Honda Civic Sedan 2020 ເຖິງເວລາປັບແຕ່ງສູ່ຄວາມສະປອດເພີ່ມຫລາຍຂຶ້ນ

ເປັນອີກໜຶ່ງລົດຍອດນິມຍົມໃນບ້ານເຮົາເລີຍກໍ່ວ່າໄດ້ ສຳລັບ Honda Civic ແຕ່ຫາກຈະດີໄຊແບບເກົ່າໆ ສະມັດທະນະແບບເກົ່າ ຕໍ່ເນື່ອງກັນເປັນເວລາຫລາຍປີມົນສະເໜ່ແຫ່ງຄວາມຮ໋ອດຮິດກໍ່ອາດຈະເຊື່ອມຖອຍໄດ້ ນັ້ນຈຶ່ງເປັນທີ່ມາຂອງການປ່ຽນແປງຄັ້ງສຳຄັນ ຂອງ Honda Civic Sedan 2020 ນັ້ນເອງ

ຈຸດເດັ່ນທີ່ແຂງແກັ່ງຂອງ  Honda Civic Sedan 2020 ກໍ່ຍັງຄົງເອກກະລັກໄວ້ຄືເກົ່າສ່ວນສິ່ງທີ່ເພີ່ມເຕີມເຂົ້າມາກໍ່ຄົງເປັນເລື່ອງການດີໄຊເປັນຫລັກ ມຸ່ງເນັ້ນຄວາມສະປອດຫລາຍຂຶ້ນ ທັງຈາກກັນຊົນໜ້າ ແລະ ກະຈັງໜ້າ ລວມໄປເຖິງໄຟໜ້າ  LED ທີ່ມີລະບົບໄຟ  Auto ເດັ່ນເປັນສະງ່າສ່ວນດ້ານທ້າຍລົດກໍ່ມີກໍ່ມີກັນທ້າຍໃໝ່ເຊັ່ນກັນ ລວມໄປເຖິງລິບສະປອຍເລີ່ ແລະ ເສົາອາກາດວິທະຍຸຄີບສະຫລາມດ້ານເທິງຫລັງຄາ

ໂຍຍ້າຍໄປທີ່ຫ້ອງໂດຍສານເຊິ່ງບໍ່ປ່ຽນແປງໄປກວ່າລຸ່ນກ່ອນຫລາຍປານໃດ ເລີ່ມຕົ້ນດວ້ຍເບາະນັ່ງຄົນຂັບທີ່ປັບໄດ້ 8 ທິດທາງດ້ວຍໄຟຟ້າ ຄະນະທີ່ຕຳແໜ່ງອື່ນໆຈະປັບໄດ້ 4 ທິດທາງ ເບາະຫລັງພັບແບບ 60:40 ໜ້າຈໍຂະໜາດ 7 ນິ້ວທີ່ຄວບຄຸມເຄື່ອງສຽງ ສົ່ງຕໍ່ໄປທີ່ລຳໂພງສຸດພີມ່ຽມທີ່ຕິດຕັ້ງໄວ້ທົ່ວລົດຫລາຍເຖິງ 10 ຈຸດ ແມ້ກະທັ່ງລະບົບປັບອາກາດຍັງແບກອອກເປັນ 2 ໂຊນ

ຄະນະທີ່ຂຸມພະລັງຂອງ Honda Civic Sedan 2020 ໃຊ້ເຄື່ອງຈັກ 1,5 ເທີໂບໃຫ້ກຳລັງສູງສຸດທີ່ 173 ແຮງມ້າສ່ວນແຮງບິດສູງສຸດຢູ່ທີ່ໂຕເລກ 219 ນິວຕັ່ນເມດ ຈັບຄູ່ກັບລະບົບເກຍ CVT ອີກດ້ວຍ

ດ້ານລາຍລະອຽດເຈາະເລິກອື່ນໆ ຍັງບໍ່ມີການໃຫ້ຂໍ້ມູນອອກມາ ລວມໄປເຖິງຄຳຕອບທີ່ວ່າ Honda Civic Sedan 2020 ຈະເປີດຕະລາດທີ່ປະເທດຫລືບໍ່

 

 

ຂໍ້ມູນມາຈາກ : ອໍໂຕ່ສະນຸກ

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *