“ຈີນ” ອາດຈະກາຍເປັນແຫຼ່ງທ່ອງທ່ຽວຍອດນິຍົມອັນດັບ 1 ຂອງໂລກ ພາຍໃນ 12 ປີ

ສໍານັກວິໄຈດ້ານການຕະຫຼາດ Euromonitor International ຄາດການວ່າ ຈີນອາດຈະແຊງຝຣັ່ງຂື້ນມາເປັນປະເທດທີ່ເປັນຈຸດ ໝາຍປາຍທາງການທ່ອງທ່ຽວຍອດນິຍົມທີ່ສຸດໃນໂລກພາຍໃນປີ 2030

ລາຍງານຂອງ Euromonitor ທີ່ເຜີຍແພ່ໃນການປະຊຸມດ້ານອຸດສາຫະກໍາທີ່ນະຄອນລອນດອນ ເມື່ອວັນອັງຄານຜ່ານມານີ້ ຄາດວ່າ ປີນີ້ມີນັກທ່ອງທ່ຽວເດີນທາງເພີ່ມຂື້ນ 5% ທົົ່ວໂລກ ຢູ່ທີ່ຈໍານວນ 1,400 ລ້ານຄົນ ສ້າງລາຍໄດ້ຈາກການທ່ອງທ່ຽວເພີ່ມຂື້ນ ປະມານ 11 %

ລາຍງານລະບຸອີກວ່າ ພາກພື້ນເອເຊຍປາຊິຟິກຈະກາຍເປັນສູນກາງການທ່ອງທ່ຽວຂອງໂລກ ເຊິ່ງເປັນຜົນມາຈາກການຂະຫຍາຍ ຕົວຂອງຊົນຊັ້ນກາງໃນເອເຊຍ ລວມທັງນະໂຍບາຍຜ່ອນຄາຍການອອກວີຊ່າຂອງປະເທດຕ່າງໆ ໃນພາກພື້ນນີ້

ນອກຈາກນີ້ຍັງມີປັດໄຈເລື່ອງການຈັດງານຂະຫນາດໃຫຍ່ໃນເອເຊຍ ໃນຊ່ວງບໍ່ເທົ່າໃດປີນີ້ ການແຂ່ງຂັນກິລາໂອລິມປິກລະດູຮ້ອນ 2020 ທີ່ນະຄອນໂຕກຽວ ແລະ ໂອລິມປິກລະກູໜາວ 2022 ທີ່ປັກກິ່ງ

Euromonitor ລະບຸຍັງອີກວ່າ ອຸດສາຫະກໍາການທ່ອງທ່ຽວຂອງອາເມຣິກາຈະຖົດຖອຍ ເນື່ອງຈາກຜົນກະທົບຂອງຄວາມເຄັ່ງຕຶງ ທາງການຄ້າລະຫວ່າງສະຫະລັດ ກັບ ຈີນ ເຊັ່ນກັນ.

 

Leave a Reply

Your email address will not be published. Required fields are marked *

Facebook