ວິ​ສາ​ຫະ​ກິດ​ຂາຍ​ຍ່ອຍ ​ແລະ ອາ​ຫານ​ໃນ​ທົ່ວ​ປະ​ເທດ​ຈີນ ​​ບັນ​ລຸ​ການ​ຈຳ​ໜ່າຍ​ເພີ່ມ​ຂຶ້ນ 8,5%

ກະຊວງ​ການ​ຄ້າ​ຈີນ ເປີດເຜີຍ​ຂໍ້​ມູນ​ສະຖິຕິ​ໃນ​ວັນ​ທີ 7 ຕຸລາ​ນີ້ ສະແດງ​ໃຫ້​ເຫັນ​ວ່າ ແຕ່​ວັນ​ທີ 1 ຫາ​ວັນ​ທີ 7 ຕຸລາ​ນີ້ ວິ​ສາ​ຫະ​ກິດ​ດ້ານ​ການ​ຂາຍຍ່ອຍ ແລະ ອາຫານ​ໃນ​ທົ່ວ​ປະເທດ​ຈີນ ໄດ້​ບັນລຸ​ການຈຳໜ່າຍ​ເປັນ​ມູນ​ຄ່າ​ທັງ​ໝົດ 1.520 ຕື້​ຢວນ ເພີ່ມ​ຂຶ້ນ 8,5% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີ​ກາຍ.

ຕາມ​ການ​ຕິດຕາມ​ຂອງ​ກະຊວງ​ການ​ຄ້າ​ຈີນ​ແລ້ວ ໃນ​ໄລຍະ “ສັບປະດາ​ແຫ່ງ​ຄຳ 1 ຕຸລາ” ປີ​ນີ້, ການ​ບໍລິໂພກ​ແບບ​ດັ້ງເດີມ​ປະເພດ​ຕ່າງໆ ເຊັ່ນ ການ​ຊື້​ສິນຄ້າ ອາຫານ​ການ​ກິນ ແລະ ອື່ນໆ​ມີ​ຄວາມ​ຄຶກຄັກ​ຫຼາຍ ການ​ບໍລິໂພກ​ແບບ​ໃໝ່ ເຊັ່ນ ການທ່ອງທ່ຽວ ວັດທະນະທຳ ກິລາ ແລະ ອື່ນໆ ໄດ້​ມີ​ການ​ພັດທະນາ​ຢ່າງ​ວ່ອງໄວ ຕະຫຼາດ​ເຄື່ອງໃຊ້​ປະຈຳ​ວັນ​ມີ​ການ​ສະໜອງ​ສິນຄ້າ​ຢ່າງ​ພຽງພໍ ແລະ ມີ​ລາຄາ​ໝັ້ນ​ທ່ຽງ​ໂດຍ​ລວມ.

ອີກ​ດ້ານ​ໜຶ່ງ ໃນ​ໄລຍະ​ວັນ​ພັກ​ວັນຊາດ​ຈີນ ປີ​​ 2019 ນີ້ ຈຳນວນ​ນັກ​ທ່ອງ​ທ່ຽວ​ຈີນ ທີ່​ໄປ​ທ່ຽວ​ຢູ່​ຕ່າງປະເທດ ມີ​ຈຳນວນ​ຫຼາຍ​ກວ່າ 7 ລ້ານ​ເທື່ອ​ຄົນ ໃນ​ຂະນະ​ທີ່​ຕະຫຼາດ​ການທ່ອງທ່ຽວ​ຕ່າງປະເທດ​ເຕີບ​ໂຕ​ຂຶ້ນ ການ​ບໍລິໂພກ​ມີ​ຄວາມ​ສົມ​ເຫດ​ສົມ​ຜົນ. ນັກ​ທ່ອງ​ທ່ຽວ​ຈີນ ທີ່​ໄປ​ທ່ຽວ​ຢູ່​ຕ່າງປະເທດ​ໃຫ້​ຄວາມ​ສົນໃຈ​ການ​ພັກຜ່ອນ​ຢ່ອນ​ໃຈ​ຫຼາຍ​ກວ່າ ແຫຼ່ງ​ທ່ອງ​ທ່ຽວ​ທີ່​ນິຍົມ​ຢູ່​ຕ່າງປະເທດ ກໍ​ມີ​ທ່ວງ​ທ່າ​ແຕກ​ຕ່າງ​ກັນ.

ນອກຈາກ​ຍີ່ປຸ່ນ ໄທ ມາ​ເລ​ເຊຍ ສິງກະໂປ ອົດ​ສະ​ຕຣາ​ລີ ຝຣັ່ງ ອີ​ຕາ​ລີ ຣັດ​ເຊຍ ທີ່​ເປັນ​ສະຖານທີ່​ທ່ອງ​ທ່ຽວ​ທີ່​ເຄີຍ​ໄດ້​ຮັບ​ຄວາມ​ນິຍົມ ມີ​ນັກ​ທ່ອງ​ທ່ຽວ​ໄປ​ທ່ຽວ​ຢ່າງ​ຫຼວງຫຼາຍ​ຄືເກົ່າ​ແລ້ວ  ເຊັກ​ໂອ​ຕະ​ຣິດ ຮົງ​ກາ​ຣີ ສະ​ໂລ​ວັກ ໂປ​ໂລຍ ໂກຣ​ອາຊີ, ມານ​ຕາ ກຳປູເຈຍ ແລະ ອື່ນໆ​ທີ່​ມີ​ນັກ​ທ່ອງ​ທ່ຽວ​ໄປ​ທ່ຽວ​ໜ້ອຍ​ໃນ​ແຕ່​ກ່ອນ ກໍ​ມີ​ການ​ຈອງ​ທາງ​ອິນ​ເຕີ​ເນັດ​ເພີ່ມ​ຂຶ້ນ​ຫຼາຍ​ກວ່າ 10% ເມື່ອ​ທຽບ​ກັບ ວັນ​ພັກ​ວັນຊາດ​ຈີນ ປີ 2018.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *