ສ້າງແຜນກຳນົດພະນັກງານນຳພາ-ຄຸ້ມຄອງຂັ້ນສູນກາງຄຸ້ມຄອງ

ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ  ຂັ້ນສູນກາງຄຸ້ມຄອງ ຂອງຫ້ອງວ່າການ   ສຳນັກງານນາຍົກລັດຖະມົນຕີ ໄດ້ຈັດຂຶ້ນໃນວັນທີ 7  ຫາ 9 ພະຈິກ 2018,  ໂດຍການເປັນປະທານ ຂອງ ທ່ານ ເພັດ ພົມພິພັກ ລັດຖະມົນຕີ ປະຈຳສຳນັກງານນາ ຍົກລັດຖະມົນຕີ,  ພ້ອມດ້ວຍພະນັກງານ-ລັດຖະກອນ ພາຍໃນເຂົ້າຮ່ວມ.

ທ່ານ ເພັດ ພົມພິພັກ ໄດ້ໃຫ້ຮູ້ວ່າ:​  ກອງປະຊຸມທາບທາມບຸກຄະລາກອນ ເຂົ້າໃນແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງໃນຄັ້ງນີ້,  ເປັນວຽກໜຶ່ງທີ່ສຳຄັນ ເຊິ່ງເປັນພື້ນຖານຂອງວຽກພະນັກງານ  ໃນການຮັບປະກັນພະນັກງານ ໃຫ້ດຳເນີນຕາມລະບຽບແບບແຜນ  ເພື່ອຕອບສະໜອງໜ້າທີ່ການເມືອງຂອງພັກ,  ລັດ ໃນສະເພາະໜ້າ ແລະ ຍາວນານ, ເປັນການຫັນຍຸດທະສາດ ກ່ຽວກັບວຽກງານພະນັກງານເປັນອັນລະອຽດ ໃນການສ້າງໂຄງການສັງລວມພື້ນຖານ ໃຫ້ແກ່ການສ້າງ ແຜນກໍ່ສ້າງ-ບຳລຸງ, ຄາດຄະເນຊັບຊ້ອນ ແລະ ຈັດວາງພະນັກງານຢ່າງສົມເຫດສົມຜົນ.  ການສ້າງແຜນກຳນົດພະນັກງານນຳພາ-ຄຸ້ມຄອງ  ຕ້ອງຮັບປະກັນລັກ ສະນະ ເປີດກວ້າງ,  ເຄື່ອນເໜັງ, ມີຄວາມໂປ່ງໃສ,  ພາວະວິໃສຮອບດ້ານ, ຍຸຕິທໍາ ສ່ອງແສງສະພາບ ຄວາມເປັນຈິງຂອງຖັນແຖວພະນັກງານ,  ການພິຈາລະນາຄັດເລືອກເປົ້າໝາຍ  ເຂົ້າໃນແຜນກຳນົດພະນັກງານ ຕ້ອງຮັບປະ ກັນໂຄງ ປະ ກອບເພດ, ເຜົ່າ, ລັກສະນະຊັດສ່ວນ ລະ ຫວ່າງພະນັກງານຮຸ່ນກາງ ອາຍຸ 46-55 ປີ  ແລະ ຮຸ່ນໜຸ່ມ ອາຍຸ 45 ປີ ລົງມາ,  ໃນພະນັກງານຮຸ່ນໝຸ່ມ ໃຫ້ກວມອັດຕາສ່ວນຫລາຍ  ເພື່ອຮັບປະກັນລັກສະນະສືບທອດຕໍ່ເນື່ອງ.

ນອກຈາກນີ້,  ຜູ້ເຂົ້າຮ່ວມກອງປະຊຸມ ຍັງໄດ້ຮັບຟັງການເຜີຍແຜ່ມະຕິ  ຂອງກົມການເມືອງສູນກາງພັກ ສະບັບເລກທີ 032/ກມສພ ລົງວັນທີ 3 ມັງກອນ  2018 ວ່າດ້ວຍ   ວຽກງານການສ້າງ ແຜນກຳນົດ ພະນັກງານນໍາພາ-ຄຸ້ມຄອງ  ມະຕິ 030 ກມສພ, ລົງວັນທີ 3 ມັງກອນ 2018  ວ່າດ້ວຍມາດຖານ ຂອງພະນັກງານນຳພາ-ຄຸ້ມຄອງ ແລະ ຄຳແນະນຳຂອງ ຄະນະຈັດຕັ້ງສູນກາງພັກ ສະບັບເລກທີ 292/ຄຈສພ ລົງວັນທີ 26 ເມສາ 2018 ກ່ຽວກັບວຽກງານ ສ້າງແຜນກຳນົດ ພະນັກງານນຳພາ-ຄຸ້ມຄອງເປັນຕົ້ນ.

 

Leave a Reply

Your email address will not be published. Required fields are marked *

Facebook