ລາວ – ຈີນ ຮ່ວມມືກັນຢ່າງແໜ້ນແຟ້ນ ດ້ານວຽກງານກາແດງ

ໃນ​ວັນ​ທີ 6 ພະ​ຈິກ 2018 ທ່ານ ​ຄຳ​ຮຸ່ງ  ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ໄດ້​ຕ້ອນ​ຮັບ ​ທ່ານ ຫວາງ ກວນ ຢູ (Mr. Wang Guangyu) ຮອງ​ປະ​ທານ​ກາ​ແດງ​ ແຂວງ​ ຫຸນ​ນານ ສ​ປ ຈີນ ພ້ອມ​ດ້ວຍ​ຄະ​ນະ ທີ່​ໄດ້​ເດີນ​ທາງ​ມາ​ເຮັດ​ວຽກ​ ແລະ ຢ້ຽມຢາມ ສປປ ລາວ,  ເພື່ອເປັນການເສີມຂະຫຍາຍ​​ ສາຍ​ພົວ​ພັນການ​ຮ່ວມ​ມື ໃຫ້ມີຄວາມແໜ້ນແຟ້ນຍິ່ງໆຂຶ້ນ.

ໃນໂອກາດດັ່ງກ່າວ, ທ່ານ ຄຳຮຸ່ງ ເຮືອງວົງສີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມໃນຄັ້ງນີ້, ຊຶ່ງເປັນມູນເຊື້ອ ການພົວພັນທີ່ມີມາແຕ່ດົນນານ ລະຫວ່າງສອງພັກສອງລັດ ແລະ ປະຊາຊົນສອງຊາດ ເວົ້າລວມ, ເວົ້າສະເພາະ ກໍຄືອົງການກາແດງລາວ ແລະ ສະພາກາແດງ ສປ ຈີນ. ໃນໄລຍະຜ່ານມາສະພາກາແດງ ສປ ຈີນ ໄດ້ໃຫ້ການຊ່ວຍເຫລືອວຽກ ງານກູ້ໄພ, ຝຶກອົບຮົມ ແລະ ຍົກລະດັບ ໃຫ້ອາສາສະໝັກແດງລາວຈຳນວນໜຶ່ງ.

ໃນໂອກາດນີ້, ທ່ານ ຫວາງ ກວນ ຢູ  ກໍໄດ້ສະແດງຄວາມຂອບໃຈ ຕໍ່ ທ່ານ ຄຳ​ຮຸ່ງ  ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງ ໃນການມາ ຢ້ຽມຢາມ ໃນຄັ້ງນີ້  ໃຫ້ປະ​ທານ​ອົງ​ການ​ກາ​ແດງ​ລາວ ຊາບຕື່ມອີກ.

 

Leave a Reply

Your email address will not be published. Required fields are marked *

Facebook