ຢາມາຊູນຂ້ອຍໃດ! ເພງໃໝ່ຂອງ “ໄກ່ ນາງພະຍາ” ຈັດເຕັມທັງເອັມວີ ແລະ ເນື້ອຮ້ອງ ພ້ອມດົນຕີແບບລາຕິນ

ປ່ອຍອອກມາໃຫ້ຟັງກັນແບບເຕັມໆແລ້ວກັບຜົນງານເພງ “ຢ່າມາຊູນ” ຂອງ “ໄກ່ ນາງພະຍາ” ທີ່ຈັດເຕັມທັງເອັມວີ ແລະ ເນື້ອຮ້ອງທີ່ແປກໃໝ່ ພ້ອມດົນຕີແບບລາຕິນ.

ເພງດັ່ງກ່າວນີ້ໄດ້ຖືກປ່ອຍອອກມາໃຫ້ເບິ່ງກັນໃນເວລາ 22:10 ໂມງຂອງຄືນວານນີ້ (10 ຕຸລາ 2019) ຜ່ານທາງຊ່ອງຢູທູບທາງການຂອງ ໄກ່ ນາງພະຍາ ເອງ.

ໄກ່ ລະບຸໄວ້ໃນຂໍ້ຄວາມອະທິບາຍຂອງວິດີໂອດັ່ງກ່າວວ່າ ເພງ “ຢ່າມາຊູນນີ້” ໃຊ້ເວລາໃນການແຕ່ງພຽງແຕ່ 5 ນາທີ ເຊິ່ງກົງກັນກັບຂ່າວທີ່ອອກມາກ່ອນໜ້ານີ້ ເຊິ່ງຕອນນັ້ນຍັງບໍ່ທັນຮູ້ວ່າແມ່ນເພງໃດ. ທັງນີ້ ຜົນງານຫຼ້າສຸດນີ້ ໄກ່ ນາງພະຍາ ກ່າວວ່າ ເປັນຜົນງານພາກຕໍ່ຂອງເພງ “ນາງພະຍາ” ເພື່ອຕອກຢໍ້າຄງາມສຳເລັດຂອງເພງດັ່ງກ່າວທີ່ມີຜູ້ຊົມທາງຢູທູບກວ່າ 5 ແສນຄັ້ງ.

ສຳລັບເອັມວີເພງ ຢ່າມາຊູນນີ້ ເຖິງວ່າຮອບນີ້ຈະບໍ່ໄດ້ມີນັກເຕັ້ນຫຼາຍຄືກັບເພງກ່ອນ ແຕ່ກໍສ້າງຄວາມອະລັງການໄດ້ບໍ່ໜ້ອຍກວ່າກັນ ໂດຍໄດ້ຂົນເອົາທີມນັກກາຍະສິນຈາກໂຮງກາຍະສິນແຫ່ງຊາດລາວມາຮ່ວມສະແດງ ລວມທັງມີນັກຮ້ອງໃນຕຳນານຢ່າງ ປຸ້ຍ Moderndance ມາຮ່ວມຮ້ອງນຳ.

 

ຂໍ້ມູນຈາກ: ມ່ວນ

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *