ຕຳຫລວດຈັບໄດ້ 6ຄົນ ວາງແຜນທຳຮ້າຍຜູ້ນຳຟະລັ່ງ

ຕຳຫລວດຟະລັ່ງຈັບຄຸມຕົວໄວ້ໄດ້ແລ້ວ 6ຄົນ ຜູ້ຕ້ອງສົງໄສກຸ່ມຫົວຮຸນແຮງຂວາຈັດ ວາງແຜນກໍ່ເຫດຮ້າຍກັບປະທານາທິບໍດີເອັມ ມານູເອລ ມາຄົງ ແຫ່ງຟະລັ່ງ

ສຳນັກຂ່າວຕ່າງປະເທດລາຍງານຈາກກຸງປາຣີ ປະເທດຟະລັ່ງເມື່ອວັນທີ 6ພະຈິກວ່າ ແຫລ່ງຂ່າວທີ່ໃກ້ຊິດກັບການສອບສວນເປີດ ເຜີຍວ່າ ສຳນັກງານຈາລະຊົນໃນປະເທດຂອງຟະລັ່ງມີຄຳສັ່ງໃຫ້ບຸກເຂົ້າກວດສະຖານທີ່ຕ້ອງສົງໄສ 3ບ່ອນນຳກັນ ມີຂໍ້ມູນຂ່າວກອງ ລະບຸວ່າ ພົບຜູ້ຕ້ອງສົງໄສວາງແຜນກັນຍ່າງຫລວມໆທີ່ຈະໃຊ້ປະຕິບັດການຄວາມຮຸນແຮງກັບປະທານາທິບໍດີເອັມມານູເອລ ມາຄົງ ແຫ່ງຟະລັ່ງ

ແຫລ່ງຂ່າວຕຳຫລວດລະບຸອີກວ່າ ຜູ້ຕ້ອງສົງໄສ 6ຄົນປະກອບດ້ວຍຊາຍ 5ຄົນ ແລະ ຍິງ 1ຄົນ ເປັນສະມາຊິກຂອງກຸ່ມຫົວຮຸນແຮງ ຂວາຈັດໃນປະເທດຟະລັ່ງ ຈື່ງຖືກຈັບຕົວໄວ້ໄດ້ລະຫວ່າງບຸກເຂົ້າກວດຄົ້ນພື້ນທີ່ໃນເຂດອິເຊເຣທາງຕາເວັນອອກສຽງໃຕ້ຂອງເມືອງ ລິີຍົງ ໃນເມືອງໂມເຊລຕິດພົມແດນເຢຍລະມັນ ແລະ ລັກເຊມເບີກ ລວມທັງທີ່ເມືອງອິລ ເລດ ວິແລງ ໃກ້ກັບເມືອງແຣນທາງຕາ ເວັນຕົກສຽງເຫນືອຂອງຟະລັ່ງ

ເມື່ອເດືອນມິຖຸນາທີ່ຜ່ານມາ ຕຳຫລວດໄດ້ຈັບກຸມສະມາຊິກກຸ່ມຫົວຮຸນແຮງຂວາຈັດໄດ້ 10ຄົນ ເຊິ່ງຖືກສອບສວນວ່າກ່ຽວຂ້ອງກັບ ຂະບວນການກໍ່ການຮ້າຍຫລືບໍ່

 

Leave a Reply

Your email address will not be published. Required fields are marked *

Facebook