ຮ່ວມກັນຄ້າຂາຍເຮໂລອິນ 40 ແທ່ງ ຖືກໂທດປະຫານຊີວິດ

ໃນວັນທີ 1ພະຈິກ 2018 ຄະນະສານອາຍາ ສານປະຊາຊົນຂັ້ນຕົ້ນ ແຂວງອັດຕະປີ ໄດ້ຕັດສິນປະຫານຊີວິດຈຳເລີຍ 2 ຄົນ ຊື່ ທ້າວ ແກ້ວ ອາຍຸ 29 ປີ ປະຊາຊົນຢູ່ບ້ານໃໝ່ ເມືອງສະໜາມໄຊ ແລະ ທ້າວ ບຸນເກີດ ອາຍຸ 29 ປີ ປະຊາຊົນ ຢູ່ບ້ານວົງສຳພັນ ເມືອງພູວົງ ແຂວງອັດຕະປື ໃນສະຖານຄ້າຂາຍຢາເສບຕິດ ປະເພດເຮໂລອິນ ຈຳນວນ 40 ແທ່ງ.

ໃນຫ້ອງປະຊຸມສານ, ຄະນະສານອາຍາ ໄດ້ໄຕ່ສວນ ທ້າວ ບຸນເກີດ ແລະ ທ້າວ ແກ້ວ ເພື່ອປະກອບໃສ່ຄຳຖະແຫຼງການຂອງໄອຍາການປະຊາຊົນແຂວງ ເປັນລັກຖານທີ່ຈະຢັ້ງຢືນເພີ້ມເຕີມ.

ຜ່ານການໄຕ່ສວນພວກຈຳເລີຍ ຈິງໃຈ ຮັບສາລະພາບວ່າ: ວັນທີ 11 ພະຈິດ 2017, ທ້າວ ບຸນເກີດ (ຈຳເລີຍ 2) ແລະທ້າວ ແກ້ວ (ຈຳເລີຍ 1) ຮ່ວມກັບທ້າວ ທອງໃສ ໄດ້ປຶກສາຫາລືກັນເພື່ອຊື້-ຂາຍຢາເສບຕິດ ປະເພດເຮໂລອິນ.

ຜ່ານການຕົກລົງກັນໄດ້ມີການແບ່ງວຽກກັນຄັກແນ່ ໂດຍໃຫ້ທ້າວ ບຸນເກີດ ເປັນຜູ້ພົວພັນເອົາຢາເຮໂລອິນໄປຂາຍ ທ້າວ ທອງໃສ ເປັນຜູ້ຕິດຕໍ່ຫາຄົນມາຊື້. ສ່ວນທ້າວ ແກ້ວ ໃຫ້ເປັນຜູ້ເຝົ້າຢາເຮໂລອິນຫຼືຜູ້ສົ່ງ.

ມາວັນທີ 14 ພະຈິກ 2017, ທ້າວ ບຸນເກີດໄດ້ຕິດຕໍສັ່ງຊື້ເຮໂລອິນນຳທ້າວ ວົງ ຢູ່ແຂວງບໍລິຄຳໄຊ ຈຳນວນ 40 ແທ່ງ ໂດຍພວກກ່ຽວນັດສົ່ງໃຫ້ກັນຢູ່ເສັນທາງຫຼັກ 31 ທາງໄປຊາຍແດນລາວ-ຫວຽດນາມ.

ພາຍຫຼັງໄດ້ຢາມາແລ້ວ, ພວກກ່ຽວຈຶ່ງຕິດຕໍ່ຫາຜູ້ສັ່ງຊື້, ເຊິ່ງເປັນຄົນຕ່າງປະເທດ ໂດຍນັດກັນຢູ່ທາງໄປຊາຍແດນລາວ-ຫວຽດນາມ. ຈາກນັນ, ທ້າວ ທອງໃສ ຈຶ່ງໄດ້ເອົາເຮໂລອິນທີ່ບັນຈຸໃສ່ກະເປົ໋າເປ້ໄປເຊື່ອງໄວ້ຢູ່ປ່າແຄມທາງ ເພື່ອລໍຖ້າຜູ້ສັ່ງຊື້ມາເອົາ. ສ່ວນ ທ້າວ ວົງ ແລະ ທ້າວ ທອງໃສ ແມ່ນໄດ້ກັບໄປເມືອງສາມັກຄີໄຊມ ແລ້ວໃຫ້ທາ້ວແກ້ວ ເປັນຄົນເຝົ້າເຮໂລອິນຈຳນວນດັ່ງກ່າວ. ຈາກນັນປະມານ 10 ນາທີ ຈຶ່ງໄດ້ມີເຈົ້າໜ້າທີ່ຕຳຫຼວດ ປກສ ແຂວງອັດຕະປືເຂົ້າກັກຕົວ ທ້າວ ແກ້ວ ພ້ອມຂອງກາງເຮໂລອິນ ຈຳນວນດັ່ງກ່າວ. ຈາກນັ້ນປະມານ 10 ນາທີ ຈຶ່ງໄດ້ມີເຈົ້າໜ້າທີ່ຕຳຫຼວດ ປກສ ແຂວງອັດຕະປື ເຂົ້າກັກຕົວທ້າວ ແກ້ວ ພ້ອມຂອງກາງເຮໂລອິນ ຈຳນວນ 40 ແທ່ງ. ຈາກນັ້ນ, ເຈົາໜ້າທີ່ຈຶ່ງໄດ້ຂະຫຍາຍຜົນເຂົ້າຈັບຕົວທ້າວ ບຸນເກີດ ຢູ່ເຮືອນພັກຫຼັກ 31. ສ່ວນທ້າວ ທອງໃສ ແລະທ້າວ ວົງ ພວກກ່ຽວໄດ້ເອົາຕົວຫຼົບໜີ.

ຜ່ານການຄົ້ນຄວ້າບັນດາຂໍ້ມູນຫຼັກຖານ, ເອກກະສານຕ່າງໆທີ່ປະກອບໃນສຳນວນຄະດີ ແລະບວກກັບຄຳໃຫ້ການວ່າ: ທ້າວ ບຸນເກີດ ແລະທ້າວແກ້ວ ພວກຈຳເລີຍເປັນຜູ້ກະທຳຜິດທາງອາຍາ ໃນສະຖານຄ້າຂາຍຢາເສບຕິດ ທີ່ໄດ້ກຳໜົດໄວ້ໃນມາດຕາ 146 ຂໍ້ 2 ວັກ 4 ຂອງກົດໝາຍອາຍາ ສະບັບປັບປຸງ ປີ 2008 ເຊິ່ງໄດ້ລະບຸໄວ້ວ່າ: ບຸກຄົນໃດຫາກຜະລິດ, ປຸງແຕ່ງ, ມີໄວ້ໃນຄອບຄອງ, ຄ້າຂາຍ, ຈຳໜ່າຍ, ນຳເຂົາ, ສົ່ງອອກ, ຂົນສົ່ງ ຫຼື ນຳຢາອີ, ຢາບ້າ ຫຼື ວັດຖຸອອກລິດຕໍ່ຈິດປະສາດອື່ນໆຜ່ານ ສປປ ລາວ ເປັນອາຈີນ ຫຼືມີການຈັດຕັ້ງເປັນກຸ່ມ ຫຼືມີຢາອີ ,ຢາບ້າ ຫຼືວັດຖຸອອກລິດຕໍ່ຈິດປະສາດອື່ນໆ ທີ່ເກີນກວ່າ 3 ກິໂລກຼາມ ຈະຖືກລົງໂທດປະຫານຊີວິດ.

ດ້ວຍເຫດນີ້, ຄະນະສານອາຍາ ຈຶ່ງໄດ້ຕັດສິນລົງໂທດປະຫານຊີວິດທ້າວ ບຸນເກີດ ແລະ ທ້າວ ແກ້ວ; ຖ້າຫາກພວກຈຳເລີຍຫຼືໂຈດ ຝ່າຍໃດບໍ່ພໍໃຈກັບຄຳຕັດສິນ ແມ່ນໃຫ້ຂໍອຸທອນໃນກຳໜົດ 20 ວັນ ນັບແຕ່ມື້ລົງຄຳຕັດສິນເປັນຕົນໄປ.

 

ແຫຼ່ງຂ່າວ: ໜັງສືພິມຄວາມສະຫງົບ

 

 

Leave a Reply

Your email address will not be published. Required fields are marked *

Facebook