Apple ສັ່ງງົດ ເພີ່ມກໍາລັງການຜະລິດ “iPhone XR” ຫລັງຈາກຍອດຂາຍບໍ່ດີຢ່າງທີ່ຄິດ

ການເປີດຕົວ iPhone ທັງ 3 ລຸ້ນໃນປີນີ້ໄດ້ແກ່ iPhone XS, iPhone XS Max ແລະ iPhone XR ​ເຊິ່ງເປັນມືຖືໃຫມ່​ລຸ້ນທີ່ມີນະວັດກໍາ ແຕ່​ວ່າ​ຄວາມ​ຫວັງ​ສຳ​ຄັນ​ຂອງ Apple ຢູ່​ທີ່ iPhone XR ທີ່​ຫວັງ​ຈະ​ດັນ​ຍອດ​ຂາຍ​ໃຫ້​ຫລາຍ​ຂຶ້ນ

ແຕ່ກັບບໍ່ໄດ້ໄປເຖິງຝັ່ງຝັນ ເມື່ອຍອດຂາຍຂອງ iPhone XR ສວນທາງກັບກໍາລັງການຜະລິດຈົນ 3 ຜູ້ຜະລິດໄດ້ແກ່ Foxconn, Hon Hai Precision ແລະ Pegatron ປັບຂະບວນທ່າການຜະລິດໃຫມ່ ເຊິ່ງທັງ 3 ໃຊ້ກໍາລັງຜະລິດ iPhone XR ລວມກັນ ​ພຽງ 75% ຂອງທັງຫມົດເທົ່ານັ້ນເອງ

ໂດຍສ່ວນໃຫຍ່ເຫດຜົນທີ່ຍອດຂາຍຂອງ iPhone XR ບໍ່ເຖິງເປົ້າຫມາຍ ເຖິງວ່າເຄື່ອງຈະໄດ້​ລຸ້ນໃຫມ່ແກະກ່ອງ ແລະ CPU ໃຫມ່ກໍ່​ຕາມ ແຕ່ວ່າເມື່ອທຽບກັບຄວາມຄຸ້ມຄ່າໃນ iPhone 8 ແລະ iPhone 8 Plus ທີ່ລາຄາຖືກລົງເຮັດໃຫ້ຄົນສົນໃຈຫລາຍກວ່າ ຍິ່ງປັບລາຄາຫຼຸດລົງເຮັດໃຫ້ມັນເບິ່ງຫນ້າສົນໃຈ​ອີກ

ສ່ວນຍອດການຜະລິດຂອງ iPhone ທັງ 3 ​ລຸ້ນໃຫມ່ ເບິ່ງຄື iPhone XS Max ຈະເປັນລຸ້ນດຽວທີ່ມີຍອດຂາຍທີ່ເພີ່ມຂຶ້ນຢູ່ ແລະ ຍັງຄົງມີຄວາມຕ້ອງການສູງຢູ່ ຮອງມາເຫັນທີ່ຈະເປັນ iPhone 8 ແລ້ວຈົນເຮັດໃຫ້ມີການປັບກໍາລັງການຜະລິດອີກຄັ້ງຫນຶ່ງ ເລື່ອງລາວພວກນີ້ບໍ່ແນ່ບໍ່ນອນ ເພາະມີຍອດຂາຍເພີ່ມຂຶ້ນກໍາລັງການຜະລິດຂອງ​ລຸ້ນທີ່ເຫລືອກ​ນ່ອາດຈະກັບຂຶ້ນມາກໍ່ເປັນໄດ້.

 

 

 

ຂໍ້​ມູນ: Phonearna

 

 

Leave a Reply

Your email address will not be published. Required fields are marked *

Facebook