ສະຖິຕິນີ້ເກີດຂຶ້ນອີກຄັ້ງໃນຮອບ 19 ປີ! ນັດແມນຢູ ບຸກຊະນະ ຢູເວັນຕຸສ! ຢູຟ້າແຊ້ມປ້ຽນລີກຄືນຜ່ານມາ!!

ເຕະບານ ຢູຟ້າແຊ້ມປ້ຽນລີກ ລະດູການ 2018-19 ຮອບແບ່ງກຸ່ມ ນັດທີ 4 ກຸ່ມ H ແມນຢູ ບຸກຊະນະ ຢູເວັນຕຸສ 2-1 ເກີດສະຖິຕິແມນຢູຍິງ 2 ປະຕູໃນ 5 ນາທີສຸດທ້າຍອີກຄັ້ງໃນຮອບ 19 ປີ ຕໍ່ຈາກປີ 1999 ນັດປະທະ ບາເຍິນ ມິວນິກ ໃນຮອບຊິງຊະນະເລີດ!

ວານນີ້ ແມນຢູ ຖືກເຈົ້າບ້ານຢູເວ້ນຳກ່ອນຈາກສິດເກົ່າຂອງແມນຢູ ຄຣິສເຕຍໂນ້ ໂຣນາວໂດ້ ນາທີ 65′ ແຕ່ຍິງແຊງ 2 ປະຕູໃນ 5 ນາທີສຸດທ້າຍຈາກ ຮ໋ວນ ມາຕ້າ ນາທີ 86′ ແລະ ອາເລັກ ຊານໂດ ກອງຫລັງຢູເວ້ ສະກັດບ້ານເຂົ້າປະຕູຕົນເອງ ນາທີ 89′ ເປັນການປະລາໄຊນັດທຳອິດໃນລະດູການນີ້.

ຢູເວນຕຸສ ເສຍໃນບ້ານເປັນນັດທຳອິດໃນຮອບ 9 ປີ ສະເພາະການແຂ່ງຂັນຢູຟ້າແຊ້ມປ້ຽນລີກ ຮອບແບ່ງກຸ່ມ ມີ 9 ຄະແນນຈາກ 4 ນັດຍັງເປັນທິມນຳຕໍ່ໄປ ແມນຢູ ທີສອງມີ 7 ຄະແນນ, ທີ 3 ບາເລັນເຊຍ ມີ 4 ຄະແນນ ແລະ ຢັງບອຍສ໌ ມີ 1 ຄະແນນ. ນັດຕໍ່ໄປ ແມນຢູ ຈະເປີດບ້ານຕ້ອນຮັບຢັງບອຍສ໌ ຢູເວ້ ຈະເປີດບ້ານພົບ ບາເລັນເຊຍ ໃນວັນທີ 27 ພະຈິກນີ້.

 

 

ຂໍ້ມູນມາຈາກ : ສະປອດອັບເດດ

Leave a Reply

Your email address will not be published. Required fields are marked *

Facebook