ຄູອາຈານ-ນັກຮຽນ ທີ່ປະສົບໄພນໍ້າຖ້ວມຢູ່ເມືອງສະໜາມໄຊ ໄດ້ຮັບເຄື່ອງຊ່ວຍເຫລືອ

ເມື່ອ​ບໍ່​ດົນ​ມາ​ນີ້,​ ທ່ານ ໄຊບັນດິດ ຣາຊະພົນ ປະທານສະມາຄົມອຸດສະຫະກໍາຕັດຫຍິບແຫ່ງຊາດລາວ ພ້ອມຄະນະ ໄດ້ນໍາເອົາເຄື່ອງນຸ່ງຫົ່ມ ເຊິ່ງປະກອບມີ ໂສ້ງ, ເສື້ອ ​ແລະ ສິ້ນ ລວມທັງໝົດມີ 6.740 ຜືນ ພ້ອມດ້ວຍ ອຸປະກອນກິລາປະເພດບານເຕະ 18 ໜ່ວຍ ມາມອບໃຫ້ແກ່ຄູ-ອາຈານ ແລະນັກຮຽນ ຜູ້ທີ່ໄດ້ຮັບຜົນກະທົບໄພພິບັດນໍ້າຖ້ວມ ຢູ່ເມືອງສະໜາມໄຊ ແຂວງອັດຕະປື, ລວມມູນຄ່າທັງໜົດ 134 ລ້ານກວ່າກີບ.

ພິທີມອບ-ຮັບ​ເຄື່ອງ​ຊ່ວຍ​ເຫລືອ​ດັ່ງກ່າວ ຈັດ​ຂຶ້ນ​ຢູ່ຫ້ອງການສຶກສາທິການ ແລະ ກິລາ ເມືອງສະ ໜາມໄຊ ທັງນີ້ ກໍເພື່ອສະແດງໃຫ້ເຫັນເຖິງຄວາມເປັນຫ່ວງເປັນໃຍຂອງພັກ-ລັດ ແລະ ທຸກ​ພາກສ່ວນ​ໃນ​ສັ່ງ​ຄົມ ກໍຄື ສະມາຄົມ ອຸດສະຫະກຳຕັດຫຍິບແຫ່ງຊາດລາວ ທີ່ມີຕໍ່ຜູ້ປະສົບໄພພິບັດ ເພື່ອເປັນການປະກອບສ່ວນຟື້ນຟູສະພາບຈິດໃຈ ກໍຄື ຊີວິດການເປັນຢູ່ຂອງ​ຜູ້​ທີ່​ໄດ້​ຮັບ​ຜົນ​ກະທົບໃຫ້ກັບຄືນ ສູ້ສະພາບປົກ ກະຕິໂດຍໄວ.

 

ແຫຼ່ງຂ່າວ: ຂ່າວສານປະເທດລາວ

 

Leave a Reply

Your email address will not be published. Required fields are marked *

Facebook