ສະກັດແກ້ງລັກລອບຂົນຊາວຫວຽດນາມ ເຂົ້າອັງກິດ

ຕຳຫລວດອັງກິດສະກັດຈັບລົດບັນທຸກຫ້ອງເຍັນບັນທຸກນໍ້າໂຊດາ ແລະ ກວດຄົ້ນພົບຊາວຕ່າງຊາດ 21ຄົນ ລວມເຖິງເດັກນ້ອຍ 15ຄົນ ເຊືອງຢູ່ໃນລົດ ຄາດເປັນຂະບວນການລັກລອບນຳຄົນຕ່າງດ້າວເຂົ້າປະເທດ

ສຳນັກຂ່າວບີບີຊີຂອງອັງກິດລາຍງານຈາກກຸງລອນດອນ ເມື່ອວັນທີ 7ພະຈິກວ່າ ກຸ່ມຊາວຕ່າງຊາດທັງ 21ຄົນ ປະກອບດ້ວຍເດັກ ນ້ອຍ 15ຄົນ ແລະ ຜູ້ໃຫຍ່ 6ຄົນ ເຊິ່ງເຊື່ອວ່າມາຈາກຫວຽດນາມ ຖືກພົບໂດຍຕຳຫລວດກອງກຳລັງຊາຍແດນອັງກິດ ທີ່ເມືອງທ່າ ນິວຮາເວນທາງພາກໃຕ້ຂອງອັງກິດເມື່ອວັນພະຫັດທີ່ຜ່ານມາ

ທາງການອັງກິດເຮັດການສອບສວນເປັນຄະດີອາຍາ ແລະ ຊາຍຊາວໂຣມາທີ່ເຮັດຫນ້າທີ່ຄົນຂັບລົດ ຖືກຕັ້ງຂໍ້ຫາໃຫ້ຄວາມຊ່ວຍ ເຫລືອການເດີນທາງເຂົ້າສູ່ອັງກິດໂດຍຜິດກົດຫມາຍ

ຜູ້ໃຫຍ່ 2ໃນ6 ຄົນ ຖືກສົ່ງຕົວອອກນອກອັງກິດ ສ່ວນອີກ 4ຄົນຖືກສົ່ງໄປສູນກັກກັນຜູ້ລັກລອບເຂົ້າເມືອງ ຖ້າເອກະສານ ແລະ ລວບລວມພະຍານຫລັກຖານຂອງເຈົ້າຫນ້າທີ່ ກ່ອນການດຳເນີນຄະດີ ຂະນະທີ່ເດັກອີກ 15ຄົນເຊິ່ງບໍ່ຈຳເປັນຕ້ອງມີການກວດ ຮັກສາທາງການແພດ ຖືກສົ່ງຕົວໄປໃຫ້ຢູ່ໃນຄວາມເບິ່ງແຍງຂອງສຳນັກງານສະຫວັດດີການສັງຄົມ

 

Leave a Reply

Your email address will not be published. Required fields are marked *

Facebook