ເປັນຫ່ວງ! ເຈົ້າແຂວງສັນຕິພາບ ພົມວິຫານ ນໍາເອົາເຄື່ອງສິ່ງຂອງ ລົງມອບໃຫ້ປະຊາຊົນ ຈຸດສຸມລະໂກ

ດ້ວຍຄວາມເປັນຫ່ວງ ເປັນໃຍຕໍ່ກັບການດໍາລົງຊີ ວິດຂອງປະຊາຊົນໃນເຂດຊົນ ນະບົດຫ່າງໄກສອກຫລີກ ດັ່ງນັ້ນໃນວັນທີ 5 ຕຸລາ 2019, ທ່ານເຈົ້າແຂວງສະຫວັນນະ ເຂດ ສັນຕິພາບ ພົມວິຫານ ພ້ອມພັນລະຍາ ແລະນັກທຸລະ ກິດຍິງຂອງແຂວງ, ພະແນກ ກະສິກໍາ ແລະປ່າໄມ້ແຂວງຂະ ແໜງການຈໍານວນໜຶ້່ງໄດ້ນໍາ ເອົາເຄື່ອງຊ່ວຍເຫລືອຈໍາ ນວນໜຶ່ງປະກອບມີເຂົ້າ ສານ, ເກີບສໍາລັບເດັກ, ຜ້າ ຫົ່ມ, ນໍ້າດື່ມ, ເຂົ້​າໜົມ ແລະ ເຄື່ອງອຸປະໂພກ-ບໍລິໂພກຕົກ ເປັນມູນຄ່າທັງໝົດ 105.626.000 ກີບ ລົງແຈກ ຢາຍໃຫ້ກັບພໍ່ແມ່ປະຊາຊົນຜູ້ທຸກຍາກຂາດເຂີນທັງຖືກ ຜົນກະທົບຈາກໄພນໍ້າຖ້ວມທີ່ ຜ່ານມາເຂດຢູ່ຫ່າງໄກສອກ ຫລີກໃນຈຸດສຸມລະໂກຊຶ່ງສ້າງ ຄວາມເສຍຫາຍທາງດ້ານ ເນື້ອທີ່ການຜະລິດກະສິກໍາ ເປັນຕົ້ນແມ່ນເນື້ອທີ່ສວນປູກ ເຂົ້າ, ເນື້ອທີ່ສວນກາເຟ, ຢາງ ໂບງ, ມັນຕົ້ນ, ອື່ນໆ.
ເຊິ່ງໃນນີ້ໄດ້ລົງມອບ ແລະແຈກຟາຍເຄື່ອງຊ່ວຍ ເຫລືອໃຫ້ປະຊາຊົນ ບ້ານລະ ເຕືອງ, ບ້ານຕໍເຮືອ, ບ້ານ ໃໝ່ວັງເລິກ ແລະບ້ານກະ ລາກທີ່ຂຶ້ນກັບຈຸດສຸມລະໂກ ເມືອງເຊໂປນ ແຂວງສະຫວັນ ນະເຂດ.
ຈາກການສໍາພາດຂອງຄະນະຈຸດສຸມຊີ້ໃຫ້ເຫັນວ່າ: ຈຸດສຸມລະໂກ ແມ່ນເປັນເຂດທີ່ ຫ່າງໄກຂອງເມືອງເຊໂປນ ປະຊາຊົນໃນເຂດນີ້ດໍາລົງ ຊີວິດຂຶ້ນກັບທໍາມະຊາດ ແລະ ຍັງທຸກຍາກຂາດເຂີນທັງເປັນ ຊົນເຜົ່າອີກດ້ວຍປະກອບມີ 13 ບ້ານ, ມີພົນລະເມືອງ 4.513 ຄົນ, ຍິງ 2.325 ຄົນ ມີ 712 ຫລັງຄາເຮືອນ, 879 ຄອບຄົວໃນນີ້ມີຄອບຄົວ ພົ້ນທຸກ 150 ຄອບຄົວ; ຄອບ ຄົວພໍຢູ່ພໍກິນ 142 ຄອບຄົວ ແລະຄອບຄົວທຸກຍາກ 587 ຄອບຄົວ.
ໄລຍະເກິດມີໄພນໍ້າຖ້ວມ ທີ່ຜ່ານມາປະຊາຊົນໃນເຂດ ຈຸດສຸມລະໂກກໍ່ໄດ້ຮັບຜົນ ກະທົບ ແລະເສຍຫາຍພໍສົມ ຄວນຊຶ່ງມີ 10 ບ້ານ, 226 ຫລັງຄາເຮືອນ, 276 ຄອບ ຄົວ, ມີພົນລະເມືອງ 1.494 ຄົນ, ຍິງ 767 ຄົນ, ເຂົ້ານາ ປີເສຍຫາຍ 20 ເຮັກຕາ, ໄມ້ອຸດສາຫະກໍາກາເຟ, ຢາງ ບົງ 36 ເຮັກຕາ, ສວນເຂົ້າ 40 ເຮັກຕາ ຈາກນີ້ກໍ່ມີ​ຄວາຍ 13 ໂຕ, ງົວ 21 ໂຕ, ໝູ 54 ໂຕ, ແບ້34 ໂຕ, ສັດປີກ ຈໍານວນໜຶ່ງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *