ພື້ນຖານເສດຖະກິດ ດິຈິຕອລຫວຽດນາມ ບັນລຸມູນຄ່າ 12 ຕື້ໂດລາສະຫະລັດໃນປີ 2019

(VOVWORLD), ອີງຕາມບົດລາຍງານໃໝ່ສຸດຂອງ Google, Temasekພ້ອມດ້ວຍຄູ່ຮ່ວມມື Brain & Company ກ່ຽວກັບພື້ນຖານເສດຖະກິດ ດິຈິຕອລອາຊີຕາເວັນອອກສ່ຽງໃຕ້ ປະຈຳປີ 2019 (e-Conomy Southeast Asia 2019), ພື້ນຖານເສດຖະກິດດິຈິຕອລ ຂອງຫວຽດນາມຈະບັນລຸມູນຄ່າ 12 ຕື້ໂດລາສະຫະລັດໃນປີ 2019 ແລະບັນລຸ 43 ຕື້ໂດລາສະຫະລັດ ໃນປີ 2025, ເຊິ່ງລວມມີບັນດາຂົງເຂດການຄ້າເອເລັກໂຕຼນິກ, ການທ່ອງທ່ຽວອອນລາຍ, ການສື່ສານອອນລາຍແລະການບໍລິການລົດຮັບໃຊ້ທາງອອນລາຍ.

ບົດລາຍງານໄດ້ເນັ້ນໜັກເຖິງບັນດາທ່າອ່ຽງທີ່ພົ້ນເດັ່ນທີ່ສຸດຂອງຂະແໜງອຸດສະຫະກຳດິຈິຕອລ ເຊິ່ງໄດ້ເປັນທີ່ຮັບຮູ້ໃນປີ 2019, ພ້ອມດຽວກັນນັ້ນ ກໍ່ໄດ້ໄຈ້ແຍກເຖິງຄວາມສາມາດບົ່ມຊ້ອນໃນປັດຈຸບັນແລະອານາຄົດຂອງພື້ນຖານເສດຖະກິດດິຈິຕອລອາຊີຕາເວັນອອກສ່ຽງໃຕ້ຢູ່ 6 ຕະຫຼາດໃຫຍ່ທີ່ສຸດປະກອບມີ: ພື້ນຖານເສດຖະກິດດິຈິຕອລ ຢູ່ມາເລເຊຍ, ຟີລິບປີນ, ສິງກະໂປແລະໄທພວມຂະຫຍາຍຕົວຢູ່ໃນລະດັບແຕ່ 20% ເຖິງ 30% ໃນແຕ່ລະປີ.

ໃນຂະນະນັ້ນ ກໍ່ມີ 2 ຜູ້ຕາງໜ້າທີ່ໄດ້ນຳໜ້າໃນພາກພື້ນຄືອິນໂດເນເຊຍແລະຫວຽດນາມເຊິ່ງມີລະດັບການຂະຫຍາຍຕົວລື່ນກາຍລະດັບ 40% ຕໍ່ປີ.
ບົດລາຍງານໄດ້ເຜີຍໃຫ້ຮູ້ຕົວເລກໃໝ່ທີ່ສຸດ ເຊິ່ງສະແດງໃຫ້ເຫັນໃນປີ 2019 ຫວຽດນາມໄດ້ກາຍເປັນຕະຫຼາດທີ່ຮັບເອົາແຫຼ່ງການລົງທຶນເປັນອັນດັບ 3 ໃນພາກພື້ນອາຊີຕາເວັນອອກສ່ຽງໃຕ້ດ້ວຍມູນຄ່າການລົງທຶນ 600 ລ້ານໂດລາສະຫະລັດແຕ່ປີ 2018 ເຖິງຕົ້ນປີ 2019.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *