ເບຣຊິນ ແລະ ໄທ ສະເໝີທິມຈາກອາຟຣິກາ! ເຕະບານອຸ່ນເຄື່ອງ!!

ການແຂ່ງຂັນເຕະບານອຸ່ນເຄື່ອງທິມຊາດ ໃນວັນທີ 10 ຕຸລາ 2019 ທັບແຊມບ້າທິມຊາດເບຣຊິນ ພົບກັບ ພະຍາສິງແຫ່ງອາຟຣິກາທິມຊາດເຊເນການ ທີ່ສະໜາມກິລາແຫ່ງຊາດປະເທດສິງກະໂປ ໃນເມືອງຄາວລາງ, ນັດນີ້ ຕີເຕ້ ຄູຝຶກທັບແຊມບ້າ ວາງ ເນມາຣກອງໜ້າຈາກ PSG ຢືນໜ້າຄູ່ກັບ ໂຣແບໂຕ້ ຟີຣມີໂນ້ ຈາກລີເວີພູລ, ໂດຍມີ: ກາບ້ຽວ ເຊຊຸສ ແລະ ຟີລິບເປ້ ຄູຕິນໂຢ້ ເສີມເກມບຸກປີກຂວາ ແລະ ຊ້າຍ, ຂະນະທີ່ກອງກາງຕົວຮັບ ແລະ ບຸກ ມອບໝາຍໃຫ້ ຄາເຊມີໂຣ້ ແລະ ອາຕູເມໂລ້, ຫລັງ 4 ຄົນປະກອບມີ: ດານີ້ ອາວເວັສ ຫົວໜ້າທິມ, ເຕຍໂກ້ ຊິນວາ, ມາກິນຢັອສ ແລະ ອາເລັກ ຊານໂດຣ.

ຂະນະທີ່ ເຊເນການ ນຳໜ້າພາທາງໂດຍ ຊາດີໂອ ມາເນ່ ຈາກລີເວີພູລ, ການ້າເກ ຈາກ PSG, ຄູຢາເຕ້ ຈາກຄຣິສຕັນ ພາເລດ ແລະ ຄູລີບາລີ້ ຈາກນາໂປລີ. ເກມນີ້ທັງສອງທິມເປີດໜ້າແລກກັນເພື່ອມອບຄວາມມັນໃຫ້ແຟນບານ ເບຣຊິນ ສວຍໂອກາດອອກນຳກ່ອນຈາກ ໂຣແບໂຕ້ ຟີຣມີໂນ້ ກອງໜ້າຈາກຫົງແດງລີເວີພູລ ນາທີ 9′ ກາຍເປັນປະຕູທີ 13 ຂອງຟີຣມີໂນ້ ໃນນາມທິມຊາດ ຈາກການລົງຫລິ້ນ 41 ນັດ. ຈາກນັ້ນທ້າຍເຄິ່ງເວລາທີໜຶ່ງ ເຊເນການ ໄລ່ຕີສະເໝີຈາກຈຸດໂທດຂອງ Famara Diédhiou ກອງໜ້າຈາກບຣິສຕໍ້ ຊິຕີ້ ນາທີ 45+1′ ເຄິ່ງຫລັງບໍ່ມີປະຕູເພີ່ມ ຈົບເກມສະເໝີກັນ 1-1 ນັດຕໍ່ໄປ ເບຣຊິນ ຈະພົບກັບ ໄນຈີເຣຍ (ນິເຊຣີ້) ອີກໜຶ່ງທິມຈາກອາຟຣິກາ ໃນວັນທີ 13 ຕຸລານີ້ທີ່ສະໜາມແຫ່ງນີ້, ຂະນະທີ່ ເຊເນການ ຈະໄປຢາມ ກີນີ ໃນວັນທີ 18 ຕຸລານີ້ ເປັນການຄັດເລືອກຊິງແຊ້ມທະວີບອາຟຣິກາ ຫລື African Nations Championship 2020 ຮອບຄັດເລືອກ

ສ່ວນການອຸ່ນເຄື່ອງອີກໜຶ່ງຄູ່ທີ່ໜ້າສົນໃຈ ທິມຊາດໄທ ເປີດສະໜາມລີໂອ ສະເໝີກັບ ທິມຊາດສາທາລະນະລັດກົງໂກ້ ສະເໝີກັນ 1-1 ໄທນຳກ່ອນຈາກ ທີຣະສິນ ແດງດາ ກອງໜ້າຈາກເມືອງທອງ ຢູໄນເຕັດ ນາທີ 35′ ແຕ່ ກົງໂກ້ ຕີສະເໝີຈາກ Gaius Makouta ນາທີ 60′.

ນັດຕໍ່ໄປ ໄທ ຈະເປີດບ້ານພົບກັບສະຫະລັດອາຣັບ ເອມີເຣດ ເປັນເກມບານໂລກ 2022 ຮອບຄັດເລືອກເຂດອາຊີ ໃນວັນທີ 15 ຕຸລານີ້ທີ່ສະໜາມລີໂອ, ຂະນະທີ່ ກົງໂກ້ ຈະເປີດບ້ານພົບກັບ ເອກົວໂທຣ້ຽວ ກີນີ ໃນວັນທີ 18 ຕຸລານີ້ ເປັນການຄັດເລືອກຊິງແຊ້ມທະວີບອາຟຣິກາ ຫລື African Nations Championship 2020 ຮອບຄັດເລືອກ.

 

 

ຂໍ້ມູນມາຈາກ : ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *