂວງອຸດົມໄຊ ໂດຍມີທ່ານ  ລັດຕະນະມະນີ ຄູນນິວົງ ຮອງລັດຖະມົນຕີ  ກະຊວງໂຍທາທິການ ແລະ ຂົນສົ່ງ,  ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ  ​ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ຫ້ອງຮຽນດັ່ງກ່າວ ​ເປັນອາຄານຊັ້ນດຽວ  ສ້າງດ້ວຍເຫລັກ,  ແອ້ມດ້ວຍແປ້ນອັດ,  ມຸງສັງກະສີ, ມີຄວາມກວ້າງ 7,8 ແມັດ, ຍາວ 42 ແມັດ,  ມີ 6 ຫ້ອງຮຽນ, ລວມມູນຄ່າການກໍ່ສ້າງ 200 ລ້ານກ່ວາ ກີບ ​ແລະ ​​ໂອກາດ​ນີ້ ກຸ່ມບໍລິສັດດັ່ງກ່າວ  ຍັງໄດ້ມອບອຸປະກອນການຮຽນ-ການ​ສອນ  ແລະ ອຸປະກອນກິລາ ໃຫ້ກັບໂຮງຮຽນດັ່ງກ່າວ  ​ເພື່ອ​ປະກອບສ່ວນ​ເຂົ້າ​ໃນ​ການ​ຮຽນ​-ການ​ສອນ  ​ໃຫ້​ມີ​ຄວາມ​ສະ​ກວດ​ສະບາຍ.

 

ແຫຼ່ງຂ່າວ: ຂ່າວສານປະເທດລາວ

 

Leave a Reply

Your email address will not be published. Required fields are marked *

Facebook