ຈີນ ວິຈານຢູເອັນເລື່ອງ “ເຂດປົດຄອງຕົນເອງຊິນຈຽງອຸຍກູ”

ສໍານັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມື່ອວັນທີ່ 7 ພະຈິກ 2018 ວ່າ ທ່ານ ເລີ່ ຢູ່ເສີງ ລັດຖະມົນຕີຊ່ວຍກະຊວງການຕ່າງປະເທດຈີນ ກ່າວໃນທີ່ປະຊຸມຄະນະມົນຕີສິດທິມະນຸດຊະຍະຊົນແຫ່ງສະຫະປະຊາຊາດ (ຢູເອັນອາຣຊີ) ເມື່ອວັນອັງຄານວ່າ ລັດຖະບານປັກກິ່ງບໍ່ມີທາງຍອມຮັບ “ຂໍ້ກ່າວຫາທາງດ້ານການເມືອງ” ທີ່ມາຈາກ “ພຽງບໍ່ເທົ່າໃດປະເທດ” ຕໍ່ສະຖານະການໃນເຂດປົດຄອງຕົນເອງຊິນຈຽງອຸຍກູ ທີ່ຢູ່ທາງຕາເວັນຕົກສຽງເໜືອຂອງປະເທດ ເນື່ອງຈາກເປັນການກ່າວຫາເຊິ່ງເຕັມໄປດ້ວຍອັກຄະຕິ ແລະ ບໍ່ສອດຄ່ອງກັບຄວາມເປັນຈິງແຕ່ຢ່າງໃດ

ຂະນະດຽວກັນທ່ານເລີ່ ກ່າວວ່າກຸ່ມຊາດພັນທັງ 55 ເຊື້ອຊາດໃນຈີນໄດ້ຮັບການປະຕິບັດ “ຢ່າງເທົ່າທຽບ” ຈາກໜ່ວຍງານຂອງລັດ ແຕ່ສະຖານະການໃນຊິນຈຽງແຕກຕ່າງຈາກພູມິພາກອື່ນຫຼາຍແຫ່ງ ເພາະຍັງຄົງມີ “ຄວາມທ້າທາຍ” ຈາກຂະບວນການແບ່ງແຍກ ດິນແດນ ແລະ ກຸ່ມຫົວຮຸນແຮງໃນພື້ນທີ່ ລັດຖະບານຈຶ່ງຕ້ອງດໍາເນີນໂດຍການໃຊ້ “ມາດຕາການຂັ້ນເດັດຂາດ” ເພື່ອຮັກສາສະ ຖຽນລະພາບໃຫ້ແກ່ຊິນຈຽງ ເຊິ່ງໜຶ່ງໃນແນວທາງຄືການຈັດຕັ້ງ “ສະຖາບັນເຝິກອົບຮົມ” ທີ່ມີຫຼັກສູດ “ປັບປ່ຽນທັດສະນະຄະຕິ” ຂອງຊາວອຸຍກູ ເຂົ້າສູ່ “ສັງຄົມຍຸກໃໝ່” ແລະ ສະຖາບັນໃຊ້ຊີວິດຮ່ວມກັບຊາວຮັ່ນເຊິ່ງເປັນພົນລະເມືອງສ່ວນໃຫຍ່ຂອງປະເທດ

ດ້ານ ທ່ານ ຢາເຊັງ ຊິດິເກ ນາຍົກເທດສະມົນຕີເມືອງອຸຣຸມຊີ ເຊິ່ງເປັນເມືອງເອກຂອງເຂດປົກຄອງຕົນເອງຊິນຈຽງອຸຍກູ ກ່າວເສີມ ວ່າການຟື້ນຟູສະຖຽນລະພາບໃນຊິນຈຽງຕ້ອງແກ້ໄຂໃຫ້ເຖິງ “ຮາກເຫງົ້າຂອງບັນຫາ” ນັ້ນຄືການຈັດການເຜີຍແພ່ແນວຄິດຫົວ ຮຸນແຮງ ແລະ ສະຖານະການໃນຊິນຈຽງ “ງຽບສະຫງົບ” ຕະຫຼອດ 22 ເດືອນທີ່ຜ່ານມາ ຫຼື ນັບຕັ້ງແຕ່ການຈັດຕັ້ງສະຖາບັນດັ່ງກ່າວ ແລະຂໍຢືນຢັນວ່າບໍ່ແມ່ນ “ຄ່າຍກັກກັນ”

ທັງນີ້ການຖະແຫຼງຂອງຄະນະຜູ້ແທນຈາກລັດຖະບານປັກກິ່ງ ທີ່ແມ່ນວ່າເປັນໄປຕາມກອບຂອງຂະບວນການ “ຢູພີອາຣ” ເຊິ່ງເປັນການທົບທວນສະຖານະການສິດທິມະນຸດຊະຍະຊົນໃນປະເທດສະມາຊິກຢູເອັນ ( Universal Periodic Review-UPR ) ແຕ່ຮ່ວມດ້ວຍການສະເໜີມະຕິໂດຍສະຫະລັດ ແຄນາດາ ຮ່ວມດ້ວຍ ຍີ່ປຸ່ນ ແລະ ອີກຫຼາຍປະເທດ ເຊິ່ງຮຽກຮ້ອງໃຫ້ຈີນຊີ້ແຈງສະ ຖານະການດ້ານສັງຄົມໃນຊິນຈຽງ

 

 

Leave a Reply

Your email address will not be published. Required fields are marked *

Facebook