ຖືກຈັບເຂົ້າຄຸກ ຍ້ອນບໍ່ຍອມເຊັນມອບໃບຕາດິນໃຫ້ນາຍທຶນ

ຂໍຄວາມຊ່ວຍເຫລືອຈາກປະຊາຊົນ ເລື່ອງມີຢູ່ວ່າ: ພວກຂ້າພະເຈົ້າຂໍຄວາມເປັນທຳຈາກພາກລັດ ແລະ ສັງຄົມ( ໂດຍບໍ່ມີເຈດຕະນາຕໍ່ຕ້ານໃດໆ ) ເລຶ່ອງລາວມີດັ່ງນີ້: ພໍ່ຂອງພວກຂ້າພະເຈົ້າ ທ້າວ ທິດໄພ ໄດ້ຖືກກັກຂັງໄວ້ທີ່ ປກສ ເມືອງ ປາກກະດິງ ແຂວງ ບໍລິຄຳໄຊແຕ່ວັນທີ່ 16/9/2019ຈົນຮອດປັດຈຸບັນ ສາເຫດຍ້ອນບໍ່ຍອມເຊັນມອບດິນໃຫ້ ໂຄງການສ້າງສຸກສາລາຂອງບໍລິສັດ ຢາງພາລາ ໂກເອໂກ ຈຳກັດຜູ້ດຽວ ຂອງຫວຽດນາມ ເຊີ່ງຕອນດິນດັ່ງກ່າວຕັ້ງຢູ່ ຫນ່ວຍ18 ບ້ານເລົ່າໃນ ເມືອງ ປາກກະດິງ ແຂວງ ບໍລິຄຳໄຊ ( ທາງໄປທ່າສະອາດ) ໂດຍບໍໄດ້ຮັບການຊົດເຊີຍຈາກພາກສ່ວນກ່ຽວຂ້ອງແຕ່ຢ່າງໃດ,ໂດຍພວກເຂົາເອົາລົດດຸດມາດຸດສວນແລະຜົນລະປູກອອກຫມົດ.

ຕອນດິນດັ່ງກ່າວແມ່ນພໍ່ເຖົ້າປ້າຍແລະແມ່ເຖົ້າໃສ( ພໍ່ແມ່ຂອງທ້າວທິດໄພ) ເປັນຜູ້ມາບຸກເບີກເຮັດໄຮ່ເຮັດສວນແຕ່ປີ1965 ຈົນມາຮອດປີ1985 ຈິງມອບໃຫ້ທ້າວທິດໄພເພື່ອເປັນບ່ອນເຮັດການຜະລິດ ໂດຍໄດ້ປູກເຂົ້າ ແລະ ປູກຫມາກນັດ, ຕົ້ນໄມ້ໃຫ້ຫມາກ ຈົນມາຮອດປີ2012 ຈິ່ງໄດ້ອອກໃບແຈ້ງທີ່ດິນ ຮອດຂັ້ນເມືອງໄດ້ເສຍພາສີທີ່ດິນ ແລະ ຄຸ້ມຄອງນຳໃຊ້ຈົນຮອດປີ2017 ຈິ່ງຖືກດຸດ.

ດັ່ງນັ້ນທາງຄອບຄົວພວກເຮົາຈິ່ງຂໍຄວາມເປັນທຳ ຈາກພາກລັດແລະສັງຄົມ

 

ແຫຼ່ງຂ່າວ: ຂ່າວດັງ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *