Samsung ອາດນຳສະມາດໂຟນຈໍພັບໄດ້ “Galaxy F” ມາໂຊໃນງານ Developer Conference ວັນທີ “7 ພະຈິກ” ນີ້

Samsung Mobile ໄດ້ອັບເດດພາບໂປໄຟໃນເພກ Facebook ​ເຊິ່ງເປັນການອ້າງອິງເຖິງສະມາດໂຟນໜ້າຈໍພັບໄດ້ ກ່ອນທີ່ງານປະຊຸມ Samsung Developer Conference (SDC) ຈະເລີ່ມໃນວັນທີ 7 ພະຈິກ2018 ນີ້

ຈຶ່ງມີຄວາມເປັນໄປໄດ້ທີ່ Samsung ອາດນຳສະມາດໂຟນໜ້າຈໍພັບໄດ້ Galaxy F (ຊື່​ເອີ້ນຢ່າງບໍ່ເປັນທາງການ) ມາຈັດສະແດງພາຍໃນງານປະຊຸມດັ່ງກ່າວພ້ອມ

ຈາກຂ່າວລືກ່ອນໜ້ານີ້ໄດ້ລະບຸວ່າ Galaxy F ຈະມີ 2 ໜ້າຈໍນຳກັນ ຄື ໜ້າຈໍດ້ານໃນທີ່ມີຂະໜາດ 7.3 ນິ້ວ ເມື່ອພັບປິດແລ້ວຈະມີໜ້າຈໍດ້ານນອກຂະໜາດ 4.6 ນິ້ວໃຫ້ໃຊ້ງານໂດຍໂຕເຄື່ອງມີລັກສະນະຄ້າຍສະມາດໂຟນແບບຝາພັບ. ນອກຈາກນີ້ Galaxy F ຈະໄດ້ໃຊ້ UI ແລະ Android ເວີຊັນພິເສດ ທີ່ໄດ້ຮັບການພັດທະນາຮ່ວມກັບ Google ອີກພ້ອມ

ທັງນີ້ ຄາດວ່າ Galaxy F ຈະໄດ້ຮັບການເປີດໂຕຕໍ່ຢ່າງເປັນທາງການໃນ​ຊ້ວງຕົ້ນປີ 2019 ອາດເປັນພາຍໃນງານ CES (Consumer Electronics Show) ທີ່ນະຄົນລັດເວກັດ ປະເທດສະຫະຣັດອເມຣິກາ ກໍ່ເປັນໄດ້ ໂດຍຈະໄດ້ວາງຈຳໜ່າຍ​ທົ່ວໂລກ ແລະ ອາດມີລາຄາທີ່​ຂ້ອນຂ້າງສູງຫລາຍ.

 

 

 

 

ຂໍ້​ມູນ: ityarkbork

 

 

Leave a Reply

Your email address will not be published. Required fields are marked *

Facebook