ລັດຖະມົນຕີກະຊວງ ຖວທ ຕ້ອນຮັບປະທານສະມາຄົມ ຊັບສິນທີ່ເປັນມໍລະດົກໂລກ ຂອງຝຣັ່ງ

ໃນວັນທີ 7 ພະຈິກ 2018,  ທ່ານ ບໍ່ແສງຄຳ ວົງດາລາ ລັດຖະມົນຕີ  ກະຊວງຖະ ແຫລງຂ່າວ,  ວັດທະນະທຳ ແລະ ທ່ອງທ່ຽວ (ຖວທ)  ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ອິວ ດົສ Yves Dauge  ປະທານສະມາຄົມຊັບສິນທີ່ເປັນມໍລະດົກໂລກ ຂອງຝຣັ່ງ. ໃນໂອກາດເດີນ ທາງມາຢ້ຽມຢາມ  ແລະ ເຮັດວຽກຢູ່ ສປປ ລາວ.

ໃນ​​ໂອ​ກາດ​ນີ້, ທ່ານ ບໍ່​ແສງ​ຄຳ ວົງ​ດາລາ  ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ ແລະ ​​ຕີ​ລາຄາ​ສູງຕໍ່​ ທ່ານ​ ອິວ ດົສ ທີ່ໄດ້ນໍາພາຄະນະມາ ຢ້ຽມຢາມ ແລະ ເຮັດວຽກຢູ່  ສປປ ລາວ ໃນຄັ້ງນີ້, ເພື່ອທົບທວນຕີລາຄາ ວຽກງານ ຄຸ້ມຄອງມໍລະດົກໂລກ ຂອງ ສປປ ລາວ, ໂດຍ ຜ່ານການຊ່ວຍເຫລືອ ແລະ ສະໜັບສະໜູນຈາກຝຣັ່ງ ໃນໄລຍະຜ່ານມາ. ໃນລະຫວ່າງການພົບປະ, ທັງສອງຝ່າຍໄດ້ຮ່ວມກັນປຶກສາ ຫາລືຄວາມເປັນໄປໄດ້  ໃນການລົງເລິກ ວຽກງານຄຸ້ມຄອງ ດ້ານມໍລະດົກວັດທະນະທຳ, ໂດຍສະເພາະ ເພື່ອການຊຸກຍູ້ວຽກງານການ ຄຸ້ມຄອງມໍລະດົກໂລກ ຂອງ ສປປ ລາວ ໃຫ້ມີບາດກ້າວຂະຫຍາຍຕົວ ແລະ ເຂັ້ມແຂງຍິ່ງຂຶ້ນ.

​ໃນ​ໂອກາດ​ດຽວກັນນີ້,  ​ທ່ານ​ ອິວ ດົສ ກໍ​ໄດ້​ສະ​ແດງ​ຄວາມ​​ຂອບ​ໃຈຕໍ່  ທ່ານ ບໍ່​ແສງ​ຄຳ ວົງ​ດາລາ  ທີ່ໄດ້ສະຫລະເວລາອັນມີຄ່າ ໃຫ້ການ​ຕ້ອນຮັບ​ອັນອົບ​ອຸ່ນໃນຄັ້ງນີ້, ​ພ້ອມ​ທັງ​ແຈ້ງຈຸດປະສົງໃນການມາເຮັດວຽກ ໃຫ້ທ່ານລັດຖະມົນຕີຊາບຕື່ມອີກ.

 

Leave a Reply

Your email address will not be published. Required fields are marked *

Facebook