ລາງວັນ​ໂນ​ແບນ ຂະ​ແໜງ​ຟີ​ຊິກ​ ​ເປັນ​ຂອງ​ຜົນງານ​ການ​ຄົ້ນຄວ້າ​ກ່ຽວ​ກັບ​ອາ​ວະ​ກາດ

ຄະນະ​ກຳມະການ​ໂນ​ແບນ ຂອງ​ສະ​ຖາ​ບັນ Karolinska ຢູ່​ໃນ​ນະຄອນຫຼວງ​ສະ​ຕົກ​ໂຮມ ຂອງ​ຊູ​ແອດ ໄດ້​ປະກາດ​ລາງວັນ​ໂນ​ແບນ ຂະແໜງ​ຟີ​ຊິກ ປະຈຳ​ປີ 2019 ອອກ​ມາ​ເມື່ອ​ວັນ​ທີ 8 ຕຸລາ​ນີ້ ວ່າ​ລາງວັນ​ດັ່ງກ່າວ ເປັນ​ຂອງ​ນັກວິທະຍາສາດ 3 ຄົນ ອັນ​ປະກອບ​ດ້ວຍ ເຈມ ພິບ​ເລ​​ສ (ຊາວ​ອາ​ເມ​ຣິ​ກັນ​ເຊື້ອສາຍ​ກາ​ນາ​ດາ) ພ້ອມ​ດ້ວຍ​ຊາວ​ສະ​ວິດ​ອີກ 2 ຄົນ ໄດ້ແກ່ ໄມ​ເຄິນ ເມ​ຢໍ ແລະ ດີ​ດີ​ເອີ ເກລ​​ົສ ຈາກ​ຜົນງານ​ການ​ຄົ້ນຄວ້າ​ຂອງ​ເຂົາເຈົ້າ ທີ່​ພົວພັນ​ເຖິງ​ອາ​ວະ​ກາດ.

ນີ້​ເປັນ​ລາງວັນ​ທີ​ສອງ ທີ່​ໄດ້​ປະກາດ​ໃນ​ລະດູ​ການ​ລາງວັນ​ໂນ​ແບນ​ປີ​ນີ້ ແລະ ກໍ​ເປັນ​ລາງວັນ​ໂນ​ແບນ​ຂະແໜງ​ຟີ​ຊິກ​ເທື່ອ​ທີ 113 ທີ່​ໄດ້​ປະກາດ​ມອບ ນັບ​ແຕ່​ປີ 1901 ເປັນຕົ້ນ​ມາ.

ທີ່​ໜ້າ​ໃສ່ໃຈ​ກໍ​ຄື​ວ່າ ໃນ​ປີ​ນີ້ ສະ​ຖາ​ບັນດິດ​ແຫ່ງ​ຊູ​ແອດ ຈະ​ປະກາດ​ຜູ້​ເປັນ​ເຈົ້າ​ຂອງ​ລາງວັນ​ໂນ​ແບນ​ສາຂາ​ວັນນະກຳ ທັງ​ຂອງ​ປີ 2018 ແລະ  2019 ທັງ​ນີ້​ກໍ​ເພາະວ່າ​ລາງວັນ​ນີ້​ບໍ່​ໄດ້​ປະກາດ​ອອກ​ມາ​ເມື່ອ​ປີ​ກາຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *