ອົບຮົມການເປັນຄູຝຶກ ວຽກງານໂຄສະນາຕ້ານການຄ້າມະນຸດ

ເມື່ອບໍ່ດົນມານີ້, ກົມສະກັດກັ້ນ ແລະ ຕ້ານການຄ້າມະນຸດກົມໃຫຍ່ຕໍາຫລວດ ກະຊວງປ້ອງກັນຄວາມສະຫງົບ ໄດ້ເປີດຊຸດຝຶກ ອົບຮົມຄູຝຶກວຽກງານໂຄສະນາຕ້ານການຄ້າມະນຸດ ໃຫ້ພະ ແນກວິຊາສະເພາະ ຢູ່ກອງບັນຊາການ  ປກສ ແຂວງໄຊຍະບູລີ ທັງ​ນີ້ເພື່ອ​ເຮັດໃຫ້ການຈັດ​ຕັ້ງ​ປະຕິບັດ​ວຽກ​ງານ​ດັ່ງກ່າວ ​ມີ​ປະສິດທິ​ຜົນ​ສູງ​ຂຶ້ນ.

ຊຸດ​ອົບຮົມ​ຄັ້ງ​ນີ້, ສຳ​ມະ​ນາກ​ອນ ​ໄດ້​ຮຽນ​ຮູ້​ກ່ຽວ​ກັບ ພື້ນຖານໃນການເປັນຄູຝຶກວຽກງານ ໂຄສະນາຕ້ານການຄ້າມະນຸດ, ສະພາບ ການຄ້າມະນຸດໃນໂລກພາກພື້ນ  ແລະ ສປປ ລາວ ນອກຈາກ ຮໍ່າຮຽນພາກທິດສະດີ ນັກສໍາມະນາກອນ ຈະໄດ້ລົງປະຕິບັດຕົວ ຈິງໄປພ້ອມກັນ.

ທ່ານ ພັທ ບຸນໂທ ພອນມະນີ  ຮອງກອງບັນຊາການ ປກສ ແຂວງໄຊຍະບູລີ ໄດ້ກ່າວ​ວ່າ: ວຽກງານການສະກັດກັ້ນ ແລະ ຕ້ານການ ຄ້າມະນຸດ ເປັນວຽກງານ​ທີ່ສໍາຄັນທີ່ຂາດບໍ່ໄດ້ ເປັນວຽກ ງານທີ່ຕ້ອງໄດ້ສຸມໃສ່ ປະຕິບັດຕໍ່ຕ້ານກັບປະກົດການຫຍໍ້ທໍ້ໃນສັງຄົມ, ຕ້ອງປະຕິບັດຢ່າງເຕັມຄວາມສາມາດ ໂດຍສະເພາະແມ່ນນັກສໍາມະນາກອນທີ່​ເຂົ້າ​ຮ່ວມ​ສຳ​ມະ​ນາ​ຈົ່ງນຳ​ເອົາ​ບົດຮຽນ​ທີ່​ໄດ້​ຮັບ ໃນ​ຄັ້ງ​ນີ້ ໄປຜັນຂະຫຍາຍໂຄສະນາຜົນຮ້າຍ ຂອງການຄ້າມະນຸດ ໃຫ້ພໍ່ແມ່ປະຊາຊົນຮັບຮູ້ຜົນຮ້າຍຂອງການຄ້າມະນຸດ, ມີສະຕິລະວັງ ຕົວຕໍ່ບຸກຄົນທີ່ບໍ່ຫວັງດີ  ທີ່ເຮັດໃຫ້ລູກຫລານ ຕົກເປັນຜູ້ຖືກເຄາະຮ້າຍ ຈາກການຄ້າມະນຸດ.

ຊຸດ​ອົບຮົມ​ຄັ້ງ​ນີ້,   ສຳ​ມະ​ນາກ​ອນ ​ໄດ້​ຮຽນ​ຮູ້​ກ່ຽວ​ກັບ ພື້ນຖານ ໃນການເປັນຄູຝຶກວຽກງານໂຄ  ສະນາຕ້ານການຄ້າມະນຸດ,  ສະພາບການຄ້າມະນຸດໃນໂລກພາກພື້ນ  ແລະ ສປປ ລາວ ນອກຈາກ ຮໍ່າຮຽນພາກທິດສະດີ​ແລ້ວ  ສໍາມະນາກອນ ຍັງໄດ້ລົງປະຕິບັດຕົວຈິງໄປພ້ອມກັນ.

 

Leave a Reply

Your email address will not be published. Required fields are marked *

Facebook